بنات..اللي تتعاطف معي لا ترد..ودي افوق

السلام عليكم ورحمه الله وبركاته...
وكل عام وانتم بخير..بدخل بالموضوع ع طول..مالي خلق مقدمات
انا تزوجت رجل وحيد اهله..واخواته ثنتين...وامه وابوه متسلطين
دخلت بيتهم عروس من دون شروط..مالي الا غرفتي..وبس..حتى دورة المياه مشتركه
مع ان بيتهم ملك.الحياه جدا قاسيه..هو ماعنده سياره نتمشى فيها..واهله وقحين..ولسانهم طويل..بعد اسبوعين..جارتهم سوت عزيمه ع شرفي..ولبيت الدعوه تعارف..لما خلصت من العشاء قومتني ام زوجي من المجلس وقدام الحريم...ولما سألتها ليش قالت حريم فاسدات ومانبيك تخالطينهم:huh:..قلت بكمل الجامعه في جده ..منها استقر بشقتي ..وعند دراستي..وبرضوه عمله كان بجده...فاتحته بالموضوع.وماعارض..قال بكلم ابوي..وان شاءالله خير..تكلم مع ابوه..وانه بيستاجر لي بجده ..ابوه عصب..وقال له..ايه. ..تبي تتركني وتتبع الحرمه..مافيه طلعه من هالبيت...واظن اهلك ساكنين الرياض..روحي كملي جامعتك ..عندهم..وولدنا عندنت
سكت..وابوي هون الموضوع وكملت مع اهلي ...وكأني ماتزوجت..حتى زيارات ماكان يجيني
خلصت الجامعه..ورجعت..له...قلت ابي شقه من هالشقق الفاضيه ببيتكم..قال بشاور ابوي...وطبعا ..رفض الوالد المحترم..بحجه احنا مانتفرق...قلت ابي بيت اخذ راحتي فيه..خصوصا انكم كبار بالسن ..وماتحبون ازعاج الاطفال...وانا ماكلفت عليكم ..لا ايجار ولا بنيان..قالي ابو زوجي...هذا غرفتك..ولا اطلعي..وزوجي ساكت..يقالك محترم ابوه..قلت لا..بطلع..اخذت عبايتي..ومدري وين اروح..اهلي بالرياض..رجعني عمي اخو زوجي..ووافق بعد توسطات يعطيني شقه بالدور الثالث:huh:
مشت السنين...وممشاكلي مع ام وابوه ماتنتهي..كل مره اضغط ع نفسي..واقول اصبري..خصوصا...اني انجبت بنت..وولد ..وكمل الموضوع اخت زوجي الكبيره..لكن عقلها ناقص..الله يشفيها..عارفه وقاحة امها وابوها...و
..ماعمري شفت منها خير...فزعتها بس بالفضايح..ونفاق بيني وبين زوجي..هذي وظيفتها..لكن حماتي الثانيه... هي الوحيده..اللي واقفه بصفي...ومتفهمتني..الله يزيدها من فضله..ويكمل عقلها يارب.
..و تزوج ابوه..وطلق امه ..بسبب نقها..وتطاولها ع الزوجه الجديده..وجات سكنت عندي..وقلت بنفسي..وماشي. تكرهونه وهو خير لكم..مع اني عارفتها وسخه ولسانها طويل..ومايبين بعينها المعرؤف
اخر مشكله..صارت بسبب امه..قام وضربني..مع انها ظالمتني..حسبي الله ونعم الوكيل..وطلعت لبيت اهلي..وانحرمت من اولادي 6شهور..وكانو صغار بالرؤضه..ضاعت مدرستهم..وانتشر فيهم القمل والوساخه.....وماكان موافق يجيبهم عندي..ورسايله كلها تهديد..بالطلاق..وانا لما هدت اعصابي....كنت ارسله رسايل تذكره بالاطفال..وانه ماراح يستقبلهم حرمه بالدنيا غيري..وابوي كان واقف بصفي وناصفني...بي
وشرط لي ابوي ..سكن مستقل لي وحدي..بعيد عن امه وابوه المريضين..وبعد مماطله منهم..وافقو..وجاء يراضيني..قالت امي لي..اشرطي رضوه..لانه ضربك..قلت..يمه ..دامه فكني من امه المجنونه..هذي اكبر رضوه..وزعلت امي علي..ورجعت..وكان فرحان برجعتي...كان عكس الانسان اللي فضحني هو واهله..وشوهو سمعتي بين الناس..كل الناس كانو ضدي..ماحد وقف بصفي غير حماتي الصغيره..كان بيتزوج.وكان بيطلقني..الحين رجعني وهو مبسوط من رجعتي..كثير قالو..كيف ترجعين بعد الكلام اللي قاله عنك..هو واهله..
بصراحه ..ليتني تطلقت..لاني ..رجعت شبه ميته..كرهته..بس اولادي..لاوين ذراعي وكاسرين ظهري...
رحت تمشيت..اخذت عمره..سافرت..ماقصر علي بشي..بس يبغى يشوفني مبسوطه...عطاني فلوس ..شراء لي مهر من جديد...بس ضايقه بعيني الوسيعه..صار يسكت امه اذا غلطت علي..وانا صابني تبلد..مدري دلاخه..ماعندي احساس..اصغر اطفالي لما تركته..بنت عمرها سنه ونص..لما رجعو لي..ماعرفتني..بس لازقه بأختها...ووتخاف مني..وولدي المريض نسيني..الى يومنا هذا يتجنبني..كيف انسى..اللي صار لي من عذاب..كيف انسى الاهانات..طوال 7سنين..كيف اغفر له مدت ايده..كلام اخته اللي مثل السكاكين بقلبي..اهانات امه..وظلمها..وتسلطها..مع اني مكلفه ع نفسي..وخادمتهم..مثل والديني..
.رجعت قبل رمضان..ومن رجعت ماكحلت عيني..اهملت نفسيي..قلت لبنتي..اني راح اترككم..واروح..بكت بشكل مخيف..قالت..يعني يرضيك نرجع للقمل من جديد.حملت..قلت ابي عيال ..دام ربي..ماوفقني..مع الزوج
بأذن الله عيالي يكبرون..واروح معهم.واترك هالرجال واهله..
اختي زعلانه عند اهلي..وموضوعها هي الغلطانه فيه..وشارطه رضوه بذيك القيمه..وزوجها موافق..و.لا ذكرها بالشينه..لا عند ابوي..ولا عند الناس..جيت من عندهم..وصدري ضايق من المقارنه بين زوجي وزوج اختي
بنات...هل انا محتاجه علاج نفسي..هل انا غلط بضعفي..واستسلامي..لزوجي عديم الشخصيه..
اصدقوني اخواتي..هل انا طبيعيه..ولا حبي لاطفالي..مخليني عميانه عن الصواب
.امي زعلانه من رجعتي بسهوله..بعد كل الفضايح اللي قالوها عني..تقولي انتي مسكينه..

ادري طولت عليكم..وازعجتكم..بس انا بجد عايشه بتناقض..انا مقصره مع زوجي ..بعد مارجعت..خصوصا حقه بالفراش..صرت غصب عني اتحاشاه..واتجنبه..ووين وين ابتسم ..واتجنب احط عيني بعينه..والحوار بيننا بس اوامر وطلبات.مع انه تغير اسلوبه معي..بس مازلت اتألم وابكي كل ماتذكرت اللي صار لي
وجزاكم الله خير ..ع سعة صدوركم