أعذريني أختي هناء ماقدرت أرد عليش الأيام اللي طافت......
مشكورة عمري بس تكفين أول ماتحصلينهم كتبيهم لي
يابوا طباخين يدد في البرنامج غير الشيف محمد واحد حق الحلويات اسمه محمد والموالح أسمه أحمد الخوالدة وفي هذه الايام سووا

بلح الشام
الكنافة المحشية بالقشطة
ستيك اللحم بالصوص ومعاه أرز بسمتي
ربيان محشى بطريقة جديدة
سلطة مطعم جراند أبو شقرة الخاصة
شوربة الماشروم بالكريمة
معكرونة بالسلامي
دجاج بصوص الركفرت والبرميزان
سلطة الباستا
وأشياء أخرى لذيييييييييييييييييييذة والله تحفة
17-08-1426 هـ, 06:29 مساءً
 
لاتعب ولاشي عمري وخذي المقادير والطريقة
المقادير :
طحين كيلو
زبدة ملعقة كبيرة
ملح حسب الرغبة
ماء كوب
حليب نصف كوب

الحشوة:
جبنة بيضاء 200غم
بقدونس عودين
سبانخ باقة
بصل حبة كبيرة
زيت زيتون ملعقة كبيرة
سماق ملعقة صغيرة
دبس الرمان ملعقة صغيرة
صنوبر ملعقة صغيرة
سمنة ملعقة كبيرة
عصير ليمون حامض
لحمة مفرومة

الطريقة:
آخذ مقادير العجينة كلها مع بعض وأخلطها
أفرد العجينة وأقطعها دوائر
وأحشيها بحشوة الجبن والبقدونس المفروم وطريقة الحشوة عادية وسهلة بس تخلطين الجبن معالبقدونس
وبعدين أسوي الدائرة اللي حشيتها أثنيها وأسويها نصف هلال أو حرف D وبعدين اعدلها بالشوكة أي أسوي فيها خطوط

أو أحشيها بحشوة اللحم وأسويها نفس الشكل
طريقة حشوة اللحم:
2ملعقة من الزبدة أحطها في المقلاة وأسيحها وأحط فوقه البصل المفروم وأقلب حتى تأخذ لون ذهبي خفيف عشان تعطي طعم حلووأحط عليه اللحمة المفرومة وأحط عليه ملح+فلفل وأحركه في المقلاة وفي الأخير أخلي عليه بقدونس شوي

طريقة السبانخ:
أحط زيت زيتون في المقلاة وعليه بصل مفروم حت يتحمر شوي وبعد ذلك اخلي عليه السبانخ والسماق ودبس الرمان واذا حبيت أضيف عليه لحمة وعصير ليمون

الخلطة الممزوجة :
شوفي حبيبتي هو عطانا جميع المقادير حق خلطات مختلفة وهو سوا الخلطات الاساسية وأنت بعدين على كيفك وراحتك والمتواجد عندك تقدري تمزجي بينهم مثلا بين السبانخ واللحمة والجبن والبقدونس والسماق هكذا وتألفي على كيفك من هذول المقادير

ويوم سواااهم كانوا جدا شكلهم حلوووووووووووووو ولذيذ


وبالهنا والعافية
17-08-1426 هـ, 06:54 مساءً
 


الساعة الآن 05:43 .