Analysis Services
السلام عليكم ورحمة الله
كيفكم ي بنات...
قبل كم اسبوع نزلت موضوع عن خلطة لتنشيط المبايض اخذتها من المراخه المعروفه ام سعيد
وهالمره معلومه خطيررررررررررره سمعتها من المداوية ام فيصل المشهوره اللي 15 يوم بالقصيم وزيهم بالرياض...شفتوا كيف انا خطيرة ودايما اوافيكم باخطر الاخبار
المهم..
رحت لام فيصل الاسبوع اللي فات وقعدت 4ساعات لمادخلت عندها صراحه الانتظار قاتل...وزحمه وناس جاييين من كل مناطق المملكه الله يجعل بيدها الشفاء لكل مسلم ومريض..
لما دخلت عندها وقلتلها كل شي وكم لي متاخره وكذا وشافت تحاليلي وتحاليل زوجي واشعة الصبغه
قالت لي ان سبب تاخير الحمل عييييييييييييييييييييييييييييييييييين حاسد من قريب
لاني حملت بولدي بعد زواجي على طول وتقول علمتي الناس على طول فاصابتك عين من قريباتك ((وانتبهوا لاتعلموووون اول ماتحللون..الناس مابتفيدكم بشي خليهم يتشرهون ويعاتبون الزم ماعليك سلامة رحمك من العين وانفس الشياطين)) ...
فالدكتورة تشوف تبويضك سليم ودورتك منتظمه لككككن اللي ماتعرفينه انت بويضاتك تنزل بدون نواه فتشوفها الدكتوره حجمها 20 ___او 18 كويس للتلقيح لكنها بالحقيقه مافيها نواه فماتتلقح سبحان الله ووش دليل ان البويضه مافيها نواة ؟؟
وهذا اللي كثير منا يجهله.. ويكون سبب في تاخير الحمل ..
انه قبل الدوره ينزل عليك افراز بني وهذا معناته ان بويضك ماكان فيها نواه وماهي صالحه للتلقيح فحتى لو شفتي تبويضك كويس وحجمها زين
ونزل عليك هالافراز قبل الدوره وتكرر عليك هالشي كم شهر عالجي مشكله ان البويضه مافيها نواه او اسالي طبيبتك ثم استعملي زيت مقرئ فيه ودهني بطنك واسفل ظهرك واقري الرقيه الشرعيه
لان ام فيصل تقول سبب هالشي العييييييين فتمنع الحمل..
معلومه سمعتها وحبيت افيدكم فيها ومااحتفظ فيها لنفسي..
ولاحول ولاقوة الا بالله ..الله يكفينا شر كل من فيه شر..
دعواتكم لي بالحمل السليم الصححيح المعافى واي استفسار على الخاص واللي حابة تنقل الموضوع لمنتدى ثاني معليش لكن تذكر انه منقول مني ..
وارفعوا موضوعي ولو بدعوة جزاكم الله خيرا
25-11-1433 هـ, 06:33 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
سبحان الله انا بويضتي تكبر توصل لاحد تلقيح وماتتلقح واقول لنفسي اكيد في شي غلط الحين عرفت الان انا دورتي تنزل لونها بوني اول يوم وانا استغرب ليه بوني جزاكي الله خير على المعلومه بس ايش علاج الشي ذا
25-11-1433 هـ, 06:42 مساءً
 
والله ماادري ياختي ياليت احد يفيدنا ..
لكن استمري على الرقيه والزيت وربي يرزقني ويرزقك
25-11-1433 هـ, 06:45 مساءً
 
32 ولاووحده دعت لي
ربي يسامحكم على الاقل دعوة بما انكم استفدتوا من المعلومه
صراحه ماتشجعون الواحد ينزل لكم مواضيع
25-11-1433 هـ, 07:06 مساءً
 
الله يجزاك الجنه والله تعبنا من كثر مانسمع الله ييرزقنامن غير تعب ان شاء الله
25-11-1433 هـ, 07:30 مساءً
 


الساعة الآن 04:24 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏