السلام عليكم...حبيت اناقش معاكم موضوع يرفع الضغط الصراحه و انا ساااكته عنه صار لي سنه و هو التطنيييييييييييييييييييييش..

صار لي كذا موقف انه بنات يطلبون مني و بعدين يطنشوون ..

السنه الي طافت كانت منزله موضوع عن الاحذيه و يتني طلبيات كبيره ..و بعدين صار زياده في الاسعار لزيادت تكاليف الشحن المهم انا خبرت كل البنات عن هالزياده و وحده منهم كانت طالبه 6 بوتاااات و قالت اوكي اباهن و بعدين يوم وصللن و انا متكلفه فيهن قلت لها وصلن و يلي ابا عنوانج ..شو تتوقعون و هي الي كانت متحمممسه لهن...طنششششششششششششت..زين انا شواسوي في 6 بوتاات كيف امشيهن..اوكي خبريني من قبل..و لا اتقولون ظرووف القهر الاكبر انج تدرين انه العضوه تدخل و تقرا الرسايل الخاص عن طريق تتبع الرسائل و ما اترد خير شر..اوكي استسمحي مني و قولي لي عندج ظروف لا اطنشين..

وحده ثانيه تطلب و يوم توصل الطلبيه اخبرها و اشوف انها قرت الرساله في نفس اليوم و اقول لها لو غيرتي رايج خبريني عشان ما احجز لج الشي و يممكن انه ينباع اذا عرضته في المحل..و اطرش لها اكثر عن رساله و تقرا و اطنش اوكي ما تبينها خبريني و لا انا اتم متلومه اقول اخاف اعرضها في المحل اتكون البنت تبها و ازيدكم من الشعر بيت العضوه بعدها بيوم اتزل موضوع يديد ..زين عندج قدره اتردين مثل ما اتنزلين مواضيع..ليش التطنيش ابا افهم..
و انا اشوف التطنيش نوع من انواع عدم الاحترام.. فياريت يا بنات انسوي حممله على التطنيش لانه اذا بيضر حد ترا يضر التاجره اخر شي نفسييياً و مادياً
12-08-1426 هـ, 01:20 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يعينج ويعين كل تاجرة على هاى الحال
المفروض انها تحولج البيزات وعقب تطلبين لها الاغراض عشان لا ترد بكلامها
وهذا التطنيش يدل على عدم الاحترام صدق حركاتهم تقهر
12-08-1426 هـ, 01:39 مساءً
 
وانا عانيت تطنيش من نوع ثاني
مثلا كنت منزلة موضوع عن عطورات وياليتني مانزلته لاني لمن كتبت الموضوع كتبت فيه كل الاشياء من اسعار ومواصفات وايش اللي ممكن يجي مع العطور وبعدين تهل الرسايل الخاصة ويمتلي الصندوق ومن كثرة الرسايل صار عندي يقين ان فيه ناس راح تطلب والمشكلة لمن اجي افتح الموضوع الاقيه يسالون عن الاسعار وانهم راح يطلبون وبعدين ولاوحدة ترد علي ولاتعطيني كلمة وزي ماقلتي لمن جيت اشيك الرسايل عن طريق تتبع الرسايل الاقي البنات كلهم قروا الرسايل ولاوحدة ردت فيها علي

انا ضد التطنيش
12-08-1426 هـ, 01:56 مساءً
 
اهلييييييييييييييييييييين اختي

موضوعك روعه الصراحه

واجهتني نفس المشكله


كنت عارضه مكياج kryolan

وكنت اخبر العضوات يبولي الرقم والنوع وانا بجيبه من الشركة لاني ما اجدر اوفر بضاعه في البيت (الناس اذواق)

بعدين يوم ايبلهم الاسعار (طبعا وايد ارخص من المحل) (عندي خصم خاص لاني مدربه عندهم)

بعد ما احط الاسعار في العام ويطلبون مني بعدين يطرشولي رساله باعذار مختلفه او يطنشوني والله زوجي اشترالي اللي انا ابغيه ووايد سوالف


فحرام اللي يسونه فينا

حتى اني الحين بس ادخل المنتدى (القسم التجاري) للمشاركه

من هذاكي اليوم ما عرضت اي بضاعه
12-08-1426 هـ, 02:00 مساءً
 
صح كلامكم يا الغاليات
بس بعد فيه فئه منا تعاني من تطنيش التاجرات نفسهم وانا صارلي هالموقف اني اكون مندوبه حق وحده ولما جبت لها طلبات تتهرب مني ولا ترد علي ومطنشتني شهر مع انه اييبلها طلبات وناس تتريه طلباتها اذا فئه من المشترين يطنشون حتى فيه بعد فئة من التاجرات تطنش بعد
12-08-1426 هـ, 02:00 مساءً
 


الساعة الآن 12:11 .