السلام عليكم ورحمه الله وبركاته .

ابي اعرف طريقه طبخ الربيان المجفف وشلون اكبس عليه هل له
طريقه اهم شي عندي الزفره ماتكون واضحه وش كثر يحتاج طبخ

ومشكورررات مقدما

وعليكم السلام

شوفي اختي خذي كميه شويه ونقعيها بماء ساعه اونص عادي بعدين نضفيه شيلي القشر والرجلين
ثانيا جهزي كشنه حقت الرز واضيفي عليها الربيان بعد التنضيف واحمسيه مع الكشنه واقصري على النار لين تستوي الكشنه

واضيفيه على الرز وعادي لو حاطه كبسة دجاج واضفتي الكشنه بالربياان

وبالعافيه اختي
اللهُم اغفر للؤمنين والمؤمنات, والمسلمين والمسلمات, الأحياء منهم والأموات.
[شوفي عشان تطلع الكبسه حلوه نظفي الربيان من الرجلين و اغسلي الربيان كم مره وشيلي منه الشوائب ونقعيه في مويه حاره وملح وعصرة ليمون وملعقة خل لمدة نصف ساعهSIZE="4"][/size] بعدها كشني بصل وثوم في شوي زيت الين يذبل البصل ويصفر واذا تحمس حطي الطماط وخليه الين يذوب بعدين حطي مكعبين ماجي واربع ملاعق صلصه وشوي بهارات وملح والافضل تستخدمين بهارات الربيان او بهارات السمك وكمون وكزبره مطحونه حطي ملعقه صغيره من كل نوع وحطي الربيان وبيالة مويه وقرن فلفل وحبة ليمون اسود وحبتين مسمار وحبتين هيل وعود دارسين وخليها تتسبك شوي مع بعض بعدين زيدي المويه الين ربع القدر وخليه يطبخ ربع ساعه تكونين غاسله رز المزه ومنقعته في ملح وحاطه معه قرن فلفل اذا جيتي تكبين الرز شيلي الفلفل والبهارات العدله وكبي الرز وعدلي ملحه ومويته كنك تسوين كبسه عاديه وحطي البهارات الي كنتي مطلعتها برا وخليه على نار عاليه الين يشرب مويته وبعدين قصري النار وقطعي بصل صغار يصير كثير مره وحطيها مع شوي زيت على النارالين يصير بني حطي عليه ملح ونفس البهارات المطحونه الي حطيتيها للرز وخليها شوي على النار تاخذ الطعم وسكري النار وارفعي غطاء قدر الرز اذا شفتيه نشف من فوق وماعاد فيه مويه حطي الكشنه على وجهه وخليه على النار الهاديه الين يستوي الرز وقدميه مع السلطه والشطه جربيها وان شاء الله تدعين لي هي أحلى شي تتصلح كبسه حمرا  
اللهم لاتذرني فردا وانت خير الوارثين

كل من تشوف موضوعي او ردي تدعيلي وتدعي لكل مسلمه محرومه باالذريه الصالحه

الله يصبرنا والجميع على الغربه ونرجع لسعوديه سالمين غانمين


الساعة الآن 07:04 .