يابنات ادخلوا شوفوا اليوم وش صار لى انا وعيالى

سلام عليكم بنات شوفوا انا مع حق والا تهورت انا كان عندى بس اسيفر المجد ليه ثمان سنوات وهالسنه زارونا اخوانى ومعهم اولاد الله يصلحهم وخربوا بطاقته وخرب وندور مثله مالقينا حتى بالرياض يقولون انتهى المجد فيه غيره المهم راح زوجى وجاب اسيفر عادى وسكره بمساعدة اولدى الصغيره عمره 17 وخلوا سمسم وبعض القنوات الزينه المهم مره البنات قالن لى تراء طيور الجنه الان تقدرين تدخلينها بدون ايقاع وفتحناها بس لاحظت بنتى ام الخمس سنوات تقلى مهبوله بس تترقص وتعاند وصراحه بطت كبدى وكل يوم اقول بشيلها لانى صراحه متضايقه ماودى نغفل بس طوال الوقت اناشيد واحسه مايصلح اقول ههه وش اللى ماقلته :icon19: واليوم جاء اولدى اللى يعرف الرمز قال الاخته ليش تفتحين هالقناه هذي بلوى ثانيه قناه اسمها محبوبه قالت كيفى جاء وهاوشها قلتله اصلا كله فساد بكت البنت وجاء اخوه اللى اكبر منه ابو عشرين وتهاوشوا والله انهم مبطين عن هالمشاكل وانا بس تجمدت واهاوشهم واقول تعوذو من الشيطان وعجزت عنهم بس يتظاربون بالايادى واجي بينهم وعجزت عنهم وكسروا الريموتبينهم وطلع الكبير بيجيب عصى يظرب الصغيروالحمد لله ركض الصغير وسكر الباب وانا اهاوش الصغير عاد عنيد واحسه اقوى من الكبير وجاء الكبير يطق الباب وانا وراه واقول تعوذ من الشيطان وخليته لين هدى وطش العصى واحمد ربي ودخل والصغير طلع من الباب الثانى واتهت واقوم واخذ الاسيفر واحطه تحت البزبوز حق الماء واربط عليه كيسه وارميه بالزباله قلت كل هالمشاكل بسببه وجاء الصغير يبيه لانى احيانا القاه باليل ساهر على افلام واعجز عنه يقول الذنب عليه وانا يتقطع قلبي عليه لانى سمحت لبوه يجيبه وهالحين وش اسوى وش اجيب لهم الله يعين بغوا اعياللى يتذابحون على شان هالعله ياربي لك الحمد اللى ربي ستر عاد ابوهم مسافر واصلا لوهو فيه هو عادى ماهو من الابوان الحار بس يدعى لهم بس وهذي قصتى وش رايكن وش اسوي