السلام عليكم كيفكم بنوتات ونساء
اولا قبل ماتقروا الموضوع قولوا كلكم ماشاء الله أمااااانة عليكم يابنات تقولوا ماشاء الله أنا عندي تقولوا ماشاء الله أهم من إنكم تردوا الله يبعد عني وعنكم العين يارب
معليه سامحوني بس انا عندي فوبيا قوية من العين ومرررة أخاف
المهم
نبدا باسم الله
انا مرررررررررررة أعاني من سواد الأكواع والركب واماكن اخرى وكل خلطات الدنيا اشتريتها ومااافي فايدة الخلطات تبيض في وقتها وبعدين تحصل حالة انتكاسة ويرجع اغمق واسود من اول
وبالنسبة للكريمات الكيماوية مثل الدوكين وغيره انا مرررررررررة مااحبها ولا تستاهل بشرتي احط عليها مستحضرات زي دي
وعلى العكس احب الأشياء الطبيعية اللي ماتضر بشرتي
الين ربي هداني للسدر والله يابنات اكثر من رائع سبحان الله 4 في 1
1_ يقشر البشرة ( مثال الأكواع والركب)
2_ يبيض البشرة
3_ يوحد اللون (مثال بقع الحرق)
4_ ينعم البشرة
وأحلى فائدة اللي اللي حتعجبكم كلكم انها بالتدريج تذهب التشققات البيضة اللي تجينا
من التخن بالتدريج اللي كل البنات طفشانين منها
وإمكن في فوائد للبشرة أنا لسى مااكتشفتها
انا مااتعجب من دي الفوائد كلها عارفين ليه؟؟؟؟؟؟؟؟؟؟؟ لأنه ربنا ذكر السدر في القران الكريم
وصفها في سورة الواقعة بأن أصحاب اليمين في سدر مخضود
ووصفها في سورة النجم بأن سدرة المنتهى عندها جنة المأوى
وصفها في سورة سبأ في ذكر جميل بأنها عندما أعرض القوم أرسل الله عليهم سيل العرم بدلهم ربنا بجنة فيها سدر قليل ( أطلعوا أول آية في الصفحة الثالثة من سورة سبأ ضروري عشان تشوفوا الآية)
وأنا بعد كلام رب العالمين ماعندي كلام وبما أنه
في القرآن خلااااااص استخدمه وأنا مرتااااحة
وشفت ماشاء الله النتائج قدام عيني بس صراحة يبالها صبر وإمكن على حسب السواد الله أعلم
انا بدأت من بداية رمضان ودحين احنا نهاية العيد تقريبا ثلثين السواد ماشاء الله راح وباقي الثلث
وبعدين تطمني للي يجي بالتدريج احسن من اللي يجي بسرعة وينـــــــــــــتكس
وكل شي في دا الكون ماشي بالتدريج سبحان الله
الطريقة:
أخلطي السدر مع قليل من الماء إلى أن يصبح مثل الطين أـو أخف شوية اللي تبيه ثم يوضع على البشرة
وبعد كده تغسليه مع دعك بالليفة
ودي تجربة شخصية وانا كتبت الموضوع وليس منقول
واهم شي الصبر والدعاء وربي كريم
ملحوظة 1: السدر عبارة عن شجرة بها أوراق سدر وبعد كده تنطحن ونشوفها في العطارة زي البودرة بعد الطحن
ملحوظة 2: انا عملت السدر مع الموية مع كريم تبييض بس سبحان الله ماجاب نتيجة كويسة زي السدر مع الموية لوحده إمكن عشان مع الموية لوحده يكون مفعول السدر مركززززز لكن لما نحط أشياء ومواد تانية ونسوي نفسنا جبنا الذيب من ذيله ههههه يخف مفعول السدر
عشان كده سدر وموية يابنات بس
وبس
والله يابنات حتنبسطوا وأدعوا لبابا ربي يغفرله ويرحمه ويجعل مثواه الفردوس الأعلى
ويخليلي ماما ويطول في عمرها ويشفيها يارب
ياربي يعجبكم ويناسبكم ويحقق اللي في بالكم ويحقق لكن امنياتكم دنيا واخرة يارب
منقوووووووووول
يلزم عليك تسجيل الدخول أولًا لكتابة تعليق.
مس فيونكا
•
مشاء لله تبارك الله ومشكوره على ذكر تجربتك ياقلبي
الصفحة الأخيرة