السلام عليكم ورحمة الله وبركاته


بنات انا كتبت موضوع سابق ولاحظت فيه بنات كثير يسألون عن القرض وكيف الشروط

فحبيت افيد هذي الفئه فقط
اللي هي المطلقات والمهجورات والأرامل وبشرط وجود طفل او اكثر

لأني تووني مقدمه واستلمت القرض خلال ثلاث ايام من التقديم



يعني انا بجاوب للبنات اللي من الفئه هذي فقط ويعذروني الباقين بس بحاول اقول اللي اعرفه


نبدأ بسم الله


اول شي يا بنات بنك التسليف يقد م قرض اسمه القرض الأجتماعي

ومقداره على حسب اعداد افراد الأسره

بالنسبه لشروط


تكون مطلقه او مهجوره او ارمله

لاازم وجود طفل او اكثر واللي ماعندها اطفال ما يقبلون طلبها والله اعلم

العمر غير محدد

الوظيفه غير مطلوبه والمهم وجود كفيييل موظف حكووميى

صراحه انا تعببت تعبتتت لين لقيت كفيل


نجي للأوراق والأثباتات المهمه

تجهزي ملف أخضر علاقي ...هم يقولون لازم ملف اخضر


وبعدين تدخلين موقع بنك التسليف وتطبعين نموذج طلب قرض اجتماعي وتعبينه

وتطبعين بعد نموذج كفاله شخصيه خاص بالموظف اللي راح يكفلك ياخذه ويوديه لمقر عمله ويوقعه


تجهزي صوره من

بطاقة احوالك

صوره من صك الطلاق

صوره من صك الأعاله او الولايه

صوره من الكرت المضافين فيه ابنائك

صوره من رقم حسابك ورقم الاي بان ..يعني لازم يكون عندك حساب نشط بأي بنك

صوره من بطاقة احوال الكفيل

طبعا برنت من الأحوال المدنيه يثبت فيه حالتك إنك مطلقه او ارمله

ولازم تمرين بنك التسليف وتاخذين منهم خطاب تودينه للأحوال المدنيه عشان يعطونك برنت

طبعا كل هذي الأوراق تحطيها بالملف


وبعد ما تجهزي كل اوراقك

تدخلي على موقع بنك التسليف وتسجلي لك حساب عندهم وتعبين البيانات كامله وانا انصحك ما تسجلي بالموقع إلا وأوراقك كاااااامله
لأن بعدين ما تقدرين تغيرين في بياناتك وبيانات الكفيل لو غيرتيه
اقولكم انا تبهههذلت هههه بس الحمدلله تيسرت بعد معاناااه

المهم وراح يعطونك بنفس حسابك موعد مع البريد الممتاز تسلمين اوراقك لهم

نفس الموعد اطبعيه اللي اخذتيه من حسابك بالموقع روحي للبريد وعطيهم اوراقك بشررررط الأوراق لازم يكون طبق الأصل معاك للمطابقه
ومو لازم تروحي شخصيا حتى لو اخوك او اي احد تثقين فيه

البريد راح يرسلها
وكلها ثلاث ايام والمبلغ بحسابك

انا طلبت 45 الف

والحمدلله تيسرت بعد معاناه ونزلت بحسابي

والتسديد راح يكون بعد شهرين من استلامي للمبلغ
واذا ما سددت يخصمونها من الكفيل
وشهريا يكون التسديد ٧٥٠ ريال

واي شي مو واضح بنات انا على اتم استعداد افيدكم

لي سنه وانا احاول اقدم وخذت خبررره






ودعوووااااتكم لي بتيسير اموري وتحقيق لي اللي في بالي وإن ربي يبارك لي بالمبلغ اللي اخذته

وان ربي ينتقم من كل واحد يتخلى عن مسؤولياته ولا يهنيه بحياته
29-12-1433 هـ, 03:30 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
جزاك الله خير
29-12-1433 هـ, 06:52 مساءً
 
مأجورة باذن الله
29-12-1433 هـ, 06:56 مساءً
 
طيب اللي مهجورة
كيف الطريقة لازم تثبت انها مهجورة

وما يقدرون يقرضون الحريم اللي ودهم بقرض لهدف تجارة او اي شي
29-12-1433 هـ, 08:03 مساءً
 
الله يجزاك خير
01-01-1434 هـ, 03:07 صباحاً
 


الساعة الآن 06:56 .