الستيك اللي بكتبه لكم صج صج روعه

أنا معتمده هالطريقه من زمان و مهما كان عرض شريحة الستيك تصير طريه بهالطريقه .. حتى ما تحتاجون لتقطيع الستيك لسكين لانها تتنتف بالشوكه .

و صدقوني عمري ما سويته بمكان الا وطلبوا الطريقه مني . يعني اللي ما يضبط الستيك معاها صدقوني خل تجرب طريقتي و بتدعي لي ان شاء الله

و للأمانه .. الطريقه أخذتها من كتيب طابعته وحده كويتية أسمها أم مشاري العبيد . و للأسف ما ينباع بالسوق اعتقد انها باعت منه كمية لماعرفها من قبل اربع سنوات .

طولتها عليكم

نبتدي بالمقادير : ( وسامحوني على رداءة الصور لأني مالقيت كاميرتي إلا بعد ما خلصت )

- 2 ملعقة كبيرة خل + 2 ملعقة كبيرة ليمون
- كيلو لحم " تقريبا"
- 1 ملعقة صغيرة ملح
- نصف قالب زبدة
- بصلتين مقطعتين جوانح
- علبة مشروم شرائح " أنا أفضل أن أضيف بعض المشروم الطازج "
- 3 فصوص ثوم مقطعة
- ملعقة كبيرة فلفل أسود مطحون

الصلصلة :
- ربع قالب زبدة
- 2 ملعقة كبيرة طحين أبيض
- كوب ماء
- 4 ملاعق كبيرة صلصة الصويا " العادية مو الحلوة الثقيلة "
- مكعب ماجي دجاج أو خضار
- 4 ملاعق كبيرة كريما حمراء
- 2 ملعقة كبيرة زعتر الأوريغانو

الطريقة :
- يغسل اللحم . ثم تدلك قطع الستيك " و لا تنقع " بالخل و الليمون .. يعني بالتربيت بأطراف الأصابع . و تترك ساعة تقريبا حتى تصبح طرية .
- تدهن كل قطعة بالفلفل الأسود و الملح
- يوضع ربع قالب زبدة في مقلاة على النار . ثم نشوح اللحم حتى يتغير لونه فقط .


- تصف قطع اللحم في ماعون بايركس


-في نفس المقلاة و بدون غسلها نضيف القليل من الزبدة .. ثم نحمر البصل و بعدها قطع الثوم و أخيرا المشروم


نخلطهم زين زين بعدين نحطهم على اللحم اللي في البايركس


- نعمل الصلصة .. في نفس المقلاة نذيب مزيدا من الزبدة ثم نضيف الطحين و نقلب زين ثم نضيف الماء و نقلب لما تصير الصلصة ثقيلة تقريبا مثل الباشاميل


- نضيف صلصة الصويا و نخلط ثم نضيف الكريما و مكعب ماجي


- و أخيرا نضيف الاوريغانو و نخلط جيدا


- نترك الخليط على النار قليلا ثم نصبه على اللحم و خليط البصل في البايركس
و نغطي الماعون بورق القصدير و ندخله الفرن بحرارة 180 ْ تقريبا . و لمدة تتراوح من ساعتين إلى 3 ساعات
لا تستغربون الوقت .. ما راح يحترق اللحم و لا راح ينشف الخليط . و الثلاث ساعات استخدموها طبعا لقطع الستيك السمكية .
و اذا استخدمتوا مقادير الصلصلة بالضبط ترا الكمية عدله . لكن اللي تحب تخفف من سماكة و ثخن الصلصلة تزيد ماي و اللي تبي تثقلها تزيد طحين .

و هذا شكلها النهائي:


يا ريت تجربونها و تعجبكم

تسلم ايدينج ويعطيك العافيه وجت بوكتها لانى من عشاق الستيكات
حضن أمي شكرا عالرد يا الغاليه و عسى ربي يسلمج و يعافيج
يسلموووووو

طيب استيك الدجاج نفس الشيء ولا يختلف
تسلمين
وشكلهم يشهييييييي
بس هل اللحم المستخدم هنا لحم بقر ام ممكن نستخدم اي لحم؟؟؟
وانتي فاردتهم بآلة اللحم(اللي مثل الهاون)>>>>مااتعرف اتسوي استيك
قليله التواجد في المنتدى



الساعة الآن 05:23 .