يامتزوجات مين عايشه بملل ووحده زيي؟؟

مرحبا بنات

راح ادخل بالموضوع على طول انا متزوجه لي تقريبا سنه وهذا زواجي الثاني والحمدلله اموري تمام بس ذبحني الملل..

انا وحده ماعندي اهل عندي اخ واخت متزوجين بنفس المدينه كل واحد في عالمه اختي من يوم مااتزوجت ماجاتني ولا نادتني عندها ماادري ليه... واخوي احيانا يجي لوحده يسهر مع زوجي بس ماقد عزمني عنده وحرمته مابيني وبينها تواصل عشان كذا مااحب اروح لها بدون ماتناديني احسها تتضايق...واصلا ماانسجم معاها كثير..

امي في بلد ثانيه وطالعه من بيتها عشان تبغى تاثث من اول وجديد ولا كان رحت لها....

باقي اخواني كل واحد في مدينه وبرضو ماقد احد جاني منهم...

يعني بالعربي مقطوعه من شجره والله انقهر في الاعياد كل الحريم يروحو لاهاليهم الاانا بس وجهي بوجه زوجي احسه حتى هو مل من قعدتي في البيت يقولي كلمي احد روحي لاحد... طب ماعندي احد فين اروووح؟


والله نظامي مره ملل انا وزجي نسهر للصبح وندقها نوومه للمغرب واصحى قرفااانه اقول اش اسوي اليوم؟

مافي تغيير اذا طفشت مره نطلع نتمشى في مكان ونرجع بس انا مليت من دون ناس ابغى احد ارتاح له اسولف معاه تعرفو مهما كان سواليف الحريم مع بعض غير سواليفك مع زوجك...




واللي زاد وغطى ماعندي صديقات الا وحده صديقه بس احسها مستغنيه بعيالها عن الناس ماشاء الله عيالها كبار ومالين عليها البيت ... من يوم مااتزوجت مازارتني مع اننا بنفس المدينه ولمن احاول انا اروح لها في البدايه كانت تستقبلني بعدين صارت تصرفني...مع اني اغيب عنها بالشهور..


والله من قوة الوحده صرت اندم اني تطلقت من زوجي الاول اقول لو اني قعدت معاه وخلفت عيال كان مداهم كبرو اللحين وسلوني بدال مااحتاج الناس اللي كل واحد همه نفسه وبس...

لاتقولولي خلفي اللحين ان شاءالله ناويه بس مو هذا الحل لانه متى يكبرو ويسلوني يبغالهم عمر...

اتخيلو في العيد هذا مارحنا لاحد ولااحد جانا بس يوم واحد انعزمنا عند اهل زوجي عشا وعليهاااا...

بالنسبه للوظيفه انا ودي اتوظف بس انتو شايفين الوظايف كلها صارت في محلات وكاشيرات ونظام شفتات مايناسب وحده متزوجه..

ومااقدر ادخل لامعاهد ولانوادي لانه ميزانيتنا على قدها...

مين حالتها زيي والله اكتب وانا مرره مخنوووقه شاركوني همي..