تجربتي بتركيب اللولب بمستشفى الحبيب للفائده ..

صباح الخير ياحلوات ’’’ ولله الحمد رحت وركبت لولب قبل اسبوع عند دكتوره سحر السويلم يالحبيب اللي بالعليا تجننننننن يابنات عسل هالدكتوره خفيفة يد ماشاءالله عليها طبعا" انا جلست فتره قبل تركيب اللولب وانا احاول ابحث تجربة شخصيه لتركيب اللولب ومالقيت ووكنت متخوفه لاني اول مره اركبه ورحت على عماي وكنت مررره متوتره فحبيت افيد اي وحده حابه تركبه ...

طبعا" هو لازم خامس يوم بالدوره ماصدقت جتني الدوره حجزت عند الدكتوره سحر ورحت لها لما قلت لها توني مخلصه الاربعين من خمس ايام قالت روحي وتعالي بعد اربع ايام ماجب استعجل اذا توك مخلصه الاربعين يكون الرحم بعد اول دوره بعد النفاس متلخبط شوي رحت ورجعت كتبت لي الوصفه لولب هرموني وجابته الممرضه من العياده يعني دفعت عند الاستقبال سعره طبعا" بالحبيب 550 ريال برى طبعا" بيكون ارخص بعدين انسدحت على سرير بعيادة الدكتوره وكل اللي سوته جابت منظار ثبته على المهبل نفسه تحسين هنا بشد شوي ان المنطقه شاده معاك بعدين تعقم المنطقه وتحط جل عليها بعدين تدخل حديده صغيره تقيس لك فيها عنق الرحم جزء من الثانيه كانت مدة المرحله هاذي وتحسين بزي النغزه خفيفه وبعدين دخلت اللولب اللي مطلوب منك بها المرحه امسكي شي يد الممرضه اي شي حطي حيلك بشي اللي تمسكينه اظغطي عليه قوه وبس هاه اللي هي مخلصه يعني العمليه كلها كانت معاي 6 دقايق بالظبط اهم شي لاتتوترين وكلها تساهيل من رب العالمين ...


حبيت انقل تجربتي للي حابه تستفيد منها وكل اللي ابيه منكم دعوه ان الله يحفظ لي اهلي وزوجي وذريني ولايريني فيهم مكروه ولكم بالمثل ,,,