طيب حقولك يا ام ياسمين فكرة انتى وكل اللى بيشتغلوا اعقدى العزم على انك تنزلى مرة واحدة قبل يوم الجمعة تستروا فية كل حاجتكم ويوم الجمعة الجاى تدخلى المطبخ وماتخرجيش منه الا لما تخلصى كل حاجتك ان شاالله تقعدى فية لبليل وحيبقى واقفة واحدة ومجهود واحد وتخلصى خالص حتلاقى نفسك يوم السبت ارتحتى ولما تبصى فى الثلاحة وتلاقى حاجتك كلها تحت ايدك تعبك كله حيروح
21-08-1426 هـ, 11:13 صباحاً
 
نودى ممكن تحطيلى لينك الكتاب الالكترونى فى ملف رمضان لحسن انا حطيته بس ما اتظبطش
21-08-1426 هـ, 11:14 صباحاً
 
يا صباح الفل يا دندون، فكرتك حلوة اوي يا قمر و عندك حق هي وقفة يوم واحد تخلص الفيلم كله، غالبا انا حاعمل كده برضه، و الله يسلمك يا قمر

ام ياسمين، عاوزاهم يسيبوني عليكي!!! محدش يحوشني عنها!!! مذاكرة؟؟!!!! هي ياسمين خير بتدرس الماجستير السنة دي؟؟!!! مذاكرة ايه يا مفترية هو انتي لسه شفتي مذاكرة؟؟!!! الله يكون في عونك يا دون!!! يا بنتي دي مذاكرة ياسمين متاخدش منك ساعتين على بعض، بلاش كسل انتي بس و ان شاء الله كل حاجة تمشي زي الفل

تسلم ايديكي يا سمسم، على فكرة انا ساعات باعمل اكلتك دي لما ابقى مستعجلة و بتبقى جميلة خصوصا لو عندك لحمة مسلوقة و مش عارفة تعملي بيها ايه
21-08-1426 هـ, 11:18 صباحاً
 
لحمة بالبطاطس والجبنة

1/2 كيلو لحمة مفرومة
1/2 كيلو بطاطس
1/3 كوب صلصة طماطم
1/3 كوب حليب
1/2 معلقة صغيرة قرفة
1/2 معلقة صغيرة ملح
1/4 كوب زيت
1/8 كيلو جبنة موزاريلا
2 معلقة كبيرة قشدة الخفق
بيضة - بقدونس -كوب ماء
الطريقة
نعصج اللحمة المفرومة بمقدار الصلصة اللى عندنا
مع الملح والفلفل والقرفة
قطعى البطاطس شرائح رفيعة و رصصيها فى صينية فرن
نضع على البطاطس الحليب والماء والقشدة
ثم نضع طبقة من اللحمة المعصجة بالصلصة فوق البطاطس
اضربى البيضة وحطى عليها الجبنة الموزاريلا والملح والفلفل
و البقدونس المفروم
وبعدين روحى حطة الخليط فوق اللحمة فى الصينية
ضعى الصينية فى الفرن لمدة ساعة تقريبا لحد ما تستوى
وبالهنا والشفا
21-08-1426 هـ, 11:21 صباحاً
 
تسلم الايادى يا سمسمة ..والله اعملوا زى ما بقولكم واعملوا زيى حطوا التليفزيون الصغير معاكم فى المطبخ او الراديو علشان ماتحسيش بالمجهود والتعب وحتنجزى اسرع (بس انصحك ما تفتحيش اغنية (كتاب حياتى يا عين) وانتى بتشتغلى علشان ما تخلرجيش من المطبخ تولعى فيهم
21-08-1426 هـ, 11:27 صباحاً
 


الساعة الآن 10:47 .