يا هبهوبتى انتى فين ؟؟؟؟؟؟؟؟؟؟؟؟؟؟؟؟؟؟؟؟؟؟؟وفين اكلاتك الحلوة ؟؟؟؟؟؟؟؟؟؟؟؟ والله وحشتينا عمالين ندور عليكى بجميع وسائل المواصلاتاستنى فية صاروخ كمان
12-08-1426 هـ, 12:14 مساءً
 
تسلم ايدك يا عسل
وجزاك الله خير على تعبك معانا احنا الغلابه

ممكن سوال انت كنت بتجيبي الكوارع منين هنا لاني جبتها من بنده طلعت كاوتش ومن المسلخ بتكون عايزه تنظيف للصبح
12-08-1426 هـ, 12:18 مساءً
 
السلام عليكم و رحمه الله و بركاته
حبيت أمسى على أحلى بنات و أمهات فى مصر و كل سنه و كلكم طيبين بمناسبه العام الدراسى الجديد و إن شاء الله يكون عام خير علينا كلنا
حضرتم السندوتشات للعيال ولا لأ؟
يا دوووووون أنا وحشه ما قولتلكيش كل سنه و انتى طيبه انتى و مش عارفه مين من البنوتات تانى كان عيد ميلادها والله أنا عرفت بس لما قريت مشاركه من واحدة من البنات و غير كدة لما قريت الملف كنت مركزة فى الأكل بصراحه فالعتب على النظر فكل سنه و أنتى طيبه و كل اللى عيد ميلادهم كان قريب و منهم أنا كمان كان عيد ميلادى من 5 أيام يالا كل سنه و كلنا طيبين
يالا سلام مؤقت و أشوفكم بكرة على خير ان شاء الله
12-08-1426 هـ, 10:27 مساءً
 
شكرا على كل حاجه يادون وعلى كرم الضيافه كمان
تسلم ايدك
13-08-1426 هـ, 04:47 صباحاً
 
صباح الخير على كل اللي موجودين واللي نايمين كمان
والله يادون وشي منك في الارض كده تكسيفيني وتقولي امتى ندخل نشوف نهى كاتبلنا اكله
اعمل ايه مانا عقبال مادخلت لقيتكوا خلصتوا كل الاكل اللي بعرف اعمله
بصوا هاكتبلكم اكله بعملها دايما على العشا وبتكون حلوه كنت قريت طريقتها من وحده في المنتدي زمان واضفت عليها بعض التعديل
(يارب ماتكونش موجوده في الاجزاء الي قبل كده لو موجوده ولا كأنكم شفتو حاجه)

الجلاش بالجبنه
المقادير
لفة جلاش (انا بفضل الزهار) انا اللفه بتعمل عندي صينيتين وسط

الحشو
2طماطم مقطعه مكعبات صغيره
2 فلفل رومي مقطع صغير
1 فلفل حامي (اختياري)
جبنه رومي مبشوره
بسطرمه أو سوسيس أو مشروم ( بالبسطرمه بتكون أحلى) مقطعه صغير
3 معالق سمنه سيحه او ممكن زيت

للتغطيه
بيضه +(ملح +فلفل) (بسيط لان الحشوه فيها جبنه رومي)
كوب لبن
جبنه موتزريللا
الطريقه
هانجيب الصينيه ونفرد الجلاش ورقه ورقه في الصينيه وبين كل ورقتين نمسح شوية سمنه
بعد مانخلص 4 ورقات جلاش او 5 بالكتير نحط الحشو كله خلي بالك احنا ماقسمناش لفة الجلاش بالنص لانه بيطلع طعمها احلى لو هيه رفيعه مش جلاشها كتير يعني فاممكن اللفه تعمل صنيتين
بعد مانحط الحشو نحط كمان 4 ورقات جلاش وبينهم برضه سمنه او زيت وبعدين نقطعها مربعات او مستطيلات زي ماهانكلها يعني
ندخلها الفرن 5 دقايق اما نلاقيها هاتنشف نسقيها بنص مقدار اللبن والبيضه وندخلها تاني وقبل ماتستوي ب 5دقايق نطلها ونحط على وشها الموتزريلا وندخلها تسيح بس
وبالهنا والشفا
13-08-1426 هـ, 09:06 صباحاً
 


الساعة الآن 11:56 .