كل طريقه بخليها لك في رد مستقل عشان ماتلخبطين
الطريقه الثانيه مجموعة حلاو من جالكسي وباونتي ومارس وسنكرس الحجم الميني
اخذي كل حبه وحطيها بالسبرنق رول من النص ولفيها ويكون عندك خيط ابيض وتمسكي طرف السبرنق ولفي بالخيط لفه قصيره موتطولينها وبعدين تحوسين في فكها وروحي ع الطرف الثاني ولفيه كمان يطلع لك مثل شكل الحلاوه موبوطه ع الاطراف
وخلصي الكميه بهاالكل وهذي كمان تتفرزن ومتي مااحتجتي منها طلعيها وحمريها بالزيت وعند التقديم الله يعينك اقعدي فكي الخيوط اللي ربطيه ع الجوانب
وزينيها بخطوط الهيرشي والكراميل وحليب النستله
وبالعافيه عليك
01-12-1433 هـ, 02:28 صباحاً
 
الطريقه الثالثه
حشوة مطبق انتي معتمدتها
بس لازم يكون السبرنق حجم كبير وتقطعيها من النص
وتسويها مثل الزايد وتحطي الحشوه بالنص وتلفيها مثل طريقه المطبق ع بعض ان كنتي بتفرزنيها سوي نفس طريقه تفريز حشوة البيض والجبنه
ولاجيتي تستخدمينها يكون عندك زيت وتمسحي ع حبة المطبق من جميع الجهات بشوية الزيت ويكون الصاج حامي وابدي زينيها ع الصاج وع طول بالحافظه اكتميها وسوي كذا الى ماتخلصي المقدار وخليها بالحافظه مكتومه شوي عشان تلين وبعده استمتعي باكلها مع الليمون
هذا اللي يحضرني من الوصفات هالحين وتو مسويتها ومفرزنتها عندي متي ماجاني ضيوف فجأه اطلع وااحمر ع طول ماحوس وش بقدم وش بسوي
اتمنى تستفيدي منها
01-12-1433 هـ, 02:37 صباحاً
 
انااحب احشيهاتونه وخظارمجمده اوجزربدل الخظارومايونيز ويمييييييي
01-12-1433 هـ, 03:22 صباحاً
 
هلا حبيبتي انا احيان اسويها اوزي حق السوريين الله يفرج عليهم في هذي الايام المباركة 
خلطة لحم مفروم وخضار المجمدة ومكسرات ورز واحط ورقة السبرنغ رول بزبدية سلطة حتى تاخذ شكل الزبديه واحشيها من الخلطة واقفلها ببياض البيض واقلبها في الصينية تاخذ شكل القبة وادهن ووجهها بصفار بيض مع كركم يعطيها لون ومافيها دسم غير اللحمة وماتاخذ كثير بالفرن
01-12-1433 هـ, 04:37 صباحاً
 
وعندي طريقة ثانية خذي تفاح وابشريه وبعدين حطيه مع سكر وقرفة على النار لحد مايذوب التفاح ويكرمل السكر 
خليه يبرد وجيبي الورقة سبرنغ رول ومن الزاوية حطي ملعقة حشو وابرمي شوي وخذي الاطراف للداخل علشان الحشوة ماتنزل من الجوانب وقفليها بدقيق ومويه وحطيها بصينة تيفال على شان ماتلزق
ممكن تستبدلي التفاح بكمثري او سفرجل او قرع عسلي نفس الطريقة
ممكن تستخدميه في البسطيلة المغربية اذا كنتي من اللى يحبون الاكل مالح وحلو نفس الوقت 
واذا لقيت لك طرق جديدة اكتب لك وبالعافية مقدم
ملاحظة انا لمن افرزن السبرنغ رول محشي وابغا اقليه ارش عليه نشاء على شان في القلي مايشرب زيت ويقرمش من برا وطري من جوا
وسلامتكم
01-12-1433 هـ, 04:43 صباحاً
 


الساعة الآن 03:27 .