اخيرا,,هامورة المستقبل قررت تدخل المطبخ

وتجهز لاستقبال رمضان عسى الله يبلغنا بقدومه

ويعينا على صيامه وقيامه بالصحه والعافيه ان شاءالله

وكل عام وانتم بخير,,

من اليوم ان شاءالله ببدء اكتبلكم اول بأول وش انا سويت

بلا اسهم بلا وجع رااس,,((ايه اتحدى اني اتركها))((ادماااا ااان))

والله يوفق الجميع ان شاءالله((على بالها مازالت في السوق ))

طبعا مثل ماتعرفون,,بسبس وومن ودايم مشغووله

من شان هييك حلو اني اجهز الفريزر من بدري

واول شي بدأت فيه ((الاقماع))

عجينتي المفضله تعلمتها من سنوات طويله من امي الله يعطيها الصحه والعافيه

ولاافكر اني اجرب غيرها

اللي هي:
1.5 كاس ماء
ملعقه(خميره , سكر , ملح )
4ملاعق حليب باودر
2/1 كاس زيت
وتقريبا كيس الاربع طحين كويتي
,,,,,,,,,,,,,,,,,,,,,,,,,,,,,,
الحشوات المقترحه بعد ما تطلعين الاقماع وتسخنيها

حمسة دجاج مع جزروبصل وبقدونس وتغطى بالباشاميل
او
دجاج وبقدونس ومايونيز
او
تونه وبقدونس ومايونيز
او
لبنه وزعتر
او
خلطة البيتزا
او
بكيفكم اي شي تحبوونه
وسويت سمبوسه بالجبن

جبنة شدر + جبنة مازوريلا + بصل اخضر

بعجينه سويتيز

.........................

وسويتيز الله يعطيهم العافيه مسويين عجينه حلوه صغيره

هذه العجينه حشيتها جزء جبن كيري والجزء الثاني جبن كرفت

السمبوسه الصغيره حلى مع القهوه والتمر

بس قليها وغرقيها شيره وانثري عليها فستق او جوز هند

او اذا ماحصلتي العجينه الصغيره سويها اصابع وبعد ماتقلينها وتغرقينها بالشيره

غمسي الاطراف بجوز الهند او الفستق

وبالعافيه,,,
السلام عليكم
مشكوره اختى على هذه الافكار الحلوه بس يريت تشرحين طريقه الاقماع اكثر وشلون طرق للف واكون شاكره
هلا بك اختي هناء,,

بالنسبه للاقماع,,تجهزين العجينه اللي ذكرتها وبعد ماتخمرينها تقسمينهها اربع اقسام

تاخذين كل قسم وتفردينه بشكل مستطيل

بعد كذا تقطعينه شرايط طويله ورفيعه

تاخذين كل شريطه وتلفينها على القمع وتضعينه في صينيه الفرن وتدهني الوجه بحليب او بيض

وتشوينها ,,,

بعد ماتنضج تفكين منها القمع وتصفينها في صينيه وطوالي على الفريز

بعد ماتجمد تفرغينها بعلبه

وبس,,


الساعة الآن 05:58 .