اليوم حبيت اغير نكهة الكيكه حق ضيوفي

وحطيت فيها تفاح

الكيكه نفس مقاديرها اللي كل مره اسويها



مقادير الكيكه :

خمس بيضات

1 ونص كاس طحين

1 ونص كاس سكر ناعم

ثلث كاس زيت

ربع كاس حليب سائل

فانيلا + 1 م ط بيكن باودر + القليل من الخل

الطريقه :

نخلط البيض جيدا حتى يبيض لونه
ونضيف له الفانيلا والقليل من الخل

نضيف بعدها السكر على دفعات

ونضيف الزيت ونخلط جيدا حتى يتجانس تماما

وبعدها نضيف الحليب

ونضيف بعدها الطحين والبيجن باورد ( ونخلي الخلاط على سرعه بطيئه )

ونخلطها جيدا .... ثم نضعها في قالب الفرن بعد دهنه ورشه بقليل من الطحين




لكن نشوف كيفية تحضير التفاح

2 تفاح احمر او اخضر حسب الرغبه

2 م ط سكر بودره

2 م ط قرفه

2 م ط طحين

الطريقه

نبشر التفاح في منخل حتى ينزل مائه

ونكبس عليه اشوي بالملعقه حتى ينزل ماء التفاح اكثر

ثم نضيف عليه باقي المقادير


نحضر قالب الكيكه بعد ما ندهنه ثم نصب فيه نص مقدار خليط الكيك ونوزع خلطة التفاح عليه بالشوكه .... ثم نصب عليه باقي مقدار خليط الكيك

ندخلها الفرن على درجة 160 لمدة ساعه الا ربع

وبعد ما تبرد اشوي نرشها بالسكر البودر الخفيف



ممكن تخلطون خليط التفاح مع خليط الكيك

وممكن تعملونه مثل الحشوه مثل ما سويته

وكل ما كانت بارده تطلع الذ ( يعني بعد ماتبرد حطوها بالثلاجه لوقت التقديم )


وعليكم بالعافيه










وان شاء الله تعجبكم لما تجربونها

تسلم ايدج

بصراحه روعه

بس عندي سؤال (السكر الناعم) قصدج مطحون ؟؟ والشكر العادي ؟

والتفاح اول شي بشره بعدين نحطه بمشخال ؟؟ علشان يزل الماي ؟ جذي قصدج ؟



مشكوره ام عزيزان
ودربك خضر
تسلم ايدك
في القلب زايد حي ما مات

في القلب زايد حي ما مات .... فينا الامل بيعيش قايد
ذكراه في قلب الامارات ....تنبض وتهتف باسم زايد
وقف نبض المسا فجاة وفجاة كل شي مهموم ..
ومن وقع الخبر صارت تنكس نفسها الاعلام ..
رحل زايد رحل والليل يتساءل بعد هاليوم ..
صباحج كيف يا بلاد(ن) شعبها كلهم ايتام !!..
ترجى الفارس الامه قدر وامر القدر محتوم..
ترجل من على خيله وصاحت امة الاسلام ..
رحل وانجازه الاكبر بلاد(ن) ما بها مظلوم ..
حكمها القائد الفارس ومات الفارس المقدام..
مشكوره ام عزيزان علي اطباقك الجميله
بارك الله فيك


الساعة الآن 07:45 .