السلام عليكم ورحمة الله وبركاته..

اللي يدور في ها القسم و يقرا معانات الخريجات يتذكر همه ويتنكد..

تراني ملااااااانه ولين ما اتوظف ودي اشغل وقت فراغي وفي اخت في المنتدى قريت لها ها السطر وتشجعت..

(( وانتي شوفي وش هوايتك وابدعي فيها ))


هوايتي الطبخ وفكرت مجرد فكرة بس وما بنفذها الا بعد ما القى تشجيع من أهل ابوظبي وجديه في الاقبال..

شو رايكم بما اني وبشهادة الجميع فنانه في أطبخ لكم ؟؟؟ كيف ؟

انا اقول لكم.. صح المطاعم عندنا بالهبل بس أكل البيت أنظف و أحلى وانا عانيت وااااااايد وانا حامل وفي عزايمي خاصة اني أكره أكل المطاعم وفكرتي اني اساعدكم في عزايمكم او حتى في المناسبات العادية، وبعد مافيه شرط لمناسبه اذا نفسج في أكل غير اللي في بيتكم ممكن تغيرين شو رايكم ؟؟؟

نوعية الاكل الي تحبونه وعشان أسهل عليكم بكتب لكم الاكلات اللذييييييييييييذه اللي أعرفها:

1. محاشي بأنواعها:
- ورق العنب. روووووووووووووووووعه
- محشي الملفوف. يجننننن بالفلفل
- محشي مكس كوسا وفلفل أخضر بارد و بطاط.

2.معكرونة:
- بالبشمل دجاج أو لحم أو خضار.
-معكرونه بالخضار المشكله هذي المفضله عندي.
-معكرونه بالجبن و المايونيز.
- معكرونة بصلصة الطماطم والبطاطس.

3.سلطات:
-فتوش. خطييييييييييير
-سلطة الخضار بالجبن ( ايطالية ).
-سلطة الخضار بالجبن والكمون ( المفضلة عند زوجي )

أما الباقي مثل دجاج مشوي، صينية دجاج بالفرن، مجبوس، صالونه كله على الطلب اللي أعرفه ما بقصر واللي ما أعرفه سامحوني..

بانتظار الردود ولكم جزيل الشكر لمروركم


أم ستموووني
11-08-1426 هـ, 02:09 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يوفقج ان شاااااااء الله
11-08-1426 هـ, 06:16 مساءً
 
مشكوره اختي على الرد..

قريت عن مشروعج.. ربي يوفقج.. نفذتيه ولا بعدج؟؟ مافهمته 100% بس الفكرة حلوة وااايد ويبالها ناس واااايد..
11-08-1426 هـ, 08:48 مساءً
 
موفقه يااااااااااااااا رب
11-08-1426 هـ, 09:02 مساءً
 
الله يوفقج وييسر أمورج يا رب

مشروع حلو وأشد ع ايدج

والبدايه دوم صعبه ومن تنعرفين ما بتلحقين ع الطلبات. .

ليتني من بوظبي والله جان طلبت منج سيده. . .

بس للأسف انا من العين . . .

بس اييج الشور؟؟

عطيني الرقم يمكن نحتاجه في يوم أو اعطيه حد من ربيعاتي

بس هالله هالله بالشغل المميز. .

والسموحه
11-08-1426 هـ, 09:08 مساءً
 


الساعة الآن 03:55 .