و انتى كمان يا ام ابيها تنورى يا حبيبتى و ربنا يقومك بالسلامه يا رب و بجد والله لو عوزتى أى حاجه قولى احنا كلنا اخوات مش عزومه مراكبيه والله بتكلم بجد
يااااة المعرض دة بعيد أوى يا دون عليه أنا ساكنه فى فيصل لكن ربنا يسهل و أحاول أروح


صينية السبانخ بالجبنة الموزاريلا
كيلو سبانخ
ربع كيلو لحمة مقرومة معصجة
كوب جبنة موزاريلا
نص كوب بشاميل خفيف
ملح و فلفل
صنوبر ( حسب الرغبة)
الطريقة
نضفى السبانخ واغسليها كويس وقطعيها عادى
اسلقى السبانخ عادى فى شوية ماء صغيرين خالص لانها حتنزل مايتها
او ممكن تخليها على حمام مائى لحد ما تدبل
صفيها من الماء واعصريها بأيدك كويس علشان تنزل كل مايتها
ضعى العصاج عليها والصنوبر واخلطيها معاة
ضعى البشاميل و نص الجبنة الموزاريلا على السبانخ
واخلطيهم كويس
هاتى الصينية او طبق الفرن وضعى الخليط كله وساوية كويس ثم
ضعى باقى الجبنة الموزاريلا على الوش كله ودخليها فرن لحد ما
الوش حيحمر على طول والجبنة تسيح وبالهنا والشفا
طعمها بيبقى جميل وخصوصا مع العزايم





القطايف الطائرة

نص كيلو قطايف عصافيرى
جوز هند
زبيب (ياريت لو الامريكى الكبير)
قرفة ناعمة
زيت وسمنة للقلى
شراب
الطريقة
نضع الجوز الهند على القرفة على الزبيب
ونخلطهم بالمعلقة
هاتى واحدة قطايف حطيها على ايدك وضعى عليها معلقة من الحشو
هاتى واحدة تانية قطايف وضعيها فوق الحشو يعنى كأنك بتغطيه بيها
واقفلى القطايف بصوابعك كويس بالضغط على طرفى القطايف داير ما يدور
(يعنى شكلها النهائى مش حيبقى زى نص الدايرة.لأ حيكون شكلها زى الدايرة الكاملة
او زى الطبق الطاير حمريها وبعدين ضعيها فى العسل وبالهنا والشفا
ملحوظة : لو عاوزة القطايف ناشفة حمريها فى زيت
لو عايزة القطايف كويسة حمريها فى خليط سمنة وزيت مع بعض





ارز بالخضار والدجاج
2 كوب ارز مستوى
2 كوب جزر مبشور
كوب بصل مفروم
2 كوب عصير طماطم
نص دجاجة مخلية
(او ) ربع كيلو لحمة قطع مستوية
كوب بقدونس مفروم
ملح وفلفل وتوابل
زيت
بشاميل
الطريقة
اولا اعملى البشاميل عادى وبعد ما يتخن وتطفى النار علية
ضعى علية كوب عصير طماطم و اخلطيهم مع بعض كويس.
ثانيا شوحى البصل فى الزيت لحد ما البصل يصفر
ثم يضاف الجزر والدجاج (او اللحمة)الى البصل
وقلبيهم تقليبتين ثم ضعى كوب عصير الطماطم والتوابل
وقلبى وسيبى الصلصة لحد ماتتسبك
ضعى عليهم البقدونس والارز وقلبى كله مع بعض تقريبا 5 دقائق
ضعى الخليط فى صينية او طبق الفرن وصبى علية خليط البشاميل
اللى عملناه ودخلية الفرن تقريبا من ربع لنص ساعة
وبالهنا والشفا





انتو فين ولا الجمعة بتفتحوا متأخر المنتدى من غيركو ضلمة والله ايه الحكاية
تحصنت بالله الذي لا إله إلا هو





بداية المشوار 15 -1-2008


الساعة الآن 10:34 .