الله يسلمكم كلكم ذووق
هاد الطبق عبارة عن :
ربيان ينظف و ينقع في عصير الجريب فروت والزنجبيل والثوم الفرش والفلفل الاسمر و الملح لليوم الثاني
يشخل و يعاد نقعه مرة اخرى في نفس الخليط اذا اردتي نكهة اقوى
ثم يقلب على النار مع القليل من الزيت ثم يضاف له عصير 1 جريب فروت او برتقالة
زنجبيل وبابريكا حسب الطللب ملح ثوم فرش مدقوق حليب جوز الهند حسب الرغبة يترك على النار حتى
يبدأ قوامه يتكاثف عندها يضاف له القليل من الصويا صوص وقطعة صغيرة من الزبدة تؤخذ برأس السكين يقلب لدقيقتين
ثم ينقل لوعاء زجاجي او اذا استخدمتي مقلاة تيفال ابقيها في المقلاة
احضري قطعة فحم و اشعليها وضعيها في صحن صغير به بعض الزيت و ضعيه فوق الربيان والصوص وغطيه ( دخنيه) ممكن تستخدمي صلصة باربيكيو ازا ما عندك فحم
بهالوقت بتكوني سلقتي رز مصري او امريكي على النار مع فنجان سكر و رشة ملح و معلقتين كبار خل
صفي الارز وحمصي سمسم او بدون تحميص بنفع المهم يكون مطحون حركيه مع الارز و رشة فلفل اسمر
* انا بدخن الرز بحسه اطيب

حضري كوسا وجزر سوتيه وممكن بروكلي كمان وحمصي القليل من اللوز او الصنوبر و جهزي كمية قليلة من الشبت المقطع للتزيين

افردي نايلون على سطح الطاولة و استخدمي معلقة لازم تبلليها بالماي قبل كل غرفة
بالمعلقة خدي مقدار معين من الارز و حطيه بنص قطع النايلون هلا خدي اطراف القطعة فبتضب
الرز على بعض بصير تقريبا كروي بدها شوية تعديل بايديكي وصفيها بالطبق على مسافات متباعدة شوي

وزعي الربيان والصوص بين الكرات
وزعي الخضار السوتيه على اطراف الطبق
زيني الكرات بالصنوبر و شرايح صغيرة من الجزر مقطعة طوليا و الشبت

هالطبق لازم يكون ساخن عند التقديم مشان هيك بقترح انه الشبت ما ينضاف للطبق الا اخر شي
يعني لما يكون عندي عزيمة و عاملة سفرة بحرية ب جهزه و بلفه ووقت التقديم بسخنه بالميكرويف
واخر شي الشبت على كرات الارز

الطبق الجانبي الانسب لاله :
سلطة مكونة من :
حبة بندورة مقطعة ناعم + شبت + بقدونس + مخلل اي نوع + عصير ليمونة وزيت زيتون ورشة ملح

العصير الانسب معه :
عصير جريب فروت او عصير التفاح

وصحتين وعافية يا اخواتي العزيزات
جربوه وادعولي
04-01-1434 هـ, 05:47 صباحاً
 
تسلم الايادي
04-01-1434 هـ, 06:11 صباحاً
 
تسلم يدك ويعطيك العافيه
04-01-1434 هـ, 06:39 صباحاً
 


الساعة الآن 09:13 .