يا صباح الخير وصباح المدارس والكليات والجلاش بالجبنة ....ايه النشاط دة يا نهى ؟؟؟عينى عليكى باردة انتى قلتى مفيش حد لسة موجود اطمتع واصنف براحتى تسلم ايديكى وعايزين كل يوم من دة خليكى حلوة

ام حبيبة دة استقبال بسيط ما انا بقولك الشيفات اللى هنا مش سايبين حاجة فى المطبخ
مسلمة كل سنة وانتى طيبة وعقبال 100 سنة وانت فى صحة وسعادة يارب
هاله انا كنت بتعامل مع جزار مصرى فى شارع الخزان كنت بطلب منه هو يجيبلى اللى انا عوزاة وكنت لما اجيب كمية من المدبح اديهاله هو يشفيها ويوضبها ويسلمهالى فى الاكياس وكان بياخد اللى فية النصيب وانتى ممكن تشتريها وتديها لحد مصرى ينضفهالك ولا وجع الدماغ





السلام عليكم و رحمة الله و بركاته

صباح الخير عليكم جميعا

ازيكم نفراية نفراية بدون تفاصيل اسماء عشان محدش يزعل

شكرا يا دون على معلومة اللومي، تسلمي يا قمر و تسلم ايديكي على كل حاجة بتقدميها لنا هنا

تسلم ايديكي يا نهى على صينية الجلاش شكلها طعم، بس تعالي هنا فهميني!!! انتي سقيتي الصينية بنص مقدار اللبن و البيض، طيب وديتي النص التاني فين؟؟؟ و الا انتي عاملة حسابك عاملة صينيتين فحتسقي كل صينية بنص؟؟>>> معلش الدقة لازمة في الامور دي عشان لما اجربها يبقى قلبي جامد

اشوفكم على خير
يا رب لك الحمد كما ينبغي لجلال وجهك و عظيم سلطانك

اللهم اغفر لي و لوالدي و للمؤمنين و المؤمنات يوم يقوم الحساب

اللهم احفظني و زوجي وولدي من كل سوء

صباح الخير على احلي دندون وعليكم كلكم

انا كنت عايزة طرق مختلفة للقرنبيط اذا امكن يا دون و شكرا يا حبيبتي تاعبينك معانا
صباح الخير يادون الناس شكلهم لسه نايمين
قبل ماحد يصحي قوليلي بسرعه كده هو الطماطم اللي بتستعمليها في الطبيخ بعد مابتضربيها في الخلاط بتصفيها ولا بتستعمليها كده؟
نودي انا عامله حساب كوباية اللبن والبيضه لصنيتين علشان ماتطلعش طريه قوي انا بحبها شويه مقرمشه لو بتحبيها طريه قوي ممكن تسقيها بالكوبيه كلها او ممكن تغطيها بعد ماتطلع من الفرن


الساعة الآن 06:54 .