حبيبتي كيلو برغل ناعم مع نص كيلو لحم 
انقعي البرغل وافرميهم مع بصلة على فرامة اللحمة 3 مرات
اللحمة لحمة عجل مو خروف 
والله يا اختي المفروض انه اللحمه تكون قد نص البرغل اتوقع ان عيرتي مثلا اربع كاسات برغل المفروض يكون كاستين لحمه هيك ممكن تضبط معك واساس الكبه الطحن الكويس لازم تنطحن اكتر من مره لحتى تنعم حبة البرغل مزبوط وبس تطحنيها ادعكيها شوي بايدك ولازم اضل العجينه طريه ما تنشف معك كل ما نشفت طريها برشه ميه واعجنيها مره تانيه
وسر من اسرار نجاح الكبه لازم الزيت يكون بغلي غلي يعني لازم حرارته تكون 70 هاي احسن درجه لقلي الكبه وهيك ما بتفرط بالزيت وما تحطي بالطاوه كتير حطي كم حبه يعني الكبه بشكل عام بدها طولة بال بالشغل وبتطلع مزبوطه معك ان شاء الله
سبحان الله ولا اله الا الله والله أكبر
اختي انا رح قلك طريقتي اللبنانية بالكبة وبتطلع كتير طيبة .بالنسبة للبرغل لازم تنقعيه بالماء حوالي ساعتين يعني بلليه واتركيه.بعدين بتدعكيه بيدك لحتى يصير متل العجينة وطبعا اذا لقيتيه ناشف زيدي شوية ماء.بالنسبة للحمة لازم تكون ناعمة كتير وما بتنفع المفرومة ابدا.كمية البرغل بتكون ازود شوي من اللحم.يعني اذا حطيتي 3 اكواب برغل حطي 2كوب لحم.وحتى تطلع الكبة نكهتها مميزة افرمي بصلة ناعمة كتير وحطي نعنع مفروم وبهار اسود وكمون.نحن عنا بلبنان بهارات اسمها تحويجة الكبة بس ما بتلاقيها هون بتعطي طعم بيجنن للكبة.اذا بتعرفي شي وحدة لبنانية قريبة منك اساليها عن البهارات.هلق بتخلطي البرغل واللحم والملح والبهارات والبصل والنعنع وبتتركيهن ربع ساعة.بعدين بتحضري الحشوة اللي هي لحم مفروم مقلي مع بصل وصنوبر وفلفل اسود وبتحشي الكبة وبتقليها بالزيت.بس انتبهي ما لازم تكون سميكة خليها رقيقة بتضل طريه وطيبة.صحتين
الله يجزاكن خير ويوسع منازلكن دنيا وآخرة ويوفقكن ويسعدكن ويرزقكن من حيث لاتحتسبن ياأغلى خوات بجرب الطرق كلها لاني لو بكيفي افطر واتغدا و اتعشاء كبة ههههههههه
رفع


الساعة الآن 04:02 .