كلنا حبيبتي اول ماتزوجنا ماكنا نعرف شئ بالمطبخ

بس مع الإرادة والبحث عن الطرق تعلمنا

انتي توكلي على ربك وجيبي

كتب طبخ وتعودي منها

وعودي نفسك على الشغل شوي شوي ولاتمهلين اشغالك

حتى ماتكون مكركبة وماتقدرين تسوينها وتتعبين

صدقيني هي تبغى منك تجزمين وتبدين

وانتي تشتغلين استغفري كثير

والله يعينك وتكونين افضل

طباخة وتسعدين زوجك

راح اعطيك بعض الافكار البسيطة يمكن تفيدك شوي

مثلا للفطور اسلقي بيض مثل ماوضحت احدى الاخوات

وسوي منها ساندوتشات بالتوست شيلي حوايفها اول

وحطي شريحة جبن وخس والبيض حلقات

وقدميها مع عصير ولا كوب شاهي

او سوي ساندوتشات كودو

جيبي مرتديلا مدخن وصامولي كبير من منتجات باندور

وحطي شرايح مارتديلا وخس وطماط وخيار

ولو بغيتي اي شئ انا بالخدمة اعلمك
.
.
.

انصحك بكتاب نخبة الاطباق ميزه الكتاب السهوله فتوصيل المعلومه يعني يضبط مع اي احد لو مايعرف

ثاني شي القراءه اساس الثقافة ادخلي النت واقري المواضيع المنوعة عن المطبخ مو بس وصفات لا اقري عن كل شي
انت شوفي الوصفات بالصور وان شاء الله تتعلمين طيب انت وش ودك تطبخين عطينا اكلة نشرح لك اياها
اهلين ياقمر


اتعلمي شوي شوي
والانترنت ماقصر فيه كل شي
اعرفي اول شي لمطبخك رتبي مواعينك والحوسه رتبي اول باول ونظفي عشان لاتتراكم

ثاني شي نجي للارز ونقول مثلا حاتسوي كبسة دجاج
تكون بالدجاجه بالفريزر طلعيها قبل بوقت عشان يذوب الثلج انا اطلعها 9 صباح
وياجت 12 الظهر بديت طبخ
اكشن بصل بشوي زيت لين يتحمررر ثم اضيف طماطخ مقطعه صغار واضيف حبة ماجي وبهاراتي واحط الملح
واخليه تتسبك ثم اضيف صلصه طماطم واضيف المويه نص القدر تقريبا واضيف الدجاجه طبعا الدجاجه تكون مقسومه بالنص ومنظفه
لو كنتو نفرين بس سوي نص دجاجه
المهم خليه تغلي ثم قصري النار وغطيه وخليه ساعه الا ربع اذا هي دجاجه كامله

بعدين شيلي الدجاج والبصل والطماط ماحبه مع الرز خخخخ
المهم وتكونين قبل ناقعه الارز طبعا انا احط كوبين ونص الى 3
انتي شوفي حسب لو شخصين كوب ونص يكفي
وخليه يغلي ثم قصري النار على اصغر شي وخليه
حمري الدجاجه بالفرن

وقدميه مع ايدام او سلطه
طبعا لوتبغين رز ابيض استبعدي الطماطم والصلصه




نجي للمكرونه
هنا وصفه جمممممممميله
http://www.flickr.com/photos/60267910@N04/6278521351/

+

اقتباس مشاركة
مكرونه بالجبن والطماطم ل_ حلم

- نسلق مكرونه ربع باكيت
-نحمس بشوي زبده وزيت , بصل مقطع صغار مره + فص ثوم مفروم + شوي ملح + شوي بهارات مشكله + دجاج او رُبيان او بدون
- بالخلاط ,حبتين جبن كيري +ربع علبه معجون طماطم عشان يصير بينك +ربع كاس ماء +نص حبة ماجي
- ونضيفهم ع البصل لما يتسبك شوي + المكرونه
واخر شي نضيف عليهم كريمة خفق
طبعاً للامانه ماكان متوفر عندي كريمه خفق فاخذت ملعقتين مايونيز + ملعقه جبن + علبة حليب سائل + نص علبه قشطه وخلطهم مع بعض وصبيتهم
ونرش معها شوي شيدر مبشور وبس ^^
انا لاني احب الفلفل الحار حطيت معه علب فلفل حار مقطع
لذيذه مره وتصلح عشاء وغداء

----


القهوه

تكونين اما انتي مسويتها او تشتريها جاهزه محموسه وخالصه

تكونين بالابريق حق القهوه تغلي موية طبعا نص الابريق
تحطين فنجال قهوه بن
وتخلينها تغلي ثم تقصري النار وتغطيها وتخليها تنطبخ 5 دقايق الى 10 دقايق

تحطي بترمس القهوه _ ملعقه صغيره هيل مطحون + شوي قرنفل مطحون + زعفران
وملعقه كافي ميت

هذي صورته حلو مع القهوه


المهم تخلص طبخ القهوه تصفيها بالترمس
وبس





يارب اكون ساعدتك ولوبالشي البسيط
اسال الله ان ينور دربك ويسهل امرك ويسخر زوجك لك



دعواتك لي في سجودك ينفرج همي ويحقق امنياتي قريب بكل خير


اللهم اسقنا فرحاً و ارزقنا من مداخل الخير
اللهم حقق امانينا و فرج هم كل مهموم فينا
اللهم إني أسألك فرجا قريبا وصبرا جميلا


الساعة الآن 12:01 .