ما شاء الله عليكم
انا دايم استعداداتي لرمضان تقتصر المقاضي وترتيب المطبخ واشوف ايش ناقص من الاوانى واشتريه
لكن هالسنه بما انى ما عندي فريزر كبير واللي عندي مره صغيره ما تتحمل بكتفي بالحليب المحمص يكون جاهز للي يكفي كم صنف بس ما ادري هل لازم احطه بالثلاجه ولا عاادي اخليه برى
وبطحن سكر لكميه معقوله والمكسرات اللي يبيله حمس
اممممممممم بس اما السمبوسك وغيره احب الفها بنفس اليوم لانا شخصين ولما يكون عندي عزيمه افكر قبلها فتره ايش راح اسوي واللف يكون قبلها بيوم حتى الحلى البارد علشان ما يكون علي غير الشوربات او الاصناف الحاره
امممممممم وايش بعد
طبعاً سفرتنا المعتاده تتكون من
شوربه وسمبوسك واما محشي او معكرونه باي شكل وكمان البطاطس المقليه علشان ولي ياكل وفطاير او بيتزاء وعصير وفتوش
طبعاً ماننسى التمر بكذا شكل اما مع الدخن او مع الطحين بالسمن او بالسمسم
والحلى صنف او اثنين اقدمه بعد الصلاه مع القهوه
والسحور اكيد رز
12-08-1426 هـ, 10:27 مساءً
 
يعطيك العافية اختي صاحبة الموضوع
الفكرة روووووووعة ومفيدة
طبعا باالنسبة لي تفريز المعجنات باانواعها والسمبوسة هذة رائعة واسويها
بس اود ان اضيف فكرة بسكوت الشاي او ماري وانا اجيب الكرتون اطحنة كلة واوزعة في اكياس وافرزة لعمل الحلويات
وايضا اشتري المنجا البرتقال والشمام والليمون وانضفة واقطعة قطع صغيرة وافرزة واخرجة وقت الحاجة واطحنة مع الماء والسكر ويقدم عصير رائع وسريع
اما الثوم شغلتي معاة شغلة اشتري الكيس واجلس اقشرة واطحنة وافرزة في اكياس جدا صغيرة لوقت الحاجة
ايضا الاكثار من شراء ادوات التنظيف لانها تستعمل بكثرة في رمضان مثل المناشف الصغيرة والكلوركس والصابون والفيري والمناديل
وايضا اجهز كمية من الصحون بجميع اشكالها واحجامها والاكواب والسكاكين والملاعق والشوكات وكلها من البلاستيك وهذا عشان الضيوف اذا كانو كثير او العيال او اريد ان اشارك بتفطير صائم وهذا كمان عشان مانكثر غسيل المواعين
وايضا هذي السنة سوف اطبق عادة لاحضتها عند كثير من الناس وهي عمل قائمة مكونة من الشوربة والحلو والمعجنات واعصيرات والمحاشي لمدة ثلاثة ايام عشان ماجلس افكر كل يوم ايش اسوي بكرة
واهم شئ ياخواتي اوصيك بة
الصدقة
الصدقة
الصدقة للفقراء والمساكين والمرضى والمحتاجين او حتى الجار او القريب لانة تعتبر تفطير صائم وناخذ اجر علية
ولا ننسى الراديو (المذياع ) ففي اذاعة القران اشياء رائعة ولا تفوت وخاصة وقت العصرية وهو وقت الوقوف باالمطبخ فيذاع برامج وفتاوي نستفيد منها وتذكرنا باالتسبيح والتكبير والتهليل
وتقبل الله صيامنا وقيامنا وعبادتنا
وكل عام وانتم بخير وصحة وعافية
14-08-1426 هـ, 02:49 صباحاً
 
جزاك الله خير اختى ام ندووو
ذكرتينا بالصدقه واحمد ربي انه قريب منى مسجد فكل فطور له نصيب منه
والاذاعه الحمد لله على طول السنه الراديو شغال حتى لما اسافر ما احبه مطفى
14-08-1426 هـ, 04:12 صباحاً
 
ههههههههههههههه انا للحين ما سويت شي

العياااااااال طلباتهم ما تخلص للمدارس والله يعين

كملووو وراح اتابعكم عزيزاتي

ويعطيكم العافيه

14-08-1426 هـ, 06:30 صباحاً
 
انا الحمد لله مريحه يوم عند أهله ويوم عند أهلي واخذ معي اي شي حلى أو فطاير اللي أقدر عليه
14-08-1426 هـ, 11:49 صباحاً
 


الساعة الآن 09:01 .