Analysis Services
همسات انثى

ربي يباركك ويجزاك بالخير ويكفيك بحلاله عن حرامه ويغنيك بفضله عمن سواه

رائعه انتي
فرغم انشغالك احببتي ان تفيدي اخواتك وترفعين هممهم
اساله ان يكافئك بخير ماعنده
ورائعه انتي اذ تسعين للكسب الحلال
واحترمتي رغبة اسرتك المحافظه والتي تهمها مصلحتك قبل كل شئ
خصوصا في ظل مانسمع من قصص يندى لها الجبين

غاليتي
سأذكر تجربتي واعلق على بعض ماذكرتي في تجاربك

محسوبتك عاشقة خياطه وكروشيه منذ سن السابعه
فقد تعلمتها بالمراقبه من والدتي حفظها الله
التي كانت ماهره ومتميزه فيها ووصل شغلها لبلدان ماوصلتها هي
ابدعت في التطريز بمكينة الزقزاق القديمه اعتقد لم تعد موجوده
ماكينتها الان عمرها خمسه وثلاثون عام ولازالت في حاله ممتازه

توقفت عن الخياطه منذ اكثر من عشرين عام
طبعا تزوجت انا وبعد زواجي بفتره مارست الخياطه واستمريت عليها حوالي خمسة عشر عاما مع شغل الكروشيه
للاسف تركتها لان ابتليت بانواع من التعب اعتقد انها كانت سببا فيها

كنت اريد فتح مشغل باسمي فدخلت دورة خياطه لاجل الشهاده
فكنت اقف مع المعلمه واعلم الطالبات
انا لست ممن يخيط بالباترون كنت اقص واقيس على المقاس
واعمل موديلات بنوتات رائعه واتقنت الفساتين الاوروبيه اللي بجابون
كذلك كنت متميزه في التصميم وانتقاء الموديل المناسب للجسم والشخصيه
كما ذكرتي يالغاليه
التعامل مع الناس صعب ويستخسرون فيك تعبك
ولربما هذا ايضا كان من اسباب توقفي عن الخياطه
ولربما جعلوني في بعض الاحيان اشعر اني اشحتهم واتسول بينما هو حقي واجرة تعبي

الصعوبه لديك ستكون حتى يحصل لك الانتشار وبعدها شغلك يفرض نفسه ويفرض السعر اللي تبغينه

للأسف الان اخيط عند الخياطين
طبعا المشاغل النسائيه لايمكن الاقتراب منها واسعارها تحدي
يضايقني اني اتعامل مع رجل ومظطره لان يقيس على مقاس على العكس ممالو كانت امراه وتقيس على الجسم وتفهم اش ابغى

خاصة ان الفساتين اللي نطلبها غالبا ساده تعتمد فقط على القياس الدقيق يافرنسي شقر ياشوال مكسم
لكن لانها لاجسام ساعه رمليه فالخبخبه والشغل الغير مضبوط يعدم كل الفستان
احيانا فيه ذيل أو سمكه او قصة كم متميزه او حركه بسيطه جدا
طبعا جسم الساعه الرمليه مايمشي معه الباترون ابدا
بالنسبه للسحابات والخيوط والمشابك والاسفنج والمقوى وكل مستلزمات الخياطه اطلعي البلد والا الهنداويه مره وحده وشيلي من كل حاجه بالدرزن مادام عندك شغل وزباين
اسعارها تطلع رخيصه جدا قياسا للي بالحبه ومن محلات ثانيه كما يتم توفير الوقت والمشاوير بدلا من كل مره ترسلين لغرض

لانه طبيعي يكون حساب المشوار والروحه والجيه في تصليح السحاب كبير عالزبونه

بعدين تدرين ان الخياطين ربحانين من سالفة التضييق والتقصير وتغير السحابات والمقاسات اكثر من تفصيل الجديد لان الناس توجهوا للجاهز ووين ووين يخيطون الا عاد فئات عمريه معينه
ومراييل المدارس
03-07-1434 هـ, 06:12 مساءً
 
موفقه
04-07-1434 هـ, 11:40 صباحاً
 
بالتوفييييييق يالغلااااا
05-07-1434 هـ, 06:21 مساءً
 
ممممموفقه
06-07-1434 هـ, 02:06 صباحاً
 
سبحان الله الناس تدور الفخامه لوكان الشي نفسه سخيف يعني اعطيك مثال فيه ناس تحب الكشخه وبس يعني لما تلاقي محل يسويلك نفس الموديل بسعر رخيص ماتقتنع يطلعون عذاريب ويروحون لمحلات افخم ويسوون نفس الموديل بس بسعر اغلى على طول يوافقون لان بنظرهم انهم ناس كشخه وماهمهم الفلوس .. انا انصحك خليك على اسعارك وماتنزلين منها مهما يكون ثصدقيني ببرجعون لك وانا اموت في الخياطه ياليت تساعديني انمي هاالموهبه عندي واخليها باب رزق لي جد اتمنى انك تنصحيني وتشورين علي وش اسوي
والله يرزقك ويرزقني ويرزق كل وحده تتعب وتسعى لطلب الرزق
07-07-1434 هـ, 03:05 صباحاً
 


الساعة الآن 09:27 .