اهلين اختي روح المسك....إن شاء الله اذا عيبني و اشتريته بخبرج....وبصراحه شجعتني ....برغم من اني والله البارحه كنت سايره باريس غاليري....وشفت عندهم دهن عود في قراش يابينه البياع و يروحه حرمه....بس ما يا في بالي اساله عنه....كنت سايره عشان اشتري عطر مسوين له موضوع كامل بنات المنتدى...و مشكوره الغاليه على ردج....

سوري رجعت مره ثانيه بنصيحه يديده

يوم بتسيرين تشترين دهن العود لا تشمين وتشترين اللي يعيبج نفس الوقت

لا اطلبي من البايع انه يحط لج شويه على قطنه واربطي القطنه في طرف شيلتج

واليوم الثاني افتحي الربطه وشمي القطنه

جذيه يسوون العيايز عندنا

وعلى فكره في الامارات عندنا ما يشترون دهن عود الا من عند اجمل لانه الافضل

اتمنى تكون مشاركتي مفيده
اقتباس مشاركة  (محشي كوسا)
بصراحة أنا أستعمل دهن العود الشيوخي اللي من عند اجمل ( بس سعره غالي شويه ) وإتصدقون إني يوم أحط منه لو أتسبح ما تخوز ريحته وأشتريه من الهند ... لأن اللي هني مب هذاك الزود حلو .. ودهن العود كل ما تخلينه يتعتق تكون ريحته ثابته وقويه أكثر ويستوي غليظ ولونه غامج.. وفي عندج السيوفي بعد ما عليه كلام ..
أهلين اختي محشي كوسا ....اسمج حلو لاني احب محشي الكوسا....ومشكوره على ردج و نصيحتك....انتي قصدج انك تشترينه من اجمل اللي في الهند....ترى انا جذيه قالو لي الاصلي هو اللي في الهند....بس عاد انا ما اقدر اوصلها الهند الحين هههههه....و نور الموضوع بمرورك

هلا الغاليه
بالنسبه للدهن العود
اجود دهن العود ..دهن العود السيوفي او القديم وهذا من الهند مش اللي هنيه متروس من الايل؟؟

واذا بغيتي منه عندي مندوب في الهند ممكن اوصيه اييب لج ..لان اغلب المخلطات اللي انسويها ناخذ العطوات من الهند فاذا حابه فالج طيب
اهلين اختي حراير دبي ....هلا و غلا والله.....شو هالرد الحلو....صراااحه وفيتي و كفيتي...بصراحه كلامج افداني وايد.....مشكوره و جزاكي الله كل خير....بالنسبه لمرود البلاستيك صدقج اختي ايخرب العطر...انا على طول اقصه.....و اللي اخس عنه مضرب العطر المعدني يخرب وااايد.....مشكوره مره ثانيه و نور الموضوع بردك....
اختك ثلج....



الساعة الآن 08:08 .