فعلاً ذكرتيني .. ياغزال الحبارى

أنا أم زوجي الله يذكرها بالخير .. ترش شوووووي زنجبيل

سمعت ترا ســـمـــعـــت ناس يرشونه بشوي عصير ليمون بس مانيب متأكدة!!
ام احمد
احنا نكبس كل سنه وما نحط الا حبه حلوه وينسون بس

تحياتي


اعتذر عن الرد على الخاص والعام لظروف طارئة دعواتكم لي بالفرج والله يبعد عنكم كل كرب
اختي ماكو اسامي

ممكن تعلميني كيف طريقة تنظيف وكبس وحفظ التمور وكل شي بالتفصيل للاهميه وجزاك الله كل خير مقدما
مرحبا اختي ضحى
اولا فوحي ماي بقدر نظيف لحد ما يغلي عدل دقيقه
حطي فيه شوي ملح خشن مو تملحين بس شوي خلى الماي يفتر ويبرد (غلي الماي يخليه انظف وانقى)
يدوب نزلي التمر وطلعيه مو ينقع يغطس ويطلع بس ما تكون الكميه وايد تأكدي ان التمر حاشه الماي عدل
نشريه على فوط نظيفه ممكن شرشف نظيف وتحته جرايد وايده عشان تشربالماي
بس ينشف ويجف عدل
كبيه بماعون كبير كله على بعض وهاتي الحبة الحلوه والينسون (حسب طريقتنا )
واحط وياه دبس تمر جاهز اشتريه من محلات التمور ممكن ما تحطين على كيفج بس انا احطه عشان اضمن التمر يلصق مع بعضه وما يخلي بينه فتحات هواء
مو اشربه بس اشوفه لصق مع بعض شوي واقلبه عدل بيدي من فوق لتحت لحد ما اوزع الدبس والتوابل عدل وابدي اكبسه فو اكياس اللحم النظيفه طبعا بإيدي عشان اظمن مافي هوا والافضل لا تملين الكيس نصه بس عشان الكبس يكون اسهل والاستخدام يكون على القد
في حرنا هذا نص يوم بالشمس كافي تلقين الكيس مولع يعني من الصبح للمغرب زين بتشوفينه دبس ربطي الاكياس بحبل عدل عشان لا تخر
رصي الاكياس بصينيه عشان لو خر ما يدمر اربع يم بعض ورصي الباقي فوقه
هاتي طابوق و رصيه عليه تحسين انه مكبوس غطيه بشرشف وبس من اسبوع لعشر ايام
يبين معاج احفظي نص الكميه بالفريزر والنص بمكان بارد
وبالعافيه


اعتذر عن الرد على الخاص والعام لظروف طارئة دعواتكم لي بالفرج والله يبعد عنكم كل كرب
مرحبا اخواتي بالنسبه للتمر على طريقة اهل العين في الامارات اول ننقي التمر زين ثم نغسله ونضعه في منخل كبير يمكن بمقاس السرير وهذا موجود في العين ونتركه حتى يجف الماء عنه (ولكن لابد ان يكون التمر مجفف من قبل جيد ) فاذا غسلتيه الصبح بدري حوالي الساعه الثانيه ظهرا ابدا اكيسه او اضعه في سطل بلاستيك كبير حسب الذوق وارش بينة مره كمون مطحون ومره هيل مطحون ويطلع رهيب واذا كنت بتحطينه في اكياس انصحك ان تضعي الكيسه فوق الكيسه الثانيه عشان يلين التمر ..
مع تحياتي
المهيرية


الساعة الآن 03:55 .