بنات الحوووني وسااعدوني الله يساعدكم دنيا واخرة بتطلق

السلام عليكم ورحمة الله وبركاتة

انا في هم مايعلم فية الا الله امس حصلت بيني وبين زوجي مشاكل
وكلام جارح هو يرسل وانا ارسل بالوتساب وانا في لحظة غضب قلت كلام قوووووي له مو سهل
وماكنت مستوعبة وش قاعدة اكتب وارسلت جاء عندي وقال خلاص اللي بيننا انتهي

((طبعاً احنا نحب بعض وتزوجنا عن حب وعندنا ولد وحامل ))

انا انصدمت وقمت لحقتة الغرفة وجلست اتأسف واقول ماكنت اقصد لاكن هو كان موقفة قوووووووووي

وقالي ماعد ابيك وراح اطلقك يابنت الناس ماعاد ابيك مستحيل اللي صار يتصلح ,,,
يابنااات وربي اني نادمة اشد الندم وبكيت عندة وحبيت رجولة وتأسفت لاكن مافية فايدة

مصر على موقفة يابنات انا عارفة اني غلطت لاكن تنحل الامور بس هو مايبي يعطيني فرصة وجلسنا على هالحال ساعتين او ثلاث وانا أتأسف وهو مصر على موقفة ...
يابنات وربي لو طلقني يمكن انجن او يصير فيني شي احبة ولا اتخيل نفسي مع غيرة ابداً
واولادي وبيتي وحياتي ماني متخيلة تنهدم بلحظة ........ياربي رحمتك وربي دمعتي ماجفت من امس
واليوم صحينا نفس الشي جالسة اتأسف وهو مصر بعدين قلت طيب نفترق فترة شهر اروح عند اهلي عشان ننسي
قال روحي ولا عاد اشوفك وجلست أتأسف وربي حالتي تصعب ع الكافر وقلتلة ربي يسامح ويغفر لاكن مااااااافية فايدة

بعدين قلتلة مرة ثانية اروح عند اهلي ونشتاق وننسي قال خلاص يصير خير روحي ويمكن الموية ترجع لمجاريها
بس انا خايفة يوديني ويرسل ورقتي حاسة انه قال هالكلام تسكيتة لي لاني جالسة ابكي بشكل وشكلة رحمني عشاني حامل يقول لا عاد تبكين وش اسوي دلوني يابنات زوجي مصمم على موقفة ماابي اتطلق في بيت اهلي غير مطلقة وش اسوي بحياتي ياربي استغفر واتوب اليك ..............