القرنبيط المسلوق
قرنبيطة – ملح – كمون
الطريقة
نشيل الكاس الاخضر الكبير ونقطعة بالسكينة
اذا كانت القرنبيطة كبيرة نقطعها الى وردات
واذا كانت صغيرة ممكن نسلقها زى ما هيا
نغلى ماء على النار مضاف له الملح والكمون
ونضع فية القرنبيط لحد ما يتسلق يعنى حوالى من
ربع لنص ساعة





القرنبيط بالبيض والبقسماط

قرنبيطة مقطعة ومسلوقة
ملح وفلفل
بيض مضروب
بقسماط ناعم
سمنة للتحمير
الطريقة
نضرب البيض بالشوكة ونضع علية الملح والفلفل
نغطس وردات القرنبيط فى البيض ثم فى البقسماط
نسخن السمنة ونحمر فيها القرنبيط لحد ما لونه يبقى بنى حلو
ونشيله على الورق الماص للدهون ويقدم وبالهنا والشفاء





القرنبيط بالجبنة

قرنبيطة مسلوقة
3 معالق كبيرة جبنة رومى مبشورة
بشاميل
معلقتين زبدة
معلقة كبيرة بقسماط ناعم
الطريقة
تقطع القرنبيطة الى وردات وتسلق
نحمر القرنبيط فى الزبدة ثم نرصص وردات القرنبيط
فى صينية او طبق فرن مدهون بقطعة زبدة صغيرة
ونرتبها و نرش عليه جبنة مبشورة ونضع على الوش
البشاميل ثم نضع علية رشة بقسماط ناعم ثم نضع قطعة
صغيرة زبدة موزعة على وش الصينية وندخل الصينية
فرن متوسط الحرارة لحد ماوش الصينية يحمر
وبالهنا والشفا





طاجن القرنبيط باللحمة المفرومة
قرنبيطة مقطعة ومسلوقة
لحمة مفرومة معصجة
معلقتين سمنة
كوبايتين شوربة او ماء
الطريقة
نحمر وردات القرنبيط فى السمنة
فى نفس السمنة اللى حمرنا فيها القرنبيط
نعمل العصاج(اما سادة او بالصلصة زى ماانتى عاوزة)
احضر صينية او طبق فرن او طاجن واضع فية طبقة من العصاج
ثم ارصص فوقه طبقة من القرنبيط ثم اضع طبقة من العصاج
ثم ارصص طبقة من القرنبيط وهكزا حتى ننتهى من المقدار
نصب علية الماء او الشوربة والملح والفلفل
نغطية بورقة فويا وندخله فرن متوسط الحرارة لحد ما يستوى
وبالهنا والشفا











يا صباح القرنبيط يا دوندون

اازيكوا يا بناااااااااااااات

اية يا هبة ما تبسطينا معاكى ..

مسلمة
كيكة الاناناس ها تلاقيها فى الكتاب ..

************MoOnty**********


الساعة الآن 02:14 .