شوفي عزيزتي انا ما راح ازيد على البنات ما شاءا الله ما قصرا بس دام انك في الغربه ومافي عندك احد يساعدك تقدرين تسلقين العدس بكميات كبيره وتطحنينه وتحطينه في علب بلاستيك حق الكريم كراميل او الزبادي او أي شي بس عشان تقدرين تفرزنينهم وبعدين تطلعينهم من العلب ويصير عندك علىشكل العلبه مجمد وتستخدمين كل يوم واحد احسن لك و يوفر عليك وقت وجهد انا سويت كذا اول ما تزوجت وما كان عندي شغاله و حتى الحين ساعات اذا سويت اسوي حق خمس ايام في رمضان خاصه اني موظفه ويوفر علي وقت

وتقدرين تستخدمينها لاي نوع شوربه ما يضر خاصه اذا ما كان فيه لحم

وكان الله في العون
الله يجزااااااااااااااااااااااكم الجنه ان شاء الله
والله وفيتو وكفيتو ..اشكركم جميعا..وبلغنا الله واياكم رمضان ...
رب اشرح لي صدري ويسر لي امري

احسن شي الي يصير ناعم ولونه برتقالي

والطريقه تسلقين كوب او ثلاثه ارباع من العدس بروحه حتى ينهرس جيدا ..في قدر اخر تحمرين راسين بصل وتضعين عليه البهارات مع التقليب ثم تضعين معجون طماطم طبعا اذا تبينها لونها فاتح تحطين ملعقه اكل من المعجون او حسب رغبتك واهم شي تحمسين المعجون جيدا مع البصل لانه هو الي راح يعطي نكهه للشوربه ..بعدها تحطين قليل من الكزبره المثرومه ..اخر شي تضعين العدس المسلوق على الحمسه الي جهزتيها مع تحريكها وتقدرين تحطين فيها ليمونه سوده اذا كنت تحبين فيها حموضه شوي ..واذا ماء السلق قليل زيديه وخليها على نار هادئه لمدة نصف ساعه او اكثر
وهذي الشوربه للاخت رفرف حبيت انقلها لك

المقادير :

تقريبا قلاص الا ربع عدس
1 بطاط
1 طماطة
بصل
ثوم
بهارات + ملح
معجون طماط
لومي اسود (حسب الرغبة اللي ماتحبه مو لازم)

الطريقة :
اول شي تحطون العدس مع البطاطة والطماطة طبعا تقطعونهم بس مو صغار ... ومع شوي بصل مو وايد وتقريبا 4 قلاصات ماي او اقل شوي (الصراحة ماقست بالضبط) وتخلونهم يفوحون


لي استوى العدس ونضى البطاط وتبخر جزء من الماي (ترى مو مشكلة حتى لو الماي شوية بعدين اتزيدونة) تحطونهم كلهم بالبلندر مع الماي لين يختلطون زين ...


تحمسون شوي ثوم وبصل ... وتحطون فوقهم الخبصة اللي بالبلندر ....
وفوقهم بهاراتكم (انا احط كاري واكثره شوي احلى) ...
واحط لومي اسود يعطي طعم حلو ....
وشوي معجون طماط حسب الرغبة بعد ...


واذا شفتوها ثقيلة زيدوها ماي .... خلوها تطبخ شوي وحطو فوقها شوي بفدونس وكزبر مفروم (انا ماحطيت ماكان عندي)

وحق التزيين تقدرون اتحطون شوي كريمة يعني قفشة وحدة وتحركونها بالقفشة مو تحوسونها لا يادوب تحركونها تصير على الويه من فوق ....


ترى حدي فاشلة بسوالف التزيين حطيتلكم صورة الشوربة قبل لا احطها بالصحون وازينها .... ريلي هالمرة عصب وماخلاني اصورها ناشبته عالاكل كلما مد ايده قلتله لحظة بصور

الله يجزاك خيييييييييييييييييييير اخيتي جولد ستار
ما شاء الله عليج ما يحتاج لها تزيين هي مزينه
رب اشرح لي صدري ويسر لي امري



الساعة الآن 01:10 .