Analysis Services
زئردة يا حبيبتي من عيوني

دي طرق الفول:

1- الفول بالزيت و الكمون:
يضاف للفول عصير ليمون و ملح و كمون و زيت (ذرة او زيتون زي ماتحبوا).

2- الفول بالدقة:
تجهز دقة من ثوم مدقوق و ملح و كمون و كركم و ليمون و نضيفها عليه مع زيت و ممكن نضيفله طحينة.

3- الفول بالسلطة:
تقطع طماطم مكعبات صغيرة و بصل و فلفل أخضر برضه مكعبات صغيرة و نضيف لهم ملح و كمون و خل و ليمون و نضيفهم للفول و نحط زيت و طحينة حسب الرغبة.

4- الفول بالطماطم:
تقطع الطاطم مكعبات صغيرة و لما الفول يسخن نضيفها و نتركها إلى أن تذبل ثم نضيف الليمون و الملح و الكمون و الزيت.

5- الفول بالسمنة أو الزبدة:
نضيف للفول سمن أو زبدة حسب الطلب و بدل الكمون بنضع فلفل أسود و ملح.

6- الفول بالبيض:
نقلي البيض عادي و بعدين نضيف له الفول و ملح و فلفل أسود.

7- الفول بالثوم و الطماطم:
نقطع فصوص الثوم بالسكين شرائح بالعرض و نقلبها في السمن أو الزبدة حتى يصير اللون ذهبي و بعدين نضيف الطماطم المقطعة مكعبات و نضع ملح و فلفل اسود و بهارات و لما الطماطم تذبل نضيف الفول و نقلبه كويس.

8- صينية الفول بالبيض في الفرن:
نفس الخطوات السابقة ننفذها و بعدين نضع الفول الساخن في صينية الفرن و نكسر عدد البيضات اللي نحبه عليه بحيث يكون الصفار سليم و بعدين ندخله الفرن ونولعه من تحت شوية لحد ما البيض يستوي و بعدين نولع الشواية من فوق شوية لحد مالوجه يكون ذهبي.

9- البيض بالسجق:
نجيب السجق و نقطعه و نحمره في السمن و بعدين نضيف الفول و الملح و الفلفل الاسود.

10- الفول بالباذنجان:
لو باقي عندك شوية مسقعة أو باذنجان مقلي أو بابا غنوج قلبيه مع الفول و ضيفي ليمون و ملح و كمون و زيت بيبقى طعمه روعة.

اما طرق البيض فدي انا مكتبتهاش قبل كده، عاوزاني اكتب فيها ايه و انا اكتبهولك؟؟ اصلها كلها سهلة تقريبا، شوفي لو حاجة ناقصاكي قوليلي، و معلش النت عندي مقرف النهاردة فبتأخر عليكم
16-08-1426 هـ, 03:51 مساءً
 
طرق دون:

فول بالطحينة</B>
</B>

فول مدمس
طماطماية
معلقة كبيرة بقدونس مغسول ومفروم
نص معلقة صغيرة ثوم مهروس
معلقة كبيرة طحينة
معلقة خل
معلقة عصير ليمون
معلقتين كبار زيت
ملح و كمون
الطريقة</B>
سخنى الفول واهرسية بالشوكة وقطعى علية الطماطماية قطع صغيرة
ضعى فى طبق الطحينة والخل والزيت والثوم و البقدونس واخلطيهم كلهم مع بعض
وبعدين ضعيهم على الفول وتبلى بالملح والكمون

فول بالفلفل الاخضر</B>
</B>

فول مدمس
نص معلقة صغيرة ثوم مهروس
واحدة فلفل رومى
كوب عصير طماطم
ملح وفلفل وكمون
2 معلقة زيت (او ممكن لو بتحبية بالزبدة يبقى معلقة زبدة)
الطريقة</B>
ضعى الزيت او الزبدة على النار وحمرى فيه الثوم لحد ما يصفر
ضعى علية عصير الطماطم وخليها على النار لحد ما تتسبك
ثم ضعى الفول وشوية مياة صغيرين
قطعى الفلفل مكعبات صغيرة وضعية على الفول و تبلى بالملح والكمون
يغلو غلوة مع بعض
واغرفية بالهنا والشفا

فول بالزبدة والثوم</B>

فول مدمس
2 معلقة صغيرة ثوم
معلقة كبيرة زبدة
معلقة عصير ليمون
ملح وفلفل وكمون
الطريقة</B>
ضعى الزبدة على النار وحمرى فيها الثوم ثم ضعى عصير الليمون وقلبيهم
ثم ضعيهم على الفول وهو سخن وتبللى بالملح والفلفل والكمون
ويغرف وبالهنا والشفا

الفول المدمس</B>



اولا طبعا نقي الفول وفي نوع في مصر الفول كبير شويه
تحطي كبايه ونصف في ميه من العصر مثلا
وبعدي ن تحطي في قدره الفول طبعا الصغيرة اللي موجوده في اي سوبر ماركت تحطي الفول بعد ما تغسليه وعليه ميه تقريبا ضعف الفول وبعدين انا بحطه على النار يغلي الاول وبعدين بكون مشغلة السخان الكهرباء الصغير
المهم بعد مايغلي غلوة على البوتجاز بحطه على السخان واضيف 1-فص ثوم
1- واحده طماطميه+ 3 معالق عدس اصفر+ او ربع معلقه بيكنج بودر اوكربوناته
وطبعا ده عشان القشره بتاعت الفول متتعبش القولون
وتغطيه من بليل لحد الصبح على السخان واول ما تفتحي القدره حطي معلقه زيت اي زيت
واقفليه وبعدين حطيه في علبه بلاستك مقفوله وطبعا اول ماتفتحي القدرة شيلي الثوم زي ما هو وارميه وبعدين خدي على قد الي عاوزة تعمليه يوميا



بالنسبة للفول المدمس</B>

يفضل طبعا انك تنقعى الفول لمدة ساعتين قبل ما تعملية
و نحطى معاة طماطماية و شوية عدس اصفرضغيرين و حيطلع هايل

و ممكن لما تحطية فى الثلاجة تخطية فى علبة بلاستيك و نعصرىعلى الوش لمونتين او ليمونة و تبقى تاخدى منة بالملعقة كل ما تعوزى حيبقى زى ماهو
16-08-1426 هـ, 03:53 مساءً
 
نودى انا حاسه انك شاطره فى الحاجات الى بتدخل الفريزير انا خايفه ادخل العجائن عموما فى الفريزير ايه رايك؟
16-08-1426 هـ, 04:35 مساءً
 
بالنسبه لان الرز بيذوب مش عارفه انا بيذوب عندى من الفريزير حتى لو يوم واحد تفتكرى ده بيعتمد على نوعيه الرز نفسه ولا ايه؟
16-08-1426 هـ, 05:36 مساءً
 
بالنسبة للعجائن يا هبة ماتخافيش حطيها فى الفريزر مبيجرلهاش حاجة لكن يفضل ان يكون استخدامها فى خلال اسبوعين وبعدين اعملى لاسبوعين تانيين لكن بالنسبة للكبيبه الشامى بتقعد اكتر ممكن الشهر وبالنسبة للحوم او الفراخ المتبله مابيجرلهاش حاجة بالعكس بتبقى احلى لما بتقعد فى التتبيلة لكن المحشى مابيستحملش التفريز وملهوش علاقة بنوع الارز المشكلة بتبقى فى البرودة نفسها بتخلية يبوش واقصى حاجة له فى الورق العنب اسبوع لكن محشى الكرنب اقل من كدة فطبعا الاحسن انك تحفظى ورق العنب لوحدة وبرضة ورق الكرنب لوحدة لكن فية ناس بتعمل طريقة تانية لحفظ البزنجان الابيض والاسود وهى بعد ما بتقورية وتغسلية وينشف من الماء تشوحية فى السمنة يادوب تشويحة وتشلية وتحطية فى اكياس فى الفريزر ولما تيجى تطلعية حتلاحظى ان السمنة عملت حوالية طبقة متجمدة عازلة دى اللى بتحافظ علية . ومن الاخر المحشى الطازة احلى بريحتة وطعمة مفيش كلام ... وممكن لو عندك عزومة تانى يوم تعملية قبلها بيوم وتحشية وتسوية عادى نص سوى فقط وتشلية فى الثلاجة وتسوية تانى يوم على الاكل
16-08-1426 هـ, 06:33 مساءً
 


الساعة الآن 01:01 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏