صباح الخير يا بناتيت كلكوا واحداية واحداية
فكرتك حلوة يا نودى ونبدا
السحور2
بيض اومليت بالجبنة-بطاطس مهروسة-جبنةبيضاء بالطماطم-لبن رايب
16-08-1426 هـ, 11:51 صباحاً
 
ياااااااااااااه اخيرا عرفت ادخل تاني، المشكلة دلوقت عندي مزدوجة المنتدى من ناحية و النت عندي من ناحية تانية

المهم، صباح الفل يا مووتي يا قمر و ام ابيها و البيبي بتاعها و مسلمة بتوقيعها الجديد و سمسمة النشيطة

مسلمة، لازم تتسحري مينفعش الكلام ده خالص، و بعدين "ان في السحور بركة" و الا ايه؟؟

ممكن يا بنات، نعمل سمبوسك بالجبنة او البوريك اللي عملته رووني و نحشيه جبنة او خضار و نشيله في الفريزر يبقى سهل للقلي السريع عالسحور كتنويع مع الفول و الاجبان و البيض

و عندكم حوالي 10 طرق للفول كتبتهم لكم قبل كده فيهم تنويع جامد و عندكم كمان دون نزلت كام طريقة للفول

كمان ممكن البيض يتعمل مقلي او مسلوق او اومليت بالخضار او شكشوكة او مزغلل (بيض مسلوق و محمر في السمن و ممكن بعد ما تحمري البيضة تهرسيها الصفار بتاعها بيعمل رغاوي حلوة في السمن و طعمه بيبقى تحفة) و ممكن نضيفله جبنه شيدر او نستو و نقليه، او نقطه فيه لانشون لحم او فراخ و نقليه

حاحاول ارجع تاني بس معلش النت مغلس اوي عندي
16-08-1426 هـ, 12:11 مساءً
 
طبعا البوريك بيتخبز في الفرن مش بيتقلي بس ده سهل جدا بياخد نصف ساعة بس في الفرن يعني لو حطيتي الصينية بعد الفطار و انتي بتشطبي المطبخ و المواعين حتلاقي نفسك طافية عليها و انتي طالعة من المطبخ

و ممكن كمان نجهز عجينة بيتزا و نجهز الحشو و تبقى بس عالخروج من الفريزر و فرد الحاجة عليها و تدخل الفرن و تبقى جاهزة للسحور، بس نحشيها بحاجات خفيفة و نقلل الصلصة و التوم عشان الحموضة اللي بتصيب بعد الناس

قايمة سحور:

زبادي- طبق فول بالبيض- جبنة قريش بالطماطم- زيتون اسود- خيار حلقات- و طبعا عيش

قايمة كمان:

زبادي او لبن رايب- سبمبوسك بالجبنة- سلطة زبادي- بيض مزغلل و عيش- خيار او خس مقطع

قايمة تالتة:

زبادي- طبق فول بالسجق- جبن رومي او نستو او بيضاء- زيتون اسود - خيار او قتة

حبايبي نصيحة مهمة للسحور لازم يكون فيه اي خضروات او ورقيات زي الخيار و الخس و القتة و الجرجير لانها مفيدة جدا و يا ريت لو اللي معندوش مشاكل من العرقسوس يشرب كوب بعد السحور لانه بيسبب عدم العطش بعد كده تاني يوم و ده عن تجربة خصوصا ايام الحر طبعا لما رمضان ييجي في الصيف ان شاء الله
16-08-1426 هـ, 12:22 مساءً
 
قايمة سحور

زبادي- بيتزا بالخضار- خضروات منوعة مقطعة- بطاطس مهروسة بالليمون و الزيت و الكمون - عيش

طبعا لو نسيت اكتب عيش مرة مفهوم طبعا انه جنب اي غموس
16-08-1426 هـ, 12:33 مساءً
 
الله ينور عليكى يا نوووودى
16-08-1426 هـ, 12:34 مساءً
 


الساعة الآن 10:32 .