شوفي حبيبتي اول شي بدك ترتبي مطبخك
الخزاين لازم تحطي الشغلات التقيلة تحت والخفيفة عالرفوف الاعلى
بالنسبة للبهارات فخليها بالخزانة القريبة من الغاز والكاونتر يلي مخصصتيه للطبخ وتحضير الطعام
الطناجر والغلايات انتو هلا تنين خلي طنجرتين صغار و قلاية صغيرة وقلاية وسط في خزانة الاواني القريبة من الغاز
و في متناول ايدك حتى لو خزانة علوية و الاشيا الي بتستخدميها بالطبخ بشكل متكرر من مصفايات و اوعية .. الخ كله في متناول يدك
الطناجر والشغلات الكبيرة او الي استخدامها قليل خليها في الخزاين البعيدة او السفلية
المعالق و الشوك و المغارف ... الك انتي واياه جيبي مغارف صغيرة و للعزايم جيبي شغلات كبيرة وحطي الشغلات الي بتستخدميها لالكم في اقرب درج بمتناول يدك بالمطبخ والباقي في الادراج البعيدة واستفيدي من قطع البلاستيك لتنظيم ادوات المطبخ مشان تفصلي المعالق بقسم الشوك بقسم المعالق الصغيرة بقسم السكاكين ... الخ وانا درج الاشيا الي بستخدمها كتير حاطة فيه المبرشة و الغلايات الصغيرة تبع القهوة كمان لانه في مجال لالهم

الاطباق و الجلاسات و الجاطات رتبيهم مجموعات حسب الاحجام و الاكثر استخداما خليه قريب من متناول يدك

لا تحطي جرايد ولا شي تحتهم لما تجلي خليهم عمشك الجلي لينشفوا او على فوطة مطبخ لا ترفعي شي مبلول بتخففي على حالك تنضيف خزاين

البهارات طبعا في مرتبانات و في حافظات الطعام المستطيلة فيكي تحطي فيها المرتبانات او الاكياس والباكيتات وفوق بعضهم بس لازم الي بتستخدميه يكون اقرب شي لايدك

المطبخ بدو اعادة ترتيب اغراضه وكتكتة ومسح بالفوط مرة بالاسبوع بس الغاز والكاونتر بشكل يومي والمجلى طبعا

تعزيلة مرة بالشهر تلييف حيطان وغيره وفيكي تجيبي شغالة تساعدك مرة بالشهر ما بتكلفك شي انا بعمل لحالي بس عالحمل اضطريت عالشغالة

التلاجة رتبيها حسب ما بريحك بس الخضار والفاكهة لحال الالبان كلشي بقسم هاي ما بدها شي سهلة

اهم شي ما تتركي شي يتراكم عليكي اول باول

اما الطبخ فسهلة كتير
لا تقلي شي الخضار ازا بدك تستخدميها في الاكل فيكي تحطيها بكيس و فوقها البهارات الي بدك يااها مع شوية زيت زيتون بعدين حطيها بايركس وغطيها بالفويل وبالفرن تلت ساعة وضيفيها للطبخات كيفما بدك

في طباخ بخار سهلة الاستخدام بتوفر عليكي جهد و تنضيف حتى فيكي تعملي فيها السمك والدجاج و اللحم كمان

الدجاج ازا مفرز طلعيه قبل بليلة وعالرف الاول بالتلاجة او الصبح للضهر بكون بفك بالسكيم قصي الرقبة + اطراف الاجنة ( الجزء الي شكله مزعج ) + احنا بنحكيلها قفى الدجاجة الي شغلة مثلثة الشكل باسفل الدجاجة
ممكن تشيلي الجلد متل التقشير ابدئي بالسكين و بعدين اسحبيه سحب ووين ما يدقر معك السكين بايدك
من جوا بالسكين او بايدك كلشي اعضاء داخلية تخلصي منه
اغسليها بالماي والملح و بعدين عالنار المغلية مع بصلة + نص ليمونة و خل اي نوع
ازا بدك ياها مبهرة ضيفي بهارات الطبخة يلي بدك ياها

فوتي بالنت ودوري اليوتوب وصفات الطعام السهلة و شوفي رح تستفيدي كتير
اللحم خليه هو يجيبه مفروم او مقطع وخلي دايما عندك ستيك كل الي عليكي انك تغسليه بالماي بعد ما يفك
المفروم حطي عالنار بصير يصفي ميته و هاي المية لما يتغير لون اغلب اللحم الي في القلاية كبيها بعدين ضيفي شوية زيت زيتون و قلبيها شوية عالنار مع بهاراتك و عصرة ليمون

القطع اغسليها بالماء و عالنار في مي مغلية مع بصلة وليمونة و اي بهار بدك ياه

انا بساوي الستيك هيك نص ساعة بتكون عندك وجبة سريعة و انيقة بس لازم النقع نص ساعة قبل الطهو وخلال النقع انتي جهزي البطاطا او الخضار سوتيه ( يعني الخضار بتقلبيها عالنار بشوية زيت زيتون لتتبدل وغطيها لتنضج ببخارها ) او فيكي تسلقيها وتقلبيها بشوية زيت او بطباخة البخار مع اي نوع سلطة انتي بتعرفيه
http://forum.hawaaworld.com/showthread.php?t=3826293

الفطور :
مرتديلا شرايح صفيها بطبق وجبنة حلوم قطعيها شرايح صحن زيتون وشرحي خيار وبندورة ممكن تسلقي بيض ( حطي البيض بماي مغلية ربع ساعة وبالشتا تلت ساعة )
كاسة شاي : اغلي الماي و ضيفيلها باكيت شاي و حليه ازا زوجك بحب المحلى

تفنني بتقديم البسيط فوتي بالنت اتيكيت المائدة واتيكيت تقديم الطعام
وصفات سريعة وبسيطة
حلويات سهلة وسريعة

كلشي سهل بس بدك
تبذلي مجهود ووالله يوفقك حبيبتي
آستعيني بالله وحاولي تتعلمين من الي حواليك من أمك واخواتك والنت ماقصر كفايه تتصفحين المنتدا كل شئ موجود بس ابعدي عن الكسل وتوكلي على ربنا
الله يوفقك


الساعة الآن 08:50 .