السلام عليكم ورحمه الله
اةل مره اكتب في هذا القسم وما كتبت إلا من شدة الألم اللي داخلي بسبب فعل هذي الام وهذا الاب اللي ما رحمو بنتهم
ورموها والعياذ بالله هذي الرميه بس عشان يزوجوها وتروح من مسؤليتهم هذي سلمكم الله جاره امي سكنو جديد في الحي واختي تعرفت على بناتهم في المدرسه وفجاءه البنت توقفت عن الدراسه واخبرتنا اختي انها حولت منازل لأنها بتتزوج
اندهشنا من الخبر لأنها كانت صغيره تدرس ثالث متوسط ورايحه لأولى ثنوي وماقد عاده سنه حتى نقول البنت كبيره عمرها في عمر اختي وبعد فتره عرفنا من الجيران انها تزوجت شايب والله اننا حزنا حزن عظيم عليها
وامي قابلت امها في احد جمعات الجيران وسألتها عن بنتها واخبارها بعد الزواج وقالت انها دايم تجي عندهم وتكون متزاعله من زوجها واليوم رحت للوالده والقى ام البنت عند بابنا وسلمت عليها وقالتلي انادي امي وبعد مارجعت امي قالتلي تخيلي وش تبي قلت خير .....قالت تعزمنا على عرس بنتها تقول امي ارتعت وقلتلها اي بنت مو بنتك متزوجه قالت اي بس تطلقت زوجها ما كان يبيها تحمل ولما حملت طلقها وحتى مولودها مايبيه
وتوها ولدت لها شهرين وجاها عريس وبنزوجها تقول امي قلت لها ليه تزوجونها البنت توها مخلصه تجربه صعبه ومره قالت لا هذا مو كبير فوق ال 35 ومتزوج واشترطنا لها بيت لحالها ...
انا بصراحه مصدومه هل يكفي ان يكون لها بيت لحالها دمرتو حياتها وزوجتوها شايب وعمرها 17وتتطلق وماتخلونها إلا كم شهر وتزوجونها واحد متزوج وما تعرفون عنه بس تشترطون بيت
ياناس هذي بنتكم خافوا الله فيها والله شي مؤلم فيه ناس تفكر ان الزواج اهم شي للبنت ومن ماجا يزوجونه انا بصراحه اتمنى يكون فيه وعي من البنات مهما غصبوها اهلها لاتوافق فيه طرق كثير ترفض بها ولا ترمي نفسها للهلاك اعذروني اذا طولت عليكم بس........حبيت افضفض
بيسان2011 @bysan2011
عضوة
يلزم عليك تسجيل الدخول أولًا لكتابة تعليق.
الله يصبرررها ويعينها على هالدنيا .. ويسخر لها اللي بيتزوجها ويقدر يسعدها .... للأسف اغلب البنااااات ماعندهم ووووعي والله لو يطقووووون ماتركت دراستي وتزوجت شايب رجل بالدنيا ورجل بالقبر عشان اهلي يرضون .. عساهم ما رضوا .. اهم شي حياااتي ودام انا ماغلطت عليهم ولا عقيتهم خلاص .. ويالييييت كل البنااااات اللي يكونوا بالمدارس ويغصبونها تررفض ماافيه زواج بالغصب لو ضربوك لو عذبووك لو اهانوك ماافيه شي بالغصب .. بس البنات اغلبهم يخااافون من اهلهم في مقابل مستقبلهم وشبابهم وراحتهم ....
الصفحة الأخيرة
الله يعوضها
الله يسعدها مع زوجها هذا وتنسى عذاب الشايب
وظلم اهلها