رااااس الضحية كيف اسوي فيه

السلام عليكم / كيفكم يا حوائياااات
تماام ان شاء الله
وكل عام وانتم طيبين والله يعيده علينا وعليكم بالصحة والسلامة
وصباح الخيررررررر لكل اعضاء المنتدى والقائمين عليه
انا بدخل في موضوعي على طول ..
زوجي ان شاء الله بيضحي السنة هذي وكالعادة في كل مرة يجيب ذبيحة سواء للضحية او للبيت
نتناقر على الرارس والكرش والمصران والباقي ماعدا الكبدة هي الي ماتدخل في المناقر
بصراحة انا مااحبها ولا احب المسها من يومي
وكل مرة اخلي زوجي يتصدق فيها لأن مااقدر اسويها
يمكن هو مرتين سوى الراس بالتنور وكان ياكل هو لحاله ومرة حطوا بالفرن وماعجبه ورماه
بس الحين البيت الي ساكنته جديد ومافيه لاحوش ولابلكونة مثل الأول عشان التنور
وهو مصر المرة هذي الا يجيب الراس وباقي الأشياء الي ذكرتها
ويقول سويه لي بالفرن
وانا بصراحة ماعندي خبرة فيه
يعني من ناحية التوابل والبهارت
وافضل وصفة له .. لأن ماودي اكسر بخاطرة وهي تعب فيه
فاابي فزعتكم وانتم ماتقصروون ان شاء الله