Analysis Services
السلام عليكم و رحمة الله و بركاته

صباح الخير عليكم

عاملين ايه؟؟

انا بصراحة مش مبسوطة خالص و متضايقة و مش طايقة نفسي لان بعد حركة دمج التالت و الرابع و كمان دمج الخامس و السادس معظم اللينكات اللي عملتها امبارح باظت. حسبي الله و نعم الوكيل. طيب كان حد يقول حاجة و الا يعرفونا بالدمج عشان نعمل حسابنا و الا هو مجهود الناس يروح عالارض كده؟؟؟ و الا هي التنبيهات بس لحاجات حاجات

معلش يا دون سامحيني بس بجد حركة تحرق الدم و انا مش حاطلع لينكات تاني الا اما يستقروا في المنتدى همه حيدمجوا و الا حيفكوا عشان حرام مجهودنا يروح عالارض ب"كبسة زر"

ياللا المهم، انتوا كويسين؟؟ محتاجة اسألك حاجات كتير عن عجانة الكينوود دي يا دون بس خليها عالخاص بقى

سلام
23-08-1426 هـ, 09:15 صباحاً
 
جيت اصبح عليكم بسرعة وحشتوني كلكم والله

معلش اعذروني ما كنتش اعرف ان المنتدى اتفتح لولا نودي ربنا يكرمها امبارح قالت لي ، طبعا فكرتوني ولدت وباهرب من المغات والسبوع (والله كلكم معزومين والدعوة عامة وانتم مش محتاجين عزومة)

مش هاعرف اتابع كل حاجة من الأول هو انا فاتني كثير يعني الكحك وحاجة العيد ولا انتم لسة في رمضان ؟

رمضان كريم عليكم كلكم

هارجع بعد ما اشتغل شوية ان شاء الله
23-08-1426 هـ, 09:15 صباحاً
 
على فكرة انا لسة حتة واحدة والبيبي لازق ومش عاجبه الحال برة فقال افضل جوا احسن لي

عموما دعواتكم لي، امبارح تخيلت انها ولادة والله وقلقت زوجي من الساعة 3 الفجر بس الحمد لله ما حصلش حاجة لحد دلوقت لو ولدت وانا في الشغل وصيتكم المية السخنة بقى

سلامي لكم كلكم واحدة واحدة بدون ذكر اسماء علشان انا بقيت مسطلة اليومين دول والناس هتزعل مني لو نسيت اسمها
23-08-1426 هـ, 09:18 صباحاً
 
صباح الفل عليكم جميعا
مبروك يادندون الجزء السادس ولو انها متأخرها امبارح كتبت الرد وبعد كده مفيش اى محاوله نفعت علشان ادخل للصفحة او يقبل اى رد
معلش بقى ومبروووووووووووووووك مرة تانية وعقبال الجزء الـ 1000 بس اخاف يلزقوا كلهم فى بعض ونعيط احنا علشان نطلع حاجه

هبهبوب نورتى انتى بتختفى وبعد كده تظهرى بمفاجآت اولا تسلم ايديك على الوصفات الجميلة
وبعدين يعنى يعجبك اقع كده من الضحك فى الشغل والناس تضحك عليه

ويارب بقى الـ dsl يشتغل بسرعة علشان تكونى معانا على طول


أم ابيها ربنا معاكى انشاء الله ويرزقك بالنونو الجميل اللى يفرح قلبك بس ياريت تفتكرينا بالدعاء

صباح الفل يانودى ياجميله معلش تعبناكى وحشتينى ازيك وازى بابا واخوكى دلوقت يارب يكونوا بقو احسن

صباح الفل على موتى وسمسمه وسبانش وايرا ورونى ومسلمه ونهى ونتالى وام الهنا ومروة هى فين صحيح هى وام حبيبه ومنى ورواء ويارب يارب مكونش نسيت حد علشان الزهايمر بيبدأ يزيد عندى مع بداية الدراسة بعيد عنكم

وكل سنة وانتم طيبين
23-08-1426 هـ, 09:45 صباحاً
 
صباح الخير عليكم يا بنات
ازيكم كلكم
انا مش عارفة ايه اللخبطة اللى حصلت دى بس معلش حصل خير

نوودى وحشانى جدا

ام ابيها أنا كمان معزومة
طيب تذكرة الطيارة مع offer ده ولا على مين التذكرة

don بصراحة ربنا يكرمك ويجزيكى خيرا
على تعبك ده مع البنات
والافادة للناس كلها

انا بصبح على الكل
وهبة اللى بتختفى وتظهر
23-08-1426 هـ, 09:55 صباحاً
 


الساعة الآن 07:05 .