Analysis Services
السلام عليكم ورحمة الله....
اخواتي بغيت منكم احسن طريقه لعمل الورق عنب بدون لحم....
بصراحه انا عمري ما عملت الورق عنب...وابغي اسويه حق اهلي...
بس ابغي طريقه مضبوطه ....
لان اهلي ذوقهم في الاكل صعب جداَ و مب اي شي يعجبهم...فلوسمحتو ساعدوني....لاني وعدتهم اني اسوي لهم وابغي طريقه تبيض وجهي قدمهم...
بيــض الله وجوهكن دنيا و آخره...
اختكم
ثلج
12-08-1426 هـ, 09:55 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هلا الغالية شوفي احلى طريقة لورق العنب اللي تاكلين اصابعج وراه هي
اذا كانت علبة وحدة تقريبا 3 كاسات رز مصري غسلي الرز ثم اسلقي
بعدين قطعي( بقدونس وطماطم ووبصل )وبعد ما تشخلين الرز حطي كل شي مع بعض ( الرز مع الخضرة) وحطي فوقها كاس عصير ليمون وملعقة كركم وملعقة ملح وشوية فلفل احمر واسود حسب الرغبة
وبعدين جيبي تيفال الاحمر نفس مال الكيك قطعي بصل وبطاط مدور وحطي في التيفال
وبعد ما تلفين الورق عنب صفيهين في التيفال على البصل والبطاطا
ولما تخلصين صبي ماء قليل وكاس زيت زيتون ونص كاس دبس الرمان
وخلي يطبخ لنص ساعة
والله ان مافي احد كلاه الا قالج كيف الطريقة وانا مشهورة بالورق العنب والكل يحبه من ايدي


مب كأني خجاجة
12-08-1426 هـ, 01:25 مساءً
 
هلا اختي teaba ...حيا الله بنت بلادي....و مشكوره اختي على الطريقه....بس عندي سؤال اي نوع ورق عنب تستخدمين...؟؟؟
ومن واين يتحصل دبس الرمان متوفر في السوبرماركتات ؟؟؟
اسمحي لي على الاسئله....لاني ثقافتي المطبخيه قليله...و جزاكي الله كل خير
اختك...
ثلج
12-08-1426 هـ, 01:50 مساءً
 
شكراً يا بنات
13-08-1426 هـ, 10:20 صباحاً
 
صباح الخير يالغاليه..انا حطيت قبل كذا طريقه حلوه لورق العنب بس مومشكله أعيدهالكي وهي طريقه سهله ومره لذيذه وهي كوب رز مصري وبندوره و4بصل مفروم وكزبره وبقدونس وشبث ونعناع مغربي تخلط مع بعض وتتبل بملح سماق بهارات وفلفل اسود وقرفه مطحونه وعصير ليمون وزيت زيتون..تحشين ورق العنب وتصفينه في قدر على طبقة بطاطس شرايح واذا خلصتي صف الورق حطيه عالنارالهاااااااااااااااديه وحطي فوقه نص كوب زيت زيتون..قبلها حطي نص مغلف تمر هندي مع مويه عالنار(اذا كانت كمية ورق العنب كثيره حطي المغلف كامل وكثري المويه )حتى يغلي وصفيه وصبيه عالورق العنب وخليه يطبخ وحطي فوقه صحن مقلوب وكل شوي زيدي المويه حقة التمر الهندي اليم مايستوي الورق ويذووووووووووووب وفالنهايه حطي عصير اليمون فوقه واتمنى انو تعجبك طريقتي مع ان كلامي مره كثيروبالهنا وبالعافيه أختي
14-08-1426 هـ, 08:04 صباحاً
 


الساعة الآن 02:06 .