يا تاجرات الزيوت الخاصة بالشعر ويا زبونات الزيوت

الله يخليكن عرضوا علينا الزيوت والزبونات اللي جربن هالزيوت يقولون لنا شو استفادوا لاني خلاص صلعيت وريلي قالي احسن شي روحي حلقى على الزيرو والله شعري كان خيال يوم انا بنت وشوي شوي تساقط لين استوى ما يسوى وعرست وعلى الحمل تعدل وانا ارضع واستوى يضحك الحين شكلى يا تساعدوني يا بروح احلق على الزيرو وبيغنيلي ريلي اقرع مقيرع طاح في الطاسه ...!!
09-08-1426 هـ, 10:46 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ههههههه اسميج ضكتيني انا نفسج شعري كاان خيااااااااااال ناعم وطوييييييييل والحمدلله غليييييظ والحين يوم أربطه ذيل حصان يستوي ذويل فارّ!! غدا خفيييييييف وأفكر أقصه ومثل ما قلتي الرضاعه هي اللي اتعقه بزيااااااااده.
وبالنسبه للزيوت والخلطات ما أكذب عليج ما جربت شي بعدني بس متحمسه حق خلطة الأخت الرفيعة أشوف وايد يمدحونها وهي نفسها تستخدمها وان شاء الله باقي البنات يفيدونج...
09-08-1426 هـ, 11:19 صباحاً
 
وينكن يا بنات
09-08-1426 هـ, 11:39 صباحاً
 
موجودات حبيبتي بس للأسف ما عندي الجواب الشافي

بس ممكن يكون نقص فيتامينات او يكون عندك أفرازات دهنيه بشعرك كثيره مماتؤدي إلى توسع المسامه وسقوط الشعره وعلى فكره الحاله النفسيه لها دورها

قلبي معك والله يحسن شعرك وترجعين تدلعين به

وبالتوفيق لك
09-08-1426 هـ, 11:50 صباحاً
 
خذي انبولات ecrinal واايد مفيدة للشعر عن التساقط و التقصف.. البنات وايد يمدحونهن انا ناوية انشالله اجربهن...تحطينهن في الفروة وتسويين مساج عشان تفيدين الجذور... وطبعا داومي على حمامات الزيت او الكريم حسب اللي يناسب شعرج

استخدمي the hair vitamin من دكتور نيوترشن
او اي فيتامينات خاصة بالشعر
المهم انج اتداومين على هاذي الامور كلها و ما تتعايزين
09-08-1426 هـ, 12:13 مساءً
 


الساعة الآن 11:53 .