بنات يمكن هذي ثاني مشاركة لي او الثالثة  الزبدة ابي فزعتكم ومالكم الادعوة من ظهر الغيب. والله يوفق كل وحدة ترد علي وتفيدني  ابي طريقة الحنيني النثري مابي ملتبد وشكرا يا اخوات وبإنتظار ردودكم بفارغ الصبر   الله الله يالسنعات.   
17-01-1434 هـ, 12:25 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
معقولة ولا وحده ردت
19-01-1434 هـ, 01:39 مساءً
 
اللي كنه معصوب هاذي طريقته جيبي حله وحطي طحين بر ومويه وشوي بزار واخلطيها بالشبك ثم سويها وي المراصيع خليها لييييييييييييين تشد والافضل للنثري تكون مستويه ع الاخر يعني بالنظر اذا صارت قاسيه اطرافها شيليها ثم حطي كذا قطعه في محظرة الطعام مع سمن او زبده مطبوخه وشوي تمر لين شايله النوى حقه اكيد طبعا وبس واذا سويتي الكميه كلها حطيها عالنار شوي لين تدفى تحت حديده طبعا او في المكرويف تصدقين عاد انا الليوم اهوجس اسويها بس البرد ماخلاني اقوم ابدا ابدا
19-01-1434 هـ, 06:44 مساءً
 
الله يجزاك خير دعيت لك من قلبي
طريقتك هذي عريكه صح
19-01-1434 هـ, 07:26 مساءً
 
طريقتي في الحنيني النثري اجييب خبزة بر واقطعها اربع قطع وغطها في حليب سائل سريعا وكل ربع خبزه تقريبا معها ثلاث حبات تمر اي نوع وحطها في خلاط ست البيت طبعا تقطين الخبز اكثر علشان ينطحن واذا بغيتيه احلى زيدي في التمر واذا اقل زيدي شوي في الخبز بعدين حطيه على النار وحركيه بعدين كصربي النار وصبي عليه زبده سايحه يعني اذا كان الحنيني قد الحافظه الصغيره خليه اصبع زبده ويجلس على النار الى ثلث ساعه وماله داعي التطويل لا ن الخبز اصلا مطبوخ مسبقا وراح يكون نثري اهم نقطه لاتطولين بتغميس الخبز بالحليب وفيه بعض الناس يحطون بدل الخبز مصابيب وانا جربت كل الطرق الاولى اسرع والطعم واحد
19-01-1434 هـ, 07:32 مساءً
 


الساعة الآن 08:56 .