ههههههههههههههههههههههههههههههههههههههههه ، قسم بالله كلامكم مضحك مبكي ، يعني ماتدرين تستخفين بهاذول قلال الذمه ولا تضحكين على العقليات الغير مسؤوله ، مايدرون ان اللي يصلحونه حرام .
لا ومن المفارقات الغريبه ، في وحده طلبت مني شرايط ، وارسلتلها رساله خاصه حاطه فيها رقم جوالي عشان نتفاهم لانهم غثوني بالاسئله على الخاص ، اللي ردتلي عقبها برساله وحاطه رقمها وتقولي دقي ضروري ، قلت يالله وش المشكله ، خل اكون احسن منها يمكن جوالها مافيه رصيد ، دقيت وقالت انا ابي الاشرطه وكلام من هالنوع وقعدت تهذر علي وتسأل عن ادق التفاصيل وضاع ربحي بمكالمتها بالجوال وتقول ابيها اليوم ضروري الحين ، قلت اوكيه الساعه تسع ان شاء الله تكون عندك ، قالت اوكيه برسلك قبلها رساله بالجوال ، قلت اوكيه انا على استعداد ونسختك موجوده ، مرت الساعه تسع ، ويوم ، ويومين ، وثلاث ، ادق عليها ماترد ، ارسل رساله تطنش ، لين يوم ارسلتها رساله نصها حرفيا ،،، ياوخيتي انتي طالبه الشرايط ومضيعه كذا زبونه ، وراك مطنشه ردي علي ،،،،،
ردت ::::::::::: ياعزيزتي انا قلت اذا صممت دقيت عليك في نفس اليوم بس الوضع ماناسبني :::::::: وعلى فكره انا شفتها وماعجبتني شفت انها ماتستاهل :::::
وكلام من هالنوع وانا انتظر وانا مضيعه بنات كثير قلت يمكن ماردت عندها ضروف تعرفون انا حديثة عهد بهالتجاره
صراحه انقهرت وارسلتلها رساله :::: الحمد لله والشكر ، بدري ماتعرفين تردين علي بمكالمه ، تخافين المواجهه.:::: وقلتلها على العموم عرفت مين انت
ارسلتلي رساله ::: مبروك وخلي روحك رياضيه ولي يشتغل حر لازم يكون ريلاكس ،لا وتنصحني بعد وتقولي : نصيحه إذا تبين تنجحين خلي أخلاقك عاليه عشان تكسبين الزبون .

طيب بالله يابنات إذا الزبون اخلاقه غير عاليه وش انت تزين تسكتله ، لا والمشكله ماتبي تدق .

المصيبه الاكبر والاطم ان بعد هالماسجات اللي مالها داعي ادخل النت القاها حاطه عرض تجاري بنفس الشرايط اللي انا ابيعها ، وبأرخص الاسعار ، مع العلم انها قالت ماتستاهل طيب دامها ماتستاهل ليش تبيعينها وتترزقين الله منها ، ماقول غير الله المستعان .

نفسي اعرف يابنات ليش في بنات مايخافون الله ، وماعندهم ذمه ، يحبون يسرقون أفكار الغير ، حتى لو باعو بخساره او بالاحرى ربحه مايسوى التعب ، ليش يحبون يقطعون رزق الغير ، مع ان الارزاق بيد الله ، والله هو اللي يوزع الارزاق ويوفق .

مادري ليش البنات يحسون ان اللي تبيع نصابه ونهابه ، وراح تهضم حقهم ، ولا يحسوونها شحاذه مع انا قسم بالله مو محتاجات ، بس مش عيب ان الواحد يثبت وجوده ويحقق له كيان بعيد عن ولي امره ، والله كثير من البنات يكلموني احس بنبرتهم اني مسكينه ، اقلهم تراي اغنى منك لاتعامليني بشفقه ، ولا كثير من البنات، يقولون كم دخلك ؟؟؟؟ عيب هالسؤال وش عليك بدخلي.


صراحه شكر كبير لصاحبة الموضوع شـــدون ، وكل من شارك بالموضوع ، صراحه يستاهل التثبيت ، عشان يردع كل من تسول لها نفسها لووووووووووووووووووووووووول <== قامت تتفلسف.

قسم بالله حاسه بكل احساس تاجره شريفه ، وأمينه ، وتخاف الله ، وماترضى تدخل فلوس حرام بجيبها اقصد بشنطتها .لوووووووووووووووووووووووووول

والله يوفقنا جميع .
22-08-1426 هـ, 01:15 صباحاً
 
بنشهر بكل وحده تحجز وتنحاش نحطها بلاك لست الدفع اولا
مثل ماهم يشهرون على اقل شي يصير من التاجره
ههههههههههههههههههه حدي فيني شر
22-08-1426 هـ, 04:26 صباحاً
 
للرفع باقرب صارووووووخ <<<<< انتقاااام ههههههههههههه
23-08-1426 هـ, 04:58 صباحاً
 


الساعة الآن 09:49 .