بطاطس محمرة باللحمة المفرومة والجبنة

نص كيلو لحمة مفرومة
كيلو بطاطس للتحمير
نص كوب صلصة طماطم
معلقتين جبنة موزاريلا او شيدر
بصلة كبيرة
معلقة كبيرة ثوم مهروس
معلقة كبيرة خل
3 معالق زيت
ملح وفلفل وممكن ربع معلقة شطة
الطريقة
نضع الزيت على النار ونشوح البصلة المفرومة والثوم لحد ما يصفروا
ثم نضع الخل والشطة ثم اللحمة المفرومة ثم الصلصة ونسيبها لحد ما
تتسبك نقشر البطاطس ونقطعها صوابع تخينة شوية ونحمرها فى الزيت
عادى ونشيلها ونصفيها من الزيت كويس نضعها فى صينية فويل او
طبق فويل ونضع عليها العصاج بالصلصة وعلية رشة جبنة
ويادوب نحطها فى الفرن تحت الشواية دقيقتين لحد ما تسيح الجبنة
وتقدم وبالهنا والشفا
ملحوظة:
ممكن نعملها بالبطاطس المحمرة البايتة او المتبقية عندك ومحدش اكلها
24-08-1426 هـ, 10:52 صباحاً
 
يا موتى بصى عليها تانى فى الكتاب الالكترونى حتلاقى المقدار صح وبالنسبة لنقع البرغل بيبقى من ربع لنص ساعة لكن الملحوظة الاخيرة دى منين ؟؟؟؟
صباح الفل يا سمسمة وبالهنا والشفا عليكى
24-08-1426 هـ, 11:00 صباحاً
 
صباح الفل عليكم جميعا

اليكم التقرير التالى من وكالة الأنباء الياسمينية عن هايبر

لفة قمر الدين هايبر أو سورى أو اى نوع مستورد 4.90
قراصيا 500جم 12.90
مشمشية 500 جم 7.9
مشمشية حجم كبير 9.90
تين طبق 500جم 8.90
تين معرض 7.90
تين حبل 500جم 8.9
جوز هند 500جم 3.6
زبيب عادى 500جم 5.90
زبيب جولد 6.90
زبيب جامبو 8.90
بندق مقشر 250جم 17.9
بندق بقشره 500جم 13.90
لوز بقشره 500جم 13.90
عين جمل مقشر 250جم 13.50
فول سودانى مقشر 500 3.90

ومعلش معفرتش انقل باقى القائمة كنت هضرب علشان احنا وصلنا الساعة 11.30 وهو بيقفل 1 ومش هنلحق نشوف الباقى
على فكره البلح الكيلو ب 6، ب 7 بس كل أنواع البلح معجبتنيش وطبعا بمقارنة منتجاته بمنتجات عطار الحسين اللى بشترى منه طبعا ماشتريتش اى حاجه
24-08-1426 هـ, 11:05 صباحاً
 
صباااااح الفل عليكم
ازيكم كلكم عاملين ايه يا بناويت؟
أنا قلت أصبح على السريع علشان نازله الشغل بعيد عنكم
أشوفكم لما أرجع ان شاء الله
يا دون ليه كدة على الصبح الحاجات اللى تجوع دى ؟ لما أرجع هبقى آكل الصفحه
24-08-1426 هـ, 11:08 صباحاً
 
دوندون الملاحظات دى ككانت فى الملخص
والمقادير فى الكتاب 1 كيلو لحمة
على كيلو الا ربع برغل


دة صح
يعنى دى طريقتك ولا طريقة حد تانى؟
24-08-1426 هـ, 11:11 صباحاً
 


الساعة الآن 08:30 .