حبايبى سلامو عليكو

وحشتونى جدا
دندون حبيبتى ميرسى لانك حطيتى اسمى وسامحينى لان النت عندى كان عطلان ومكنش العطل معروف اسبوع لحد ما اكتشفو ان العطل فىالسنترال فى البوكس ولازمله قطعة غيار وانتى عارفة يومهم بسنة والحمد لله اتصلح
ميرسى يا نودى يا قمراية عشان قلتى لدون عذرى والف شكر على سؤالك على يا حبيبتى

بس ما شاء الله
ده انتم خلصتم رمضان وخايفة تكونوا بتكتبوا فى العيد الكبير
حروح ابص وارجع عشان مكتبش وابوظلكو ا الترتيب

ورد ليكو كلكوا يا قمرات صفحة دون الجميلة




ربنا لا تؤاخذنا ان نسينا او اخطانا
اللهم استرنى فوق الأرض وتحت الأرض ويوم العرض عليك
آمين
طيب خدوا القايمة بتاعتى ومعلش ع التأخير

المشروب قمر الدين + كركديه لتنوع الاذواق

شوربة لحمة بلسان العصفور وفيها قطعة لحمة مسلوقة لكل فرد
ارز بخارى باللحم ( عندى طريقة سريعة ليه لو حد يحب اكتبها )

كفتة ارز بالبطاطس
ارز ابيض
كباب حلة
نوع خضار بامية مثلا

مخلل مشكل
سلطة خضراء

الحلو : بقلاوة وقطايف




ربنا لا تؤاخذنا ان نسينا او اخطانا
اللهم استرنى فوق الأرض وتحت الأرض ويوم العرض عليك
آمين
قايمة تانية
( ودى قوايم واقعية لعزوماتى السنة اللى فاتت ) بس السنة دى بفضلكوا حيبقى التنوع ايه

المشروب كركديه + تمر باللبن

شوربة لسان عصفور
خرشوف محشى
بطاطس محشية

ارز ابيض

فراخ بانية
طاجن لسان عصفور باللحمة المفرومة

اجنحة فراخ بانيه ( طبعا عارفينها وبيبقى شكلها شيك ع السفرة وانتوا لافين طرفها بالفويل لو عاوزين اصورهالكو لما اعملها اوكى )
نوع خضار بازلاء مثلا

سلطة خضراء
سلطة بطاطس بالمايونيز

الحلو : اطباق قمر الدين بالمكسرات




ربنا لا تؤاخذنا ان نسينا او اخطانا
اللهم استرنى فوق الأرض وتحت الأرض ويوم العرض عليك
آمين
صباح الفل يا بناااااااااااااااااااااااااات
جوعتونى ربنا يسامحكم

دوندون مبروك على الموضوع حبيبتى

هبة اخيرا
الف الف الف مبروك على dslوعقباااااااااااااااااااااااااااااااااالى

نوودى صباح الفل

وباقى البنات اللى معانا وحشتونى كلكم ..

************MoOnty**********
السلام عليكم و رحمة الله و بركاته

صباح الفل عليكم

معلش حارد الاول على منى اللي زغزغت بطني عالصبح بالخروف المحشي دي!!! اكيد يا منى تنزلي بالوصفات يا ماما و الصور كمان، هي دي محتاجة سؤال!!! ياللا بدل ما اسلط عليكي كفاية و الزرقاوي، و انتي فاهماني طبعا!! تسلم ايديكي يا قمر و حمدالله على السلامة

هبهوبة السكرة يا الف الف الف مليون مبروك علينا، طبعا علينا مش احنا اللي حنتمتع بوجودك و باكلاتك الجديدة؟؟!!! بس سؤال برئ: هو الدي اس ال ليكي بس و الا للشبح كمان؟؟ يعني انا باقول الشبح ينام شوية الشهرين دول و يرتاح و كفاية نورك علينا!!

تسلم ايديكي عالاكلات الجديدة يا هبة و ما شاء الله دون ردت على اسئلتك و حاضيفلك حاجة بسيطة ليكي و للبنات. انا من دلوقت بانقي كمية من الارز و اشيلها منقاة و تبقى على اني اخد منها كميتي اول باول و اشتغل منها. و الثوم باقشره بكمية كل كام يوم في الوقت اللي اكون قاعدة باتفرج على التلفزيون مثلا و مش بياخد وقت و لا مجهود. بالنسبة للمحشي باجهز خلطة كاملة من كله بس مش باعينها في الفريزر لاكتر من اسبوعين تلاتة عشان الخضار بيغير طعمه و نكهته مش بتبقى بنفس القوة. بيبقى فاضل بس اني اطلعها و اضيف لها الرز و السمن. احيانا باعملها من غير الخضرة و يبقى اطلعها اضيف لها الرز و السمن و الخضرة لان الخضرة عموما مش بتاخد وقت في تخريطها و مش عطلة زي ما انتوا فاكرين. الكرنب باجيبه و اسلقه و اقطعه و احطه في اكياس في الفريزر على اكلات و اسحب منه و احشي على طول مش بياخد وقت خالص و برضه باحشيه من اليوم اللي قبلها لو انا قاعدة باتفرج عالتلفزيون كده و اشيل الحلة في التلاجة لتاني يوم و اقوم اسويه. ورق العنب كذلك نفس الشئ. بالنسبة للعجين زي ما قالت دون بالظبط و انا جربت في عجينة البوريك بتاعة رووني و الله طلعتها بعد يومين عملتها كانت كأنها لسه معمولة. انتي بس عينيها في كيس و اقفليها كويس و طلعيها قبل الاستخدام تستهدى و بعدين افرديها و اشتغلي. و الحشوات بتاعتك مش بتاخد وقت في التحضير و حتلاقيها سهلة ان شاء الله

دون الجميلة، البت منى اديتني بكلامها فكرة حلوة!!! افتكري نبقى بعد العيد الصغير ان شاء الله نبدأ نحط جدول اكلات العيد الكبير!!!!! انتي عارفة ده عيد اللحمة و الاكل!! انا مش باسيب المطبخ الاربع ايام بابقى على طول محتجزة!! و الله احنا مجانين خلصنا رمضان و داخلين عالعيد الكبير كمان!!

تسلم ايديكي يا دون و جزاكي الله خيرا عالموضوع الجديد و ربنا ما يحرمنا منك ابدا

ايرا وحشتينا يا بنتي، انتي بتيجي مع الهلال و الا ايه؟؟؟

زئردتي الله يسلمك يا حبيبتي، اي خدعة احنا واقفين ورا باب المطبخ هههههههههههههه

مسلمة، برافو عليكي يا قمر، احنا نشجع بعض و نضمن اننا اخدنا ثواب قراءة القرآن و الدعاء و الذكر في الفترة الحلوة دي و كمان نتسحر عشان نقدر نتحمل لتاني يوم

مووووتي و سبانيش و نهى و سمسمة و ام ابيها و رواء و رووني و كل الناس صحصحوا ياللا
يا رب لك الحمد كما ينبغي لجلال وجهك و عظيم سلطانك

اللهم اغفر لي و لوالدي و للمؤمنين و المؤمنات يوم يقوم الحساب

اللهم احفظني و زوجي وولدي من كل سوء



الساعة الآن 11:17 .