Analysis Services
هههههههههههههههههههه، حلوة يا دون!!!! لا انا حاشغل اغنية "ساعات ساعات، باحب مطبخي و اطبخ الحاجات"!!!! أضحك الله سنك يا دون و الله طلعتيني من جو الاخبار الكئيبة

ياللا ملكمش حجة خالص اهه

صحيح يا دون انا جت لي فكرة و مش عارفة تمشي و الا لا، ينفع اني احمر كمية من لسان العصفور و كمية من الشعرية و اقسمهم اكلات و احطهم في اكياس و في الفريزر على اساس اني اطلعها يا دوب احط الشوربة و الملح و الفلفل و الصلصة و اقلب قبل الفطار؟؟ اصل احنا من اكلة الشوربة بشكل رهيب و احيانا باعمل حلة كبيرة بس ليومين بس و بارجع اعمل تاني، يعني مش اقل من 3 او 4 مرات في الاسبوع. قوليلي رأيك يا قمر
21-08-1426 هـ, 11:32 صباحاً
 
الفراخ بالزبادى و الكاتشب

فرخة من كيلو ونص لاتنين كيلو
بصلة كبيرة - 2زبادي - فصين ثوم
2طماطم كبيرة - ملعقة صغيرة كاتشاب
ملعقة صغيرة كاتشب حار- ملح - فلفل
بهارات دجاج - زعتر- زيتون مخلل
الطريقة:
نقطع الدجاجة من ضهرها بالطول ونفتحها و نفردها
نضرب كل المقادير فى الخلاط كويس قوى
ثم نضع الفرخة في صينية ونصب فوقها الخليط اللى ضربناه فى
الخلاط ونسيبها فى الثلاجة من بليل للصبح او من الصبح لحد قبل
موعد الفطار
غطيها بورقة فويل وضعيها فى الفرن لحد ما تستوى الفرخة
بعد ما تستوى شيلى الورقة الفويل علشان وش الفرخة يتحمر
وبالهنا والشفا
21-08-1426 هـ, 11:33 صباحاً
 
امممممممممن فراخ و لحمة و بطاطس عالصبح، انا باقول يا دون بلاش ندخل المطبخ هنا في رمضان لاني لو دخلت الصبح كل يوم شفت الاكل ده، عالمغرب اعصابي حتنهار تماما!!! تسلم ايديكي يا دندون
21-08-1426 هـ, 11:35 صباحاً
 
اة يا نودى ينفع .....
على فكرة يا جماعة انا حنزل اشترى حاجاتى النهاردة عارفين لية ؟؟؟و امتى ؟؟؟؟
ساعة الماتش بتاع الاهلى والزمالك . حتلاقوا الشوارع فاضية والسكك جميلة اشترى حاجتك بهدوء وبرواءة بس ابقى كاتبة طلباتك فى ورقة والله حتدعولى
بس روحوا بسرعة قبل الماتش مايخلص محدش ضامن النتيجة ولا الظروف
21-08-1426 هـ, 11:37 صباحاً
 
بتهيألى من غير اغنية يا دندون

فكرتك حلوة يارب يقدرنى واعملها إنشاء الله

وبعدين يانودى ليه بس يارررررررررررررررررررب نفرح فيكى عن قريب انشاء الله
ياستى ياسمين كانت فى كى جى 1 ونطت لسنة اولى ابتدائى فده عملت مشكلة وعندها فرنساوى وانجليزى وعلوم بالأنجليزى كده يعنى فبنقعد نهاتى ساعات عقبال ما تعمل الواجب وتحفظ الكلمات الجديدة بتهيألى اللى بيعمل الماجستير مريح مش هذاكر معاه
ربنا يجعله بفايدة ويصلح حال جميع المسلمين
21-08-1426 هـ, 11:39 صباحاً
 


الساعة الآن 05:31 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏