أنا النهاردة جربت كفته الفراخ و طلعت ...................... ايه رأيكم؟
15-08-1426 هـ, 06:45 مساءً
 
بعد اذن نانى ومسلمة

ماما كانت بعتالى محشى من فترة وسبته فى الفريزر ولما سويته الرز اتكسر

مش عارفة بقى ليه

لكن بالنسبة للفراخ واللحمة انا بتبلها ببصل وتوابل عادى واحطها فى اطباق أو أكياس وعلى الفريزر عدل ومش بيحصلها حاجة

وساعات بشيلها بالبيض والبقسماط بس لمدة يومين بس مش أكتر علشان بسويها لكن مش عارفة لو قعدت أكتر من كده هيجرالها حاجة ولا لأ
15-08-1426 هـ, 06:57 مساءً
 
والله يا زئردة مش عارفه بس أنا أحيانا بعمله كدة و بشيله و بيطلع حلو جدا
15-08-1426 هـ, 07:04 مساءً
 
ازيكوااااااااا
القايمه بتاعتي
تمر
كركديه و تمر هندي
شوربه طماطم
ارز ابيض
فراخ في الفرن
ملوخيه او صينيه بطاطس
سلطه خضرا و سلطه مايونيز
الحلو
بسبوسه
16-08-1426 هـ, 05:24 صباحاً
 
السلام عليكم و رحمة الله و بركاته

ازيكم كلكم يا جماعة؟

منورة يا هبة و رانيا و روني و زئردة و مسلمة و ام ابيها

يا بنات المحشي بعد ما تحشيه و تحطيه في الفريزر ميبقاش فترة طويلة لان ده اللي بيبوش حباية الرز و يكسرها. يعني مش اكتر من اسبوعين و باكلمكم عن تجربة. اما اللحوم و الفراخ فممكن بالتتبيلة تفضل فترة اطول و لكن يفضل انها برضه لا تزيد على 3 اسابيع او شهر، يعني دايما نعمل الحاجة للاستخدام خلال اسبوعين تلاتة بالكتير و متخافيش يا ام ابيها البصل مش حيتغير و لا حاجة بس اهم حاجة منسيبش الحاجة فترة طويلة يا بنات، و بس خلاص خلصت الحدوتة

رووني تسلم ايديك عالطبق الجديد يا قمر و منتظرين قايمتك

تسلم ايديكي يا سبانيش على القايمة دي انا باعشقها و بتبقى غالبا دي قايمة اول يوم عندنا عشان بابا كمان بيحبها، بس السنة دي حاضحك عليه و اشيل البطاطس احطها ادامي!!!

صباح الفل يا دندونة ياللا تعالي عشان نفرح هبة كمان و كمان و هاتي البت مووتي معاكي
16-08-1426 هـ, 09:43 صباحاً
 


الساعة الآن 12:53 .