الف الف الف مبروك

وعقبال الجزء المليون للخبيرات والشيفات ان شاء الله






إعلان



وجزاك الله خيرا يا don وجعله فى ميزان حسناتك ان شاء الله
حبيبتي don




و بارك الله فيكي و ليكي و عليكي
أم
يا هووووووووووووووووووووووو

فتحنا السادس يا عينى
وبقينا حبايب

فتحنا السادس يا عينى
ايوه
وصبحنا قرايب

قرايب حبايب
حبايب قرايب


فتحنا السادس
فتحنا السادس وبقينا قرايب ومين على دون يا عينى يقدر يباعد

لاتنكسر .. ماأحد ٍ مثل قلبي خسر .. لاينثوي عزمك وحيـــل الله قوي ..قاااادر يفرجها بعد ضيق وعسر
اللهم لك الحمد كما ينبغى لجلال وجهك وعظيم سلطانك
بسم الله الرحمن الرحيم
ماشاء الله لاقوه الا بالله



حبيباتى والله لو بايدى اقعد على النت 24 ساعه عشانكم بس ما باليد حيله بصوا بقى انتم بتسالوا على اسعار هايبر فى ايه بالظبط الياميش ولا كل حاجه الدنيا دلوقتى زحااااااام رهيب هناك انا كنت امبارح مع صاحبتى ما قدرناش حتى ندخل بصينا للمنظر ودورنا ظهرنا ومشينا بس بيتهيالى ان اوقات الظهر والصبح الدنيا هتكون اروق نوعا ما.

الكتاب بتاع جدى بالاتفاق مع دون وبعد اخذ اذنها طبعا حبا واحتراما هنفتح لينك جديد ليه لانها لازم تعدل لنا شويه الاكلات لانها قديمه قوى ومحتاجه انها تتعمل بطريقه دلوقتى بيتهيالى هتفهموا ان شاء الله فى وقتها بس انا مش هقدر ابتدى الا لما الdsl يتركب عندى فانتظرواااااااااا يوم الافتتاح الكبير ان شاء الله بالكثير على الجمعه الجايه

سؤال بقى لخبيرات الكمبيوتر الانسه السكره موتى والانسه المسكره نوودى انا كل ما ادخل الديسك فى كمبيوتر البيت مش بيرضى يفتح يا ترى العيب فين؟؟



يا جماعه انا من عشاق الجمبرى تقدروا تقولوا ان عندى شبه اتفاقيه مع السماك خلاص الراجل اتهرى تقشير كل ما يشوفنى يقولى حاضرررررررررررر اتفضلى يا فندم وانا واقفه ساكته تماما يحط الجمبرى ويوزن وبعدين يقولى هه ايه ثانى لما يشوف ماما بقى يقولها يا خساره الجمبرى حلو النهارده
هقول لكم بقى على طريقه جمبرى هائله بس الى عنده ميزان فعلا هيطلعها مظبوطه جدا ولاى ما عندوش هى مش كمياء تقريبيا كده هيعرف من غير وزن

الجمبرى السبايسى بالطماطم الشنيع

55 جرام زبد – 3 فصوص ثوم مهروسين – بصله كبيره متقطعه ناعم – فلفله خضراء حلوه كدهوت – فرع كرفس واحد – 450 جرام طماطم مضروبه حلو فى الخلاط – ملعقه سكر – ورقه لاورو واحده – نصف ملعقه زعتر ناشف ويفضل يكون نوعه جيد جدا – ربع ملعقه فلفل اسود – كيلو الا حاجه بسيطه (باخذ من الكيلو 100 جرام لاستعمال اخر هكتبه لكم ) – نصف ملعقه بشر ليمونه – عصير ليموناتين


على النار نسخن الزبد نضيف الثوم اول حاجه ثم البصل ثم الفلفل الاخضر ثم الكرفس ونشوح الكل ما يقرب من العشر دقائق خلى بالكم النار العاليه سيئه جدا فى الاكل احسن حاجه نارك تبقى متوسطه يعنى تسوى بدون ما المياه بتاعه الخضار ما تطلع بس فى نفس الوقت ما تحرقش الاكل ولا تسويه بسرعه قوى
نضيف بقى الطماطم والسكر والملح واللوروا وكل التوابل نسيبها على النار لغايه ما تغلى نوطى النار على الاخر ونسيبها 10 دقائق نضيف الجمبرى وبشر الليمون وعصيره باختصار كل الباقى ونغطى لغايه لما الجمبرى يستوى انا بفضل جدا الجمبرى الجامبو فى الطبق ده واسرفسه على رز ابيض تماما
وبالف هنا وشفا يارب


فيه بقى طبق ارز هيعجبكم جدا ان شاء الله هو المفروض بيتعمل بفاصوليا حمراء انا مش عارفه اذا موجوده هنا او لا احنا زارعينها فبنقدر نستخدمها لكن اذا تعرفوا لها مكان بيع فى مصر ياريت تقولوا لى ومن الاخر انا بستبدلها ساعات بالوبيا او الفاصوليا البيضاء

الارز بالفاصوليا الحمراء

بصله مقطعه – فلفله خضراء مقطعه – صدور فراخ مقطعه رفيع – فص ثوم مفروم – من 2 الى 3 ملاعق شطه – ملعقتين زعتر جاف- 170 جرام ارز طويل الحبه (كوبايه) – نصف كيلو الا طماطمايه مضروب فى الخلاط – ربع لتر شوربه – ملح – فلفل – نصف كيلو فاصوليا مطبوخه

خلى بالكم نصف كيلو فاصوليا مطبوخه مش ناشفه
على النار بنشوح البصل والفلفل الاخضر وصدور الفراخ والثوم لغايه الخضار ما يطرى حوالى 5 دقائق
نضيف الارز ونعد نقلب لغايه لما نحس ان الارز كله بقى متغطى بالماده الدهنيه المستعمله نضيف الشطه ونقلب دقيقه كمان
نضيف الزعتر والطماطم المضروبه نتبل الخليط ونسيبه لغايه لما يغلى بعد كده نوطى اوى على النار لما الارز يقرب يستوى نضيف الفاصوليا ونقلبها فى الارز كله ونسيبها معاه 15 دقيقه ونقدمها



طب ننوع بقى شويه ونعمل حاجه جديده ومفيده وهائله وتشرف فى اى سفره وبصراحه مش هتلاقى ستات كثير ياخذو بالهم منها

يالا نعمل كسكوس بالخضار

4 ملاعق زيت زيتون – فلفله حمراء متقطعه لاربعه – 8 بصلات قاورمه – كرات افرنجى مقطع كبير – ربع ملعقه زعفران – نصف ملعقه turmeric- ملعقه جنزبيل مطحون – 3 اعواد قرفه خشب – 3 جزرات كبار متقطعين كبار – 2 بطاطس متقطعه اربع – نصف كيلو طماطم مضروبه فى الخلاط – لتر شوربه – ملح وفلفل – 2 كوسايه متقطعه كبير – ربع كيلو فاصوليا ونسيبها زى ما هى طويله وهابله كدهوت او ممكن الى جوزها لسانه مش قد كده تقطعها نصفين او ما تعملش الاكله خالص – نصف كيلو حمص شام مسلوق – معلقتين كسبره – معلقتين بقدونس – كسكس


على النار يا بطابيط نضيف اول حاجه للزيت البصل القاورمه وبعدين الفلفل الاحمر ونقعد نقلب 3 دقائق نضيف البهارات وبعدين الجزر والبطاطس والطماطم والشوربه والملح ونغلى وبعدين نوطى قوى على النار لغايه لما الخضار يقرب على السوى حوالى 25 دقيقه فى نفس الوقت بنعد الكسكس
نرجع ثانى نضيف باقى الخضار كله الى حله الطهى ونطبخ خمس دقائق كمان لغايه باقى الخضار ما يستوى تماما نطفى واول ما تهدى نحط البقدونس والكزبره خلو بالكم الخضار ما يتهريش منكم عشان يبقى صاحى فوق الكسكس
فى طبق التقديم نفرش الكسكس ونحط فوقه الخضار ونرتبه بشكل جميل وراعوا ان مايته ما تسيح على الكسكوس طبعا فاهمين ااقصد ايه


على فكره بالرغم من ان الملفات الثانيه فيها صور وحركات بس انا بحس ان ملفنا ده الاقرب والاوقع للتطبيق للحياه اليوميه بيتهيالى يعنى
طبعا انا مش بقلل من قيمه المجهودات الى بتتعمل وانا بصراحه نفسى ندخل الصور عندنا بس برضه احنا واحنا كده لينا طعم مختلف



فيه كمان طبق امى بتعمله دايما وبيطلع مظبوط جدا بس المهم ان البسله تكون خضراء مش من الفريزير لانها بتبقى اشهى كثير

كيلو لحم احمر مقطع الى قطع متوسطه – بصله - ملعقه روز مارى اخضر او نصف ملعقه لو ناشف – ملح وفلفل – ربع كيلو بسله خضراء – نقطه روح نعناع (متبوصوليش بصو لماما )
على سخان الفول ماما بتحط اللحمه لغايه لما تستوى وتنضج الى حد ما مش تتهرى يعنى بتنشلى اللحمه وتعدى تغلى الشوربه لغايه لما تقل اوى تاخذى اللحمه وفى ملعقه زيت تشوحيها لما تتحمر من كل الجوانب وتبقى على بنى محمر كدهوت ننشلها ونحط البصله والروز مارى لغايه لما تنعم خالص نرجع اللحمه والشوربه القليله وكمان البسله ونقطه صغيره جدا من روح النعناع ونسيبهم بتاع 10 دقائق كله هيبقى ألسطه

طيب نقول حاجه تحفه بقى للسحور وكل سنه وحضراتكم بخير وطيبين بس لو سمحتم ما نتقلش اوى فى السحور ويفضل كوب زبادى وشويه مايه وخلاص عشان ثانى يوم نعرف نصحى من النوم

3 ملاعق زبد – بصله حلوه كده – ربع كيلو بسطرمه او رومى مدخن او لانشون فراخ او سلامى زى ماتحبو – نصف كيلو بطاطس مسلوقه او محمره فى الزبد ومقطعه مكعبات صغيره جدا – 100 جرام جبنه شيدر – 2 ملعقه كبيره كاتشب – 2 ملعقه كبيره ورشستر صوص (انا قلت لك يا امول تجيبيها منين هاتى بقى لكل البنات معاكى يالا يابنات خذوا ازازتكم من نووووووودى) – ملح وفلفل – 6 بيضات – بقدونس عشان التجميل


نسخن الفرن
نسيح معلقتين زبده ونشوح فيها البصل وبعدين نقلب عليه بعد ما نطفى النار كل المقادير ماعدا البيض بنجيب طبق بايركس حلو كدهوت وندهنه بمعلقه الزبد الى فاضله ونفرش خليط البطاطس ندخلها الفرن بتاع 10 دقائق كده نخرجها ونعمل 6 فتحات بالمعلقه – نوسع للبيض – ونكسر بيضه بيضه فى طبق ونصبها فى الحفر الى فى الصنيه لغايه لما نخلص الست بيضات ندخلها الفرن 20 دقيقه وبعدين نرشها بالبقدونس والف صحه وعافيه يارب

انا عن نفسى انصح بيه كطبق للفطار مش للسحور


ساعات فى السوبر ماركت بنلاقى علبه كده جوها حبات ذره دى ممكن نعمل بيها سلطه هائله وتعالوا بقى نشوف نعملها ازاى يا بطاتى المحترمات

2 ملعقه زيت – علبه ذره نصف كيلو – فلفله خضراء – بصا اخضر حسب الرغبه – طماطم صغيره الحجم مقطعه بالنصف – بقدونس مفروم – ملح وفلفل

للدريسينج
نصف ملعقه سكر – ملعقتين خل – نصف ملعقه مسطرده ديجون – ملعقه بقدونس مفروم – ملعقه مايونيز – ربع ملعقه كاتشب حاررررررررررر

على النار بنحط الذره والفلفل والبصل الاخضر نشوحهم خمس دقائق ننقلها لطبق السلطه نضع كل الخضروات ونخلط الدريسينج ونصبه على الذره ونقدمها دافئه


هنعمل حاجه بالشكولاته بس معلش محتاجين ميزان او محتاجين حد يحول المقاييس للكوبايه

بودنج الشكولاته الخطييييييييييييييييييييير

اه لو كنت بعرف اضيف صور كان زمانى باخذ حسنات اكثررررررررر

85 جرام دقيق – 2 ملعقه شاى بيكنج بودر – ذره ملح – 55 جرام زبد – 30 جرام شكورته خام مبشوره – 115 جرام سكر بودره – 85 مل لبن – ربع ملعقه فانيليا – كريم شانتى –
للتغطيه: 2 ملعقه قهوه نسكافيه – 315 مل ماء ساخن – 100 جرام سكر بنى – 70 جرام سكر بودره – 2 ملعقه كاكاو

فى بوله بنحط الدقيق والبيكينج بودر وذره الملح وفى حمام مائى بنسيح الزبد مع الشكولاته مع السكر وبعدين نضيف لهم الدقيق ونضيف اللبن والفانيليا نصب الخليط فى طبق فرن
نذوب النسكافيه فى الماء ونخلط الكاكاو مع السكر
نرش مزيج الكاكاو على وش الطبق وبعدين نصب النسكافيه على الوش ندخله فرن سخن جدا ونخبزه 40 دقيقه نجمله بالكريم شانتى واولادكم هيحبوكم بزياده بسببه

يا جماعه الطبق ده هااااااااااائل
لاتنكسر .. ماأحد ٍ مثل قلبي خسر .. لاينثوي عزمك وحيـــل الله قوي ..قاااادر يفرجها بعد ضيق وعسر
اللهم لك الحمد كما ينبغى لجلال وجهك وعظيم سلطانك
moslema_3..allah ye7'alekii ya gameela

Noody...mercii ya amar


الساعة الآن 01:05 .