بسم الله الرحمن الرحيم



مدخل:
حسبي الله الذي لاإله إلا هو عليه توكلت وهو رب العرش العظيم








:


:

السلام عليكم ورحمة الله وبركاته
كيفكم صبايا ؟ من زمان عنكم وعن كتابة المواضيع ...
جزاى الله خيراً كل من سألت عني ومن دعت لي بظهر الغيب ومن ذكرتني بخير ..


جمعت صور عندي من حوالي سنه أو أكثر على أساس بنزلها في موضوع واحد .. ماضبطت ظروفي فكرت ألغي الفكره بعدين رجعت ثانيه وقلت أحتسب أجر علم صالح ينتفع به ..


الفطاير بعضها تطبيق لبنات في منتديات ثانيه وبعضها من قروبات البلاك والوتس أب .. لذا لاتنسوني وأصحابها الأصليين من دعواتكم ..


ولأن الملف متجدد بإذن الله راح أعطيكم طريقة البحث في جديد الموضوع


من أعلى الموضوع روحي لأنواع عرض الموضوع ثم إختاري العرض الشجري راح يطلع لك شاشة صغيره فوق فيها أسماء اللي كتبوا في الموضوع إختاري الإسم وإضغطي عليه يطلع لك الرد أسهل من البحث في الصفحات











يتبع ياجميلاتي .. بإذن الله ..
أرجو عدم الرد



" ربي لا تذرني فرداً وأنت خير الوارثين "



بف بالفرن

المقادير :
2 كأس دقيق كويتي
بيالة زيت
ملعقة صغيرة ملح
مويه للعجن

تعجن وتكون عجينه قاسيه أقسى من الفطاير بشوي وتترك نص ساعه ثم تفرد خفيف وتحشى بالحشوة المرغوبة
وتغلق من فوق حتى ماتنفتح عليك خاصة إذا الحشوة دجاج أو لحم
تدهن بالزيت بالفرشات وتدخل الفرن تحمير بسيط من تحت ثم من فوق (لاتطولين عليها تصير يابسه بزيادة )
لو حابتها مقرمشه غطيها بمنديل ولو حابتها طريه أو لينة حطيها في حافظ
(لازم يكون الفرد خفيف جداً مثل الورقه وإلا طلعت لك قطعة حجر ^^)
" ربي لا تذرني فرداً وأنت خير الوارثين "




بيبي برقر



المقادير والطريقة
خبز بشكل دائرة جاهز ^^
( دجاج الوطنيه مفروم أو أنتي أفرمي صدور دجاج / ملح / ثوم مفروم / شوية كزبرة مفرومة / فلفل أسود / بهار حلو / موزاريلا مفرومة / بهار البيت شوية وومكن كاري لو حابة نكهه هنديه )
اعجنيهم مع بعض ودخليها في الثلاجه نص ساعه بعدين شكليها بآلة الفلافل أو على شكل قرص صغير واغمسيها في بيض وبقسماط واقليها في زيت قليل
بالأخير إحشيها زي ماتحشين البرقر العادي خس وطماط وجبن ولو حابه مايونيز
" ربي لا تذرني فرداً وأنت خير الوارثين "



توست كودو

هذي نفس الطريقة اللي تعرفونها
بس بدل ما أقلي التوست في الزيت حطيته على صاجة تيفال حار
وبعد ماتحمر حشيته دجاج مكشن مع بصل وفلفل أحمر بارد وملفوف ومعاه صوص زبادي وثوم


أهم شي يكون التوست طري ..


هذا شكلها وهي بالصاج


" ربي لا تذرني فرداً وأنت خير الوارثين "



ميني خبز محشي

هذا الخبز جاهز حشيته بيض مسلوق وشريحة جبن صغيرة شوية متبل رانش (طعمها خيال)
ممكن تزيدين شريحة طماطم وخيار بس لازم تؤكل في وقت قريب وإلا تتسمم الخضار
" ربي لا تذرني فرداً وأنت خير الوارثين "



الساعة الآن 08:38 .