Analysis Services
استفدت من طرق البنات يعطيهم العافية وانا طريقتي اخذتها من عالم حواء واعتمدتها
اخذ نفس مقدار دلة القهوة موية واغليها عالنار مع فنجال ونص قهوة لمدة ربع ساعة على نار هادية
واحط في الدلة 3 ملاعق هيل وقليل من الكوفي ميت .. وبالعاااااااافية
11-01-1434 هـ, 06:57 صباحاً
 
[quote=غرشة توت;78978334]سناءياحوبي شوفي هذي طريقة قهوة وتبي تدعين لي ان شاءالله اذاجربتيها اولالوكنتي بالرياض روحي لمحامص مضمونة ونظييييفه عندك ابن منقاش وعندك محامص الرشيد اختاري بن هرري وخلي حمستها وسط تميل للغامق وخليه هو يحمسها ويطحنها لان يمكن تشترينها وماتضبط الحمسة وتصير قد الخسارة وتشترين ياحلوة من محلات المواعين ابريق قهوة وسط تراه يجي معدن ومساكة اسود وفيه خلطة للقهوةخرااافيه اسمها خلطة القهوة الممتازة تبع محلات هضيم للتمور وتشترين هيل وتطحنينه وتشترين كفي ميت وبعدين تحطين مويه بالبريق ثلاث ارباعه تقريبا وتغلينه وتحطين نص فنجال قهوة وخليها تطبخ عشر دقايق الى ربع  ساعه وتجيبين ترمس وتحطين فيه م ص خلطة وم ص هيل وم ص كفي ميت  ووبعدين صبي القهوه ياهو طعم يقعد الرااااس وبالنسبة لي الزنجبيل والقرنفل ابد مايروق لي طعمه مع القهوة طولت بس حبيت اوضح قدر الامكان [اشكرك حبيبتي شكرا جزيلاطريقتك حلوه
11-01-1434 هـ, 11:08 صباحاً
 
اهلين قلبي


حبيت انبهك لشغلات مهمة


اولا اهل القصيم ابداااا مايحطو مع القهوة زنجبيل امسحية من قاموسك الاغلب اهل الجنوب الي يحطو فيه زنجبيل وهي تغير بنكهته..


ثانيا فيه منهم يحط كوفي ميت والاغلب مابيحط ولاحليب كمان مابيحطو فيها......




ثالثانتبهي الهيل ماتطحني كل الكمية يلي عندك بتخرب اطحني قد ثلاث مرات يعني اطحني ملعقتين كبار ووزعيها على ثلاث ايام لانه بس ينطحن الهيل وتبقى لايام طويلة تروح نكهتها...


رابعا الزعفران دوري الاصلي منه وللاسف الان اغلبة مغشوش


وطريقته جدا سهلة



نص لتر ماء تحطي معه ملعقتين كبار مليانات من القهوة وتخليه يغلي اول مابيغلي وطي النار وخليه خمس دقايق لازدتي بيكلع مرارة من،تجربتي



وتجيبي الترمس يلي بتحطي فيه القهوة وتظيفيلة ملعقة صغيرة مليانة هيل مطحون وزعفران فقط واذا ماعندك زعفران حطي سبع حبات قرنفل يعني ماتجمعي الهيل والقرنفل لا وحدة منهم تكفي واتركيها بالترمس عشر دقايق قبل ماتصبيها حتى تتنكه.
11-01-1434 هـ, 02:30 مساءً
 
معليش على الخطاء.اذا ماعندك هيل حطي قرنفل ماقدرت اعدل على نفس مشاركتي الاولى لاني داخلة من موبايل
11-01-1434 هـ, 02:33 مساءً
 
الله ياقلبي موضوعك مهم يعطيك العافيه استفدت من البنات في اعداد القهوة مع اني ماشربها بس عرفت طريقتها كويس منكم ياعسولااااااات
11-01-1434 هـ, 02:35 مساءً
 


الساعة الآن 08:33 .