انزين اختي ممكن تخبريني بالتوقيت بالظبط او رقم الايداع في الوصلة
اقتباس مشاركة  (*الجوهرة*)
ماشاء الله عليها سر حواء اسرع بنت ترسل لي الفلوس
توها ماخذه التفاصيل و على طول طرشت
برافو عليج اختي لو كل وحدة مثلج جان من زمان شحنا الكتب و الحين واصلة عندنا
تسلمين الغالية .. ياريت الكل يقدر التعب والضغط اللي تمرين فيه ..
الوالدة حوشتني من البيت تبغي تلحق على الكتاب قبل رمضان ..
ها هاه هااهااااهاا



امزح معاج ..
الله يعطيج الصحة العافية ويوفقج يارب وماعليج من *البعض* .. اللي مب يايزله
لايطلب .. أما صراحة ناس ماتستحي ولاتخيل ..
اقتباس مشاركة  (*الجوهرة*)
الى كل بنت مستكثرة علي الكتاب المجاني على الخاص و تعرف عمرها زين
يا بنات .. بوضح لكم شغل المندوبة اللي ما تعرف و ما عندها خبرة
1- تجمع الطلبات
2- تراكض بالرسايل ورا كل بنت
3- تفقد اعصابها مع بعض الحركات البايخة من البنات
4- تطرش التفاصيل لكل وحدة و مب شرط كل هالبنات جادات يعني 50% لعب في لعب
5-تتابع الموضوع مع البنات
6- تتابع الموضوع مع صاحبة البضاعة
7-تجمع الحوالات من كل مكان من الصرافة او من البنك او من الارامكس او حتى باليد
8-تسير الصرافة و تحول الفلوس للخارج
9- لازم تحط في بالها ان الفلوس كاملة و مش ناقصة فلس
10- تيلس تفكر و تحاتي و تتريا صاحبة البضاعة تخبرها ان الفلوس وصلت
11- تستلم الطرد من البريد
12- تاخذ عناوين البنات و تسجلهم و لازم ما تخربط برقم واحد و الا خربت كل شي
13- توزع البضاعة و تحطها في اكياس و تسجل اسم و عنوان و رقم كل وحدة في فاتورة الارامكس
14- تسير الارامكس و تسلمهم الاغراض
15- و تتريا صاحبة الاغراض تبلغها بوصول اغراضها بسلامة
16- و مرات اذا ما وصلت الاغراض بسلامة بسبة الارامكس تطالبها بفلوسها و مسكينة المندوبة تظطر ترجعلها الفلوس
17- شو تبون اكثر عن جيييييييييييه


بينما اللي بتشتري الاغراض

تدفع الفلوس للمندوبة باي طريقة و تيلس تتريا الارامكس يوصلها الاغراض لين باب بيتها

و بعد مستخسرين كتاب مجاني للمنـــــــــــ ــــــــدوبة
طبعا ما اعمم
بس البنات اللي يراسلوني على الخاص و يتبعون هالاسلوب
انا ما اغصب اي وحدة تطلب جماعي معانا
بامكانها تطلب بروحها و تشوف كم يكلفها فوق التعب اللي تتعبه

فقـــــــــــــ ـــــط للتوضيح

صح لسانج يالغالية كفيتي ووفيتي.. وماعليج من حد مهما كان ... الكتاب إن كان واحد أو عشرة حلال عليج ..وأنتي ماقصرتي حبيتي توفرينه لنا بسعر يناسب الكل يعطيج العافية ياغالية...



تحياتي:
غيـــــــــــــ ــوض

الله أكبر..الله أكبر..لا إله إلا الله..والله أكبر..الله أكبر..ولله الحمد
الله أكبر ..الله أكبر..لا إله إلا الله..والله أكبر..الله أكبر..ولله الحمد
الله أكبر..الله أكبر..لا إله إلا الله..والله أكبر..الله أكبر..ولله الحمد


يا سلام خلاص بنسكر الطلبية.. الحمد لله انا اول وحدة بياناتي عند الغالية جوجو ... يللا يا بنات ترا الكتاب ما يتفوت بسرعة لا تخلونه يروح عليكم....




تحياتي:
غيـــــــــــــ ــوض

الله أكبر..الله أكبر..لا إله إلا الله..والله أكبر..الله أكبر..ولله الحمد
الله أكبر ..الله أكبر..لا إله إلا الله..والله أكبر..الله أكبر..ولله الحمد
الله أكبر..الله أكبر..لا إله إلا الله..والله أكبر..الله أكبر..ولله الحمد




الساعة الآن 12:08 .