المقالي بانواعها
اللحمه المفرومه اطبخها واقسمها للمعكرونه والمسقعه وغيرها
الكفته اخلطها واصبعها وارفزنها تكوت جاهزه للشوي او للقلي
الدجاج لازم اجيبه فريش توه مذبوح وانظفه وافركه بالملح الخشن واتبله بالليمون والخل والبهارات واقسمه وجبات يطلع من الفريزر يدوب ينصف في صينية الفرن مع بطاط حلقات وشرايح بصل وثوم ويدخل الفرن
سويت قرنبيط بروستد بالبيض والبقسماط وفرزنته طبعا بعد ما سلقته شوي
قبل رمضان بيومين ان شاء الله صينتين معكرونه بشمل وتدخل الفريزر يدوب تطلع وتنرش جبن وتدش الفرن
العجين اللي محشي كيري للحلو بس ما سويته بعدي
بعد شنو ؟؟
لما اتذكر اعلمج


اعتذر عن الرد على الخاص والعام لظروف طارئة دعواتكم لي بالفرج والله يبعد عنكم كل كرب
ماشاء الله عليكم فرحتوني بمشاركاتكم وبانصح من متعود على البيتزا يعجنها ويخمرها ويفردها بالصينية ويخليها في الفرن شوية ويفرزلها بالمرة تجي طعمة وتراها مجربة
خلنا نكتب بهاراتنا الي نشتريها للشوربة والرز والحمة وغيره يلا نفيد الي دوبهم متزوجين وموعارفين ايش يسو وايش يشتو
مرحبا

اختي ماكو اسمامي ممكن تعلميني طريقتك با اللتبيل للدجاج كيف تتبلينه وتفرزنينه
وهو الزهزه

ودي اعرف اكثر
لانه توني متزوجه ومو ذاك حده باطبخ واحب السريع
زي كذا اسويه وافرزنه لانه انا ادرس وتعرفين اذا جيتي من الكليه ورمضان

وششكرا
أدعولي ان الله يفرج همي ويرزقني من حيث لا أحتسب
والله الموضوع حلو واشكر صاحبته

وعندي استفسار عائلتي مكونه من >>>>>>>>>>>>>>>>>>>>>>>> شخصين زوجي وانا مع عيالي 3 صغارعمرهم من 4 سنوات و2ونصف و سنه ونصف واول مره يمر علي رمضان ان شاء الله وحنا ساكنين بروحنا وبيت اهل زوجي بعيد ما فيني كل يوم اطب عليهم وبعد اهلي بعيد والصراحه علي شغل البيت وما اعرف شو اسوي وشو اطبخ يمكن اخرب لان الوجبات بتكون كميه قليله تكفينا بس ممكن تسون لي جدول شو اسوي خلا اسبوع وهكذا وبعد مايخلص بتساعدوني بغيرهوهكذا ها شو رايكم بعتمد عليكم
ابي اغير نظام زوجي صراحه متعود من هو صغير على هذا النظام على الفطور الارز واي شي معاه +عصير واذا كان فيه حلى بعدين وبس والله مجاعه
ابي هذي المره غير ينوع بالاطباق مثل الشوربات والمحاشي والحلويات والفطاير +طبعا مع الوجبه الرئيسيه الارز لو تتكرمون تعطوني مقادير ها بس بشرط يكفي لشخصين


وجزاكم الله خير على فكره في بيت اهل زوجي عندهم طباخه تطبخ كلشي بس ما تعرف حق شخصين تعرفون شو يعني العائلات ما شاء الله تطبخ كميات كبيره وبعدين تكب زباله
اشهد ان لا اله الله واشهد ان محمد رسول الله
ارين
القرنبيط يتغسل وتفصلينه وردات صغار او وسط لو الكعب طويل قصي منه شوي
فوحي ماي وملح وكمون حب وكم حبة ثوم صحيحه بس يغلي نزلي القرنبيط وخليه يغلي دقيقتين بس لا ينهري
يطلع خليه بمصفاة لما ينشف ويبرد اخلطي بهارات مطحونه(كمون- كزبره-فلفل اسود- فلفل احمر حار او بارد ) مقدار ملعقة اكل من هذي البهارات كلها على بعض مع كوب طحين ابيض
غطي القرنبيط بالطحين المبهر و ونزليه ببيض مخفوق مع نقطة خل وفص ثوم مفروم وبعدين غطيه بالبقسماط وزعيه على نايلون فوق صينيه وجمديه بالفريزر وبس يجمد عبيه بكيس واحفظيه بالفريزر وبالعافيه


اما الدجاج
لازم يكون فرش المجمد لو طلعتيه ونقعتيه ورديتيه الفريزر يفسد الا اذا انطبخ
راح اعطيج طريقتين

الاولى
الدجاج المجمد تطلعينه تنظفينه وتقصينه 8 قطع
فوحي ماي مع كمية بصل وفصين ثوم وشوي من ملح الليمون عشان يحمض الدجاج شوي و ملعقه صغيره بهارات مشكله
خليه يستوي لا ينهري ويطلع خليه بمشخال بس يبرد غطيه بطحين وبيض وبقسماط
وهني بس يطلع من الفريزر للقلي على طول (تحكمي بالطعم اثناء السلق ممكن تضيفين حبة فلفل اخضر حار لو تحبون الحار )


الدجاج الفرش
يتنظف و ولو تحبي تقطعين نصين بس او اربع كيفج نقول 4 دجاجات
ربع كوب عصير ليمون
ربع كوب خل
ملعقتين اكل صلصة صويا (او صلصلة الماجي السوده السايله)
راس ثوم او 10 حبات ثوم
بهارات حسب رغبتك(كمون-قرفه ناعمه - فلفل اسود-ملح-بهارات مخلوطه)
حبة فلفل اخضر يا بارد او حار
ربع كوب حليب او ماي
كلها تنضرب بالخلاط
تبلي الدجاج وعدلي الملح خليه بالثلاجه ساعه يتشرب وبعدين وزعها في اكياس اللحم حسب الحاجه او الوجبه

وبالعافيه


اعتذر عن الرد على الخاص والعام لظروف طارئة دعواتكم لي بالفرج والله يبعد عنكم كل كرب


الساعة الآن 07:31 .