اكوامارين22
اكوامارين22
من هذا لرد بدينا ننظم الامور بشكل مدروووس اكثر

صبــــــــــــــــــــــــاح الخيــــــــــــــــــــــــــ ـــــــر

يا احلــــــــــــــــــــــــى بنــــــــــــــــــــــــــــ ــــــــــــــــات

شورايكم ننظم الموضوع اكثر


كل اسبوع يكون فيه

انجازات الاسبوع الي فات

اهداف الاسبوع القادم


وتكون منظمه كتالي

اهداف الاسبوع

_ اهداف دينيه :

_اهداف اجتماعيه :

_ اهداف ثقافيه :

_اهداف علميه :

_ اهداف عمليه :

_اهداف تجميليه :

_اهداف متنوعه :


بس ننسخ ونكتب :pinklove:


والي تبا تزيد اهداف ترتبه اكثرتنظم الكلام بشكل اخر عادي لكم الحررررررررررررررريه نحن هدفنا روح الجماعه كل حد يضيف ويغير لين نوصل للتووووووب ان شاء الله



بسم الله نبداء


انجازات الاسبوع الي فات

كانت كل اهدافي تجميليه :

1_ ارتب رقادي والحمدلله الحمدلله الحمدلله قدرت انام بدري واصحى بدري الله يا الشعور بنااات حرام نحرم نفسنا هالشعوووور

2_ انزل من وزني وكنت متبعه التخفيف ونظامي كالتالي

شرب كوبين ماء على الريق وبعده بساعه افطر

الغداء من اكل البيت واكل بعتدال

العشاء سلطه

والمشروبات لبن حليب قليل الدسم وعصاير فرش وماء

والممنوعات الحلويات والمقالي واي شي صناعي


الحمدلله الحمدلله نزلة 500 جرام يعني نص كيلو وانا اتعمد ما انزل بسرعه لان هدفي هوه اني انزل دهن مش سوائل وبعد ما اوقف رجيم كل شي ينزل وغير جذيه بيضعف ويهي وصدري وبيتساقط شعري وبيكون شكلي مريض شاحب نحن نسعى للانوثه والاشراق مش للهزل والشكل المريض وافضل اني انزل نص كيلوا ولا ازيد كيلوووو

3_ الرياضه دخلتها بشكل خفيف والحمدلله كان الوضع جيد لان بعد انقطاء مااقدر اشد على نفسي

وراضيه عن نفسي الحمدلله لان التغير بيكون بطيء ومستقر ان شاء الله

وهذي اهداف الاسبوع القادم



اهداف الاسبوع

_ اهداف دينيه : باذن الواحد الاحد التزم الاستغفار اعوذ بالله من الشيطان الرجيم كيف ينسينا ويشغلنا نستمرشوي وننسى
ففكرت احط المنبه كل نص ساعه يرن عشان اذا كنت ناسيه ارجع استغفر لازم نحاول لازم نحااااول نخلي الذكر على لسانا دوم
من استغفر وتكبير وحمدالله وشكره والدعاء ونصلي على الرسول اللهم صلي وسلم عليه .

_اهداف اجتماعيه :هالاسبوع ما عندي

_ اهداف ثقافيه :هالاسبوع ما عندي بحاول اقرا كتاب اذا كنت فاضيه او بخليه للاسبوع الياي افضل

_اهداف علميه : عندي بحث جامعي لازم اسلمه ان شاء الله بعد شهر ونصف التسليم ببتدي فيه بكل جديه باذن الله من باجر .

_ اهداف عمليه :ماعندي هالاسبوع

_اهداف تجميليه :
عندي اهدااااف وهيه

1_ انزل الوزن بطريقه صحيه
2_ مشي لمدة ساعه يارب يارب يارب اقدر مع تمارين
3_اعتني ببشرت ويهي عنايه حقيقيه من مساج وكريمات ليله ونهايه بتكلم بالتفصيل في الردود ان شاء الله


_اهداف متنوعه : اسوي جرد للملااااابس وترتيب الكبت فقط فقط فقط لاني اامن بالتخصيص ما حب اسوي شي الا بتنظيمعشان اعطيه وقته .



بسم الله نبدا اليوم

لي 2 يوم في الاسبوع الثاني يالله يا بنات كل وحده تكتب النا خططتها وانجازاتها

ولا تحرمينا يا حلا يا دلع القروووب من كلامج الطيف الحلو الرقيق


همســـــــــــــــــــــــــــ ـــــــــــــــــــــــــــه للكل

حبيباتي اذا ما انتبهنا بسررررررررررررررررررررررررررعه بيمر الوقت
امس كانت الطفوله واليوم الصبا باجر بنتفاجء انى وصلنا للشيخوخه بسرعه

لازم نقول

استووووووووووووووووووووووووووو ووب للاكل التافه نعم للجسم الانثوي الحلو المتناسق
بس منالاهمل ومرحبا بالريااااااااااااضه والصحه والعافيه
بس من التصرف بعشوائيه لازم نتصرف كانثى رقيقه حلوه حساسه
لا للتذمر من المشاكل نعم للبحث عن حلووووووول
استووووب من التسووووويف لازم نسوي للاخر
استووووووب لعدم التطووووير نعم للثقااااافه والابتكاروالابداع والعمل ورفع المستوى الثقافي والعلمي والعملي

هالموضوع عشان كيف تكونين

انثى رقيقه ملتزمه ناجحه جميله ملفته سيدة اعمال او طالبه متفوووووقه
مبتسمه مشرقه تنشر السعاده والامل حنونه رحووومه قويه بعاطفتها لينه بحنااااانها
يجب ان نكون نحن مذهلاااااااااااااااااااااااااا اااااااااااااااااااااااااااااا اااااااااااااااااااات
اعيدي التفكير في حياتج باذن الله الي ما سويناه في السنييييييييييييييييين الي مرت مع بعض
خلال سنه باذن الله بكون مختلافاااات والسنه بتمر بسرررررررررررررررررررررعه اببببببببببببببببدا
لاتسمحين لنفسج ان اليوم تكونين تشبهين الامس لا ضيفي عليها باي طريقه للافضل للاحسن
اكوامارين22
اكوامارين22
هنيه رونوه الصغنونه العسل اشتركت ويانا في الشله وهذا ردها

ربي ييحييك اكوامارين

اعجبنني مرره نظامك بس بضيف شئ على هذا الجدول !



_اهداف علميه :

_اهداف تجميليه :

_ اهداف دينيه :

_اهداف اجتماعيه :

_ اهداف ثقافيه :

_اهداف متنوعه :



بالنسبة لي كَ طالبة ما أقدر أسوي كل هذي الاشياء بأسبوع واحد ( غير المذاكرة والطلعات والجلوس مع الاهل والنوووم اهم شئ :biggrin: )

يعني انا دخلت القروب لان احس حياتي مالها هدف اروح المدرسة اجي انام لين 1 او 2 بالليل اذاكر اجلس ع التلفزيون والنت واكل تجي 5 ونص اقوم اتجهز للمدرسة :icon32:

وهكذا تستمر الحياة :biggrin:

المطلوب : بكل شهر اسوي ثلاث منهم .. يعني هذا الشهر

_اهداف علميه : الدراسة :biggrin: + بحاول أروح جرير وأشري كتب وكيذا عشان اتثقف

_اهداف تجميليه : ششعري ( هو ناعم ما شاء الله بس قصير لاني كنت قاصته قصيررررر مرره بس طال شوي بس ابيه يطول بسرعه + لاحظت عليه بدا يتلف من السيراميك والاستشوار عشان كيذا برجعه زي اول واحسن )
+ اهتم بالمظهر والملابس

_ اهداف دينيه : بسوي حصالة واتصدق فيها كل او يومين لو ريال المهم اتصدق

_اهداف متنوعه : ( هذي ممكن اسويها بالاسبوع عشان كذا ضفتها ) ترتيب غرفتي كل يومين لان دايم غرفتي مقلوبة :dry: + اساعد امي بالشغل + احاول اطور من نفسي وشخصيتي :redface: + عمري 14 يعني تعرفون هالسن وقت تطلع علامات المرأة احس سمنت شووووي بس شووي أبي احاول أخفف من الشيبسسساااات بس أعشقهم أبي ححل لو اخفف منهم هم والغازيات

وبسس

بالتوفيق للجميــع



وهذا ردي عليها

بالمحيي يا روووونه الحلوووه حياااااج ويانا يالغلاااااااااااااا

ولكمممممممممممممم ولكممممممممممممممممممم يا عسسسسسسسسسسسسسل

بس ترتيبج:icon30:

نحن ندرس وجامعه وشغل ومكروفين ونحاول نغير خليج بطله بس يبالج شوية تنظييييم الوقت

فانتي حاولي تحطين اهداف اسبوعيه جيه بترتاحييييييييين

مثال :

هدف جمالي :الشعر تقصين الجزء التالف وتروحين تفحصين دمج عشان تاكلين الفيتامينات الناقصه ويمكن يعطيج
الدكتور تونك للفروه يومي وشامبو مناسب وتوقفين كل السشوار والسرميك اثناء العلاج وطولي بالج اذا استعجلتي الشعر خرب الشعر بالذات يباله عنايه طويلة المدى .

هدف جمالي اخر : بما انج في 14 العمر كله يااااااااااااااارب حاولي ترطبين جسمج كل يووووووم عشان ما تطلعلج تشققات خدي من تجربتنا ماحد نصحنا وحاولي تتركين كل الجبسات والخرابيط وكلي اكل صحي واكل يطول وسوي رياضه التمدد تطول شوي عندج لين سن 16

هدف جمالي اخر : النوم النوم حاولي يوم اتين من المدرسه ما تنامين لين صلاة العشاء بتخترب بشرج وبتمتنين ان طولتي على السهر وهالنظام ابدا مش حلوو.

هدف جمالي اخر: من ناحية المظهر تابعينا بنزل اشيء وااااااااااايد حلوه بتستفيدين منها

هدف علمي : اذا علاماتج نازله حاولي تركزين على الدراسه لين ترفعين المعدل وبعدين خصصي وقت للقرائه

هدف ديني : رااااااااااااااائع وممتاااااااااااااااز

هدف منوع : يالله اشتركي معاي انا هالاسبوع خصصته للكبت مش للغره كامله هههههههه:icon30:لا بس كبت في اسبوع

يعني لو انا عند برتب نفسي اسبوعيا جيه

الاسبوع هذا

هدف جمالي : هالاسبوع اترك الجبسات اكثرمن الماي والخضروات اختار جزر خار اي شي تحبينه وستبدليه بالجبسات وتسبدلي الغازيات بالعصاااااير بس لاسبوع وتعالي قوليلنا شوسويتي

هدف منوع : اختار درج او باب من الكبت هالاسبوع وتعالي قوليلنا اول بول شو رتبتي شو سويتي

وهكذا وكل اسبوع قوليلنا شو انجزتي ونحن بنشجعج خلي لو هدف اسبوعي وخفيف ولا تخلينه 3 اهداف وشهريه ما بتنجزين جيه بتكسلين يالله الهمهيا روووووووووووووووووونه الحلوه
اكوامارين22
اكوامارين22
اهم خطوه في بداية التغيرررررر

الــــــــــــــــــــــــــــ ــــــــــوزن

اذا كان مناسب لطولج وعرضج وتكوين جسمج

اي شي بتلبسينه بيطلع عليج رااااااااااااااااااااااااااااا اااائع:23:

اما يوم تدورين لبس يناسب وزنج ودسين وزن تحت ووزن يمين ووزين يسار تستوي كااااااااااااارثه:08:

بتكونين ابداااااااااااااااا مش انيييييييييييييييييييييييييييي يييييييييييقه

بكل بساطه كل وحده ادخل وزنها وطولها وتشوف شو الي يطلعلها في هالرابط

http://www.elebda3.info/go_wzn.html


في شي لازم نراعيه

المجتمع الي نحن فيها مش تمشيلي على استايل الغرب وتكون ضعععععععععععععععععععععععععيفه وتقول
رشيقه ولا تكون في مجتمع كل ضعاااااااااف وتكون ملياااااااااااااانه وتقول انوثه


اناشخصين احب الوسط الجسم الرشيق الانثوي كيف نحصل عليه ؟؟

بقولكم كيف نفرض ان طول سين من الناس 160

بيناسبها من 52 الى 62

52 بتكون ضعييييييييييييييييييفه

57 بتكون رشيقه انثويه

62 انثويه بقوووووووه

شرط ان في كل الحالات يكون الجسم مشدود من الرياضه

كيف تختارين واحد من الاوزان ال3 حسب بنية جسمج حد عظامه كبااااااار حتى لو ظولها 160 ما ننصحها ابدا 52

وحد بنيته وسط يناسبها ال 3 اوزان والي بنيته صغيررررررررررره ابدا مايناسبها 52 اتمنى المعلومه وصلت هذي

اهم معلومه قبل نبدا الرجيم


ثاني شــــــــــــــــــــي يوم تتخذين قرار الرجيم

انتبهي من الرجيمااات السرييييييييييييييييعه والي فيها حرماااااااااااااااااان

لان هذي شو تسوين

1_ تنزل السوائل يوم بتوقفين رجيم بيردن

2_ تضعف اول شي ويهج صدرج اديج ويصير شكلج مرييييييض ويوم تخلصين الرجيم يكون شكلج كبران 10 سنين

3_ نقص الفيتامين ينزل الشعرررررررررررر تكسبين شي وخسرين شي ثاني

4_ ممكن تصير امراض ومضاعفات للجسم بسبب الرجيمات الكيماويه القاسيه

5_الترهل الي ينتج على النزول السريع كااااااااااااارثه

فالحل نظام غذائي فيه كل شي واعتمد اني اخفض عدد السعرات الحراريه



ثالث شـــــــــــــــــــــــي

الرياضــــــــــــــــــــــه

1_ بتحينا من اي ترهل

2_بتشد الجسم مع الوقت وبيشد اذا في ترهل قديم

3_تحلي البشره لانها تحرك الدم



ورابع شي ابتعدي عن اي حبوب تضعف او اي خزعبلات مافي غير الرجيم والرياضه هن الي يضعفن
ممكن نستخدم اشيء طبيعيه مساعده فقط


هذا الي عندي بخصوص الرجيم وياليت اي وحده تقرا تحط الي تعرفه عشان نستفيد من بعض


ترا انا نفسكن مره اطبق مره اهمل مره اكسل فعشان جيه انا حبية فكرت التجممممممع عشان نشجع بعض
اكوامارين22
اكوامارين22
اشتركت ويانا امونه المزيوووووونه ووضعت نظامها وبرد عليها في هالموضوع باذن الله

نظامي العزيز >اللغه اهم شي خخخخ

طبعا انا بالجامعه وتخصصي شوي صعب :redface: والاوف تبع الجامعه يوم الاحد معفن وقته

فـ نظامي كالآتي ...

مااسهر انام 10 ان سهرت بقوه الى 12

اصحي قبل الفجر بشوي اوتر واصحي خواتي وبعده اصلي الفجر واجلس اجهز خواتي ثلاثه كلهم اجهزهم

واذا راحو فضيت لنفسي اتجهز اذا كان دوامي من عشره كملت نوم الى ثمان ونص

اروح الجامعه اجي احيانا 12 اذا تأخرت 2 بسس >الحمدلله اني ارجع بدري

اتغدى انام الى العصر اصحى العصر اتقهوى مع العائله الكريمه اذا عندي اختباار جلست احوس فيه من العصر لان الجامعه يبغى لها من اسبوع تذاكرين الماده والله الموفق

اما اذا ماعندي اختبار اجلس على النت او اقرأ كتاب او الواتس

بعد المغرب اسوي العشاء واذاكر لخواتي الثلاثه >:crap:
اللي تعذبني البكاايه ماتحفظ الا بتكفيخ

وبعدها اجلس اجهز لي ولهن :dry:

وكهزا تستمر الحياة :huh:
اكوامارين22
اكوامارين22
وبجذيه نقلتلكم كل الي فاتكم وانا ببتدي اكتب يوميااااتي هنديه باذن الله والحين بنبه على البنات ووبلغهم


مشرفتنا الغاليه بسويلنا شعااار وكل وحده مشتركه في الموضوع بتدرجه في التوقيع باذن الله يالله يا بنات نبا

نشاط وهمه