خلطة (سيــــــــــوف) لعلاج ارتفاع هرمون الحليب ..مجربه

السلام عليكم 
نقلت لكم هالخلطه من صاحبتها مباشره 
وحطيتها باسمي عشان يسهل عليكم البحث عنها
وماتتلخبطو بينها ويا الخلطات

الحرمه عندها بنت وجلست 5سنوات ماتحمل بسبب الهرمون
حتى الدوره تجلس منها 7 شهور وكانت تتتعالج بالمستشفيات وبدون فايده
المهم تقول كنت أدعي دايم ان ربي يرزقني الحمل وبعدها شافت في المنام
حرمه تقول لها عن هالخلطه
وقامت من النوم على طول وسوت الخلطه واستمرت عليها شهر
بعدها نزلت الدوره وجلست بعد الدوره اسبوعين زياده وماشاءالله
حملت وجابت بنت وبعدها بفتره ماستخدمت مانع 
على أساس تشوف يمكن ماتحمل بسبب الهرمون وحملت بعد بنتها الثانيه وجابت بنت
والحين تأكدت ان الهرمون اختفى سبحان الله
الحين عندها ثلاث بنات دعواتكم ان الله يرزقها الولد الصالح 
على فكره أنا ماعندي هرمون بس قلت باخذها عشان تستفيدو لأن فيه حريم من قريباتها استخدموها وحملو ماشاءالله تبارك الله 

الخلطه:
فنجان قهوه بن مطحون 
ربع فنجان زنجبيل مطحون
ملعقه ص كمون غير مطحون
ملعقه ص حبه سودا غير مطحون
طريقة الإستخدام:
تخلط مع بعض وتوضع في علبه
خذي من الخلطه ملعقتين صغيره على كاس ماء
وخليها تطبخ خمس دقايق أو عشر يعني لحد الغليان
بعدين اشربيها زي القهوه يعني اشربي كل محتويات الخلطه مع الماء
خلي الكاس فاضي<<لأن هذي الزبده
تستخدم مرتين باليوم كاس على الريق وكاس قبل النوم
طبعا تستخدم طول الشهر واذا جت الدوره لاتوقفيها استمري عليها لحد ماتحملي واتركيها.
واستمري على دعاء زكريا عليه السلام(رب لاتذرني فردا وأنت خير الوارثين)>>الشيخ صالح المغامسي دعى به ورزق بالذريه

بنات هذي الخلطه مجرد سبب لاحظو إن الحرمه كانت تتقرب إلى الله بالدعاء مع أخذ الأسباب
خذوها وتأكدو إن الله هو الرازق وتقربو إليه بالدعاء والاستغفار والصدقه
استغلو أيام عشر ذي الحجه فالأجر فيها مضاعف

اللي حابه تستفسر عن أي شي أنا موجوده
ماأبي منكم إلا الدعاء
دعواتكم لي بالذريه السليمه وإن الله يفرجها على أمي عاجلا غير آجل


ارفعو الموضوع بهذا الدعاء
استغفرالله لذنبي ولوالدي وللمؤمنين والمؤمنات ..والمسلمين والمسلمات ..
الأحياء منهم والأموات إلى يوم الدين.
رب لاتذرني فردا وأنت خير الوارثين.